ملتقى قبيلة حرب .

بمناسبة حفل قبيلة حرب لدعم وتشجيع الشاعر / بدر سعود الظاهري الحربي
في برنامج شاعر المليون

سلام من قلـبٍ زمـى صـدق وهيـاميـشـع نــوره مـثـل بــرق المخـيـلـه

تحـيـةٍ لـلـي سـعـى بجـهـد وإسـهـامتضفـي علـى أقصـى طيـبٍ ينعنيـلـه

تنسـاق روحـي يمكـم فكـر وإلـهـامفخرٍ بشـوف أهـل الشيـم والجميلـه

بـس أتحيـن للفـرص شـوق وإلــزاموأشــد زامـــي واجـبــي وأرتكـيـلـه

لربعٍ على مبدأ الوفاء طيب وإحشامأهــل المعـالـي والحـمـول الثقـيـلـه

نيابـةٍ عنهـم عسـى الشـعـر لا قــامتشـوش لـه روس الرجـال الطويلـه

يامرحـبـا ترحـيـبـةٍ جـــود وأكـــرامباسم الزحول أهل الوفـاء والجزيلـه

هــلا هــلا تبـقـى عـلـى مــر الأيــامعـلـى الحـقـوق الوافـيـه والأصيـلـه

حـربٍ هـل الطـولات للعـز مـرسـامأصغـرهـم الـلـي للمـعـالـي دلـيـلـه

وقفة وفاء على الشرف عز ووسامواجــب وللحـلـم المسـمـى وسيـلـه

وبـدر ورد للشـعـر وافــي ومـقـدامساطـي يعـشـق النايـفـه والجميـلـه

ربعـه حزامـه ماهـي حلـوم وأوهــامكـمٍ مـن صعيبـه فـي مداهـم ذليلـه

لابة شرف منـزال عسـرات الأحـلاموقفاتـهـم بـالـجـود مـاهــي قلـيـلـه

ويـوم إنهـا بالخيـل والسيـف غـشـامحرب العريبـه طيـب فعـل وفضيلـه

مسروح مـع سالـم لنـا درع وحـزاممـجــدٍ تـلـيـدٍ كـــل عـيــنٍ تـخـيـلـه

العـزوه اللـي باللقـاء سيـف قـسـامتطغـى علـى جيـش الغـزاه وتزيـلـه

مـعـارك التوحـيـد لـلـشـرك هـــدامأخــوان للـديـن الحـنـيـف ورعـيـلـه

وكـلٍ علـى حقـه لـه يديـن وإقــداموالطيـب كـلٍ سـاعـيٍ فــي سبيـلـه

ورجلٍ بلا عـزوة مـع الوقـت ينضـاموتبـدي علـيـه مــن الليـالـي هزيـلـة

مـاهـي بـديـن الجاهلـيـة والاصـنــامولاهـــي إثـــارة طـايـفـيـه قـتـيـلـه

حميـا علـى نهـج الكرامـه والإســلاممبـدأ صلـه مـاهـي دعــاوي دخيـلـه

الديـن ثـم العاهـل الصـقـر ضـرغـاممـع الـوطـن حــق ومـبـادي جليـلـه

نبقى عليها بجـود مـع صـدق وإكـراممبـدأ النـفـوس الطـاهـرات النبيـلـة

ولا نسمـع الحاقـد و لابـوق الإجــرامولا الـعـلــوم الـزايـفــات العـمـيـلـه

من فضـل ربـي خيـر وأمـان وأنعـاموطـن قـداسـه ويــن تلـقـى مثيـلـه

الله يحفـظ اللـي لـه الـيـوم حـكـاماخــوان نــوره محتـمـيـن الفضـيـلـه

رمـــاح للـجـانـي ولـلـديـن خــــدامضافين لأجل الشعب شجـره ظليلـه

وحنا على عهد الوفـاء روح وأجسـامفـي وقتنـا الحاضـر ومـاض القبيـلـه

والعصـر هـذا عصـر تنـويـر وإعــلاممـاهـو بـوقـت الضـامـيـة والفتـيـلـه

عصـر الفكـر تطويـر للـذات وأقـلامعـلـم وأدب درب الـمـنـار ورعـيـلـه

ومن لا رسم له مجد لا أفلح ولا قاميـمــوت مـاجــاوز مـــداه الحلـيـلـه

تمضي دول وأحزاب وأجناس وأقواموتاريخـهـم يبـقـى شـعـاع ومخـيـلـه

ولو صور الحاضر لنا ألـوان وأقسـامنـعـيـد تـصـويـره ونــرجــع نـكـيـلـه

يعني لنـا فـي صفحتـه بصمـة إبهـاممانمـر فيـه بـدون عـرف وحصيـلـه

مقبل بن علي بن نمران الفريدي
الرياض 28 / 1 / 1429 هـ

صح لسانك ابو ياسر
وبيض الله وجهك
نظمت فأبدعت .
ومن حضر الملتقى يرى التقاعل مع هذه القصيدة وإشادة الكثيرين بها وخصوصاً الأديب / فايز البدراني
الذي اشاد كثيرا بهذه القصيدة .
بيض الله وجهك ابو ياسر ولازلنا ننتظر منك المزيد
تقبل فائق تحياتي

أبو متعب

يالله حي هالطله وصح الله بدنك وسلم الله رأسك وإحساسك

والإشادات التي لاقتها القصيدة من الحضور خصوصاً المؤرخ الإستاذ / فايز البدراني

وسام أعتز به وأهديه لعيال راشد عامة ووفد عيال راشد في الملتقى خاصة

حيث كنت يابو متعب على رأسهم هناك مشرّفاً وداعماً حقيقياً لحضورنا المشرّف

وأيضاً لاننسى جهود عضو اللجنة المنظمة الأخ العزيز / منصور الطهيمي

ودعوته لي بالمشاركة والحضور والتنسيق

وبيض الله وجيهكم جميعاً مع شكري وفخري بكم جميعاً

تحية إعجاب وتقدير

بالشاعر الفذ

وصح لسانك

المشاركة الأصلية كتبت بواسطة a.allah.g

تحية إعجاب وتقدير
بالشاعر الفذ
وصح لسانك

وصح بدنك وسلم راسك

إعجابك محل تقدير وفخر

مع أطيب المنى

صح لسانك اخوي مقبل..

قصيده رائعه..

اتمنى لك مزيدا من النجاحات..

بالتوفيق

صح لسانك يبو ياسر
موقفك مشرف وهي عادتك شرفت الفردة جميعا في
هذا الحفل بالحضور والقصيدة الرائعة لايسعنى الا ان
نقول لك صح لسانك ودامت ايامك ياعقيد القصيد
والشكر موصول لمنصور الطهيمي ومن حضر
من عيال راشد في ذلك الحفل الجميل والذي يعد
من الوفاء والوقفة الطيبة مع احد ابناء القبيلة ...

هلا وغلا ابو ياسر
وصح لسانك على هذه القصيدة الجزلة
ابو ياسر حضورك هو حضور للشعر.. كفيت ووفيت.
دمت بخير .. وتقبل مروري.
فارس الحرف

المشاركة الأصلية كتبت بواسطة فارس الحرف

هلا وغلا ابو ياسر
وصح لسانك على هذه القصيدة الجزلة
ابو ياسر حضورك هو حضور للشعر.. كفيت ووفيت.
دمت بخير .. وتقبل مروري.
فارس الحرف

هلابك وحياك يابو محمد

صح بدنك وسلم بوحك

تواحد هنا محل تقدير وفيك البقاء والطيب

دمت كما تحب ونحب

المشاركة الأصلية كتبت بواسطة منصور الوسوس

صح لسانك يبو ياسر
موقفك مشرف وهي عادتك شرفت الفردة جميعا في
هذا الحفل بالحضور والقصيدة الرائعة لايسعنى الا ان
نقول لك صح لسانك ودامت ايامك ياعقيد القصيد
والشكر موصول لمنصور الطهيمي ومن حضر
من عيال راشد في ذلك الحفل الجميل والذي يعد
من الوفاء والوقفة الطيبة مع احد ابناء القبيلة ...

صح بدنك وسلم إحساسك

وماعليكم زود اللي حضر واللي لم يحضر للضروفه

وعيال راشد كعادتهم اللي يحضر ينوب عن الجميع

والحمد لله الذي منّ علينا بفضله وكرمه وتوفيقه

عذوبة إحساسك وتواجدك وسام