القصة الكاملة والقصيدة لفجحان الفراوي مع قبيلة الفردة

نظراً لأن هذه القصة والقصيدة لفجحان الفراوي هي من موروثات قبيلة الفردة
والتي تنم عن الكرم وحسن الجوار
أردنا وضعها كاملة مع الشكر والتقدير لمن سبوقنا بعرض إضاءات مختصرة عنها
وهي برواية مناور بن علي بن نمران عن والده علي بن نمران رحمه الله
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
الشاعر فجحان‎ ‎الفراوي ( من المريخات من بريه من مطير ) رحمه الله
كان فقيراً ومعه ثمان بنات وزوجته فقط ونصحه أحد أصدقاءه بالنزول عند ‏حرب
فسئل عن حرب فأرشده رجل إلى النزول على الفرده
لأنهم مشهورين بحسن الجوار وإكرام الضيف ‏وهم معه ضد من يضايقه بأي شي ما دام معهم وهذه من عاداتهم
فنزل ضيفاً على الفــردة جماعة ‏الشيخ ضيف الله بن حماد (ابو ذعار )المتوفي سنة 1315هـ رحمه الله
(قال الشيخ ضيف الله بن حماد لجماعته هذا الفراوي جاكم من قل وناصيكم دون غيركم وكلٍ وإستطاعته
راع البل يعطيه بعير وراع الغنم يعطيه ويوم جمعوها عند بيت الفراوي
وقال له أبن حماد البل والغنم اللي تشوف حلالك من الفردة
ولاهي عادة للفردة اللي يعطون ينكسون عليه حط بالبل صبي وبالغنم صبي وأنت جار معزز مكرم
وبعد‎ ‎فترة قصيرة قال ابن حماد لربعه هذا فجحان الفراوي معه بنات مثل ماتشوفون ولو خطبتم منه يبي يزوجكم ولكن ماهي في صالح جارنا
بكره يقال له الفردة عطوك على شأن بناتك وبعد مضي ثمان سنين إستأذن من جيرانه بالرحيل وقالوا : عسى ماشر وإلا جاك اللي ضايقك
قال ماجاني إلا بياض وجيهكم ياعيال راشد لكن البنات كبرن ونبي نزوجهن بنيخيهن
وعندما حل عند قومه وبعد أيام قام عليه ناس من قومه ‏يلومونه على تركـه لجماعته ونزوله مع الأجنـاب
فرد عليهم الفراوي بالقصيدة التالية والتي مدح فيها‎ ‎الشيخ ضيف الله بن حماد وجماعته عيال راشد

ياربعنا رحنا ندور المصاليح = والعبد مايدري بغيب الليالي
قعادٍ بلا حلال من خمدة الريح = وهرجٍ بلا حصيل ياهملالي
رحنا لأبن حماد شيخ المساريح = ماكر حرارٍ من قديمٍ وتالي
الي خلط مع فرسته هبة الريح = والخيل من حسه يجيها الجفالي
بصينيته حيل السمان المفاطيح = وصفيحته بيضاء بياض الهلالي
حلياه حرٍ بالطوال اللواليح = الصيرميً اللي يصيد الجزالي
شيخٍ ينزح عاصي الضد تنزيح = من راح عنده ماعنه من يسألي
مقدم ربوعٍ مأختفوا باللحاليح = تعرف مواقفهم جنوب وشمالي
أولاد راشد كلبوهم ذوابيح = هدامة الجمع الكبير الموالي
يتلون أبن حماد بعيد المصابيح = ضيف الله اللي يحتمي للتوالي
والعلم واضح مايبا العلم توضيح = شجعان تشدأ الصايجات الجمالي
ياولاد راشد يالوجيه المفاليح = يامدلهين الجار عن كل غالي
الجار ذرا له عن سموم الوافيح = بجنابكم ينعم براد الظلالي
ياريف من مر بزمانـه سواميـح=مـن كـدرت مـاكـان بالوقت حـالـي
يأهل الوفاء يامبعدين المشاويح = ريف الخوي والضيف ودروع جالي
دخيلكم يوم الشفايا مكاليح = مثل الجدي وسهيل عسر المنالي
أمضيت ثمان سنين مرتاح ومريح = ولا هو بودي يوم قفن رحالي
فقدت همٍ جرح القلب تجريح = بجنابكم عني صدأ الهم زالي

مقبل الف شكر على النقل وبيض الله وجهك

وعيال راشد في موروثهم الشئ الكثير

وعاداتهم العلم الغانم

تقبل مروري وتحياتي

أحسنت اخي مقبل بيض الله وجهك
وهكذا نريد كتابة تاريخ الفردة بهذا الاسلوب
والعقلانية والنقل الدقيق
شكرا لك ودمت لنا مبدعا يبو ياسر

علي الجضعان ... منصور الوسوس

شاكر ومقدر لك تواجدكم وتسجيل مروركم البهيء

نحن بحاجة لمثل هذه القصص بعيداً عن مايثير البلبه والفتنه

ودمتم بخير

مقبل النمران
الف شكر لك على هذه المشاركه القيمه
والتوضيح الحقيقي ...سلمك الله من الشر يا ولد راشد

	وهي برواية مناور بن علي بن نمران عن والده علي بن نمران رحمه الله

مشكور ابو ياسر على اضافة القصة كاملة مع القصيدة بارك الله فيك


هذه القصة ترفع الرأس

لا هنت على الموضوع

أبو ماجد

هو نفس القصة ولكن بإختصار مخل بها

ومن الموضوع ( القصة الكاملة والقصيدة لفجحان الفراوي مع قبيلة الفردة )

القصه الكاملة

وقد تم حذف جميع المواضيع المشابهه والمختصره من قبل المشرف العام

ولكن لم ينتبه لهذه

أرجو حذفها توحيداً للبحث ومن أجل الوصول إلى كامل القصة

ودمتم برعاية الله

مشكور أخوي على التنقيح والحرص على اراد القصة بالاسلوب المناسب لها وتحري الدقة

ابو ياسر
بيض الله وجهك
عادتك الدقه والاسهاب باسلوب راق
هكذا نريد وهكذا يجب كتابة تاريخنا المشرف
لابد من ايراد القصه كامله والشرح وايراد القصيده تماماً كما فعلت لاهنت
اشكرك من الاعماق وارجو حذف ما سوى هذه المشاركه لنفس الموضوع
لاهنت لاهنت