يبو العيون اللي سهمهن يخدر.... للشاعر / شريف بن راكب

هذه نوعية خاصة من قصائد الشاعر الكبير شريف
ابدع فيها ابو محمد بعفوية وبدون تكلف تقول ابياتها :

يبو العيون اللي سهمهن يخدر=أعط الغصون الناعمه من تمروجك
وريح مضاليلٍ كفن التندر=واضمن نجاحك قبل تطلع نتايجك
عساه يصدرلك قرارٍ تودر=واحرق ملفٍ فيه ماضي برامجك
ياشين دار ضروف غيرك وقدر=هي ولجه المره عساها تولجك
كان انت مجبور ٍعليه تكدر=بالله عني منهو اللي مهرجك
والله يمين من الهوى اني مصدر=قدام ماربي على الكون يخرجك
تعبت من طرد السراب المغدر=ولاني على ماضي حياتي مفرجك
كبدي كما قاعٍ يباسه تفدر=هذا نبا عن حالتي كان تبهجك
يامسنّد الوادي تراني محدر=مالي بشوفك والهبايب تعوجك
ليتك على رحلة قطاري مبدر=افهم على الطاير قواعد مناهجك

منصور الوسوس

صح لسانك ولسان الشاعر الفاضل / شريف بن راكب

وقوف على نقطة البداية لقصيدة غزلية وعلاقة أزليه بين الشعر والأخلاق لدى أبو هايف

طرق ونهج متجدد لقصيدة رائعة لها فلسفتها الشعرية

لك مودتي أبو محمد على نهجك المتأصل

	كبدي كمـا قـاعٍ يباسـه تفـدر=هذا نبا عن حالتي كـان تبهجـك يامسنّد الـوادي ترانـي محـدر=مالي بشوفك والهبايـب تعوجـك ليتك على رحلـة قطـاري مبـدر=افهم على الطاير قواعد مناهجـك

عفويه يامنصور !!!!!!!!!!!
هذا هو شريف الشاعر الفنان الواضح الغامض !!!
وهذه الابيات الثلاثه هي بيت القصيد
الاول تصوير ابداعي مذهل
الثاني تمويه والا كيف التفت المحدر للمسند الا اذا كان اخضر القلب هههههه
الثالث واضح ولا يحتاج تعليق !!!!!!!!!!!
شكرا ابا محمد على هذا النقل الراقي وصح لسان الشاعر العاشق هذه المره !!!