مقتطفات من سلطان بن بتلاء

هذه احبتي مقتطفات من شاعرنا سلطان بن بتلاء

اليكم :


هدّ بالك.. هدّ بالك

لاتضايق دام بسماتك ماهي ملكك لحالك
ياكثر من يسعدون اليا لقوا طلة قبالك
لاابتسمت اللي يشوفك تنطوي صفحة همومه
ابتسم كانك تبي يكمل جمالك
هد بالك..
هد بالك..



واعرف ان الناس ماحدن فيهم مريّح وراضي
دوّر ولف الاراضي
كل واحد له هموم
تنولد في كل يوم..
وحب ماطوّل وماضي
هد ّ بالك .. هد بالك



كان لي خاطر ولي عندك قدر
ابغى صدرك مايضيق ..ولاتحس انك على نهاية طريق
انت توّك .. والحياه بتبتسم لك .. فزّ من حزنك وفيق..
كان لي خاطر ابي خدمه صغيره

هدّ بالك .. هد بالك


,,


,,


,,

سولف ترى التكشير ماهو مناسبك =والهم مايصلح على اللي سواتـك
الله يخليـك لعجـوزك وشايبـك =ويسّهل اصعاب الطريـق بحياتـك
تعبان؟ قلي يالغضي وش متعبّك؟ = زعلان؟ والبسمه تقدّس شفاتـك؟

% % % % % % % % % %

اكتشفت ان العلاقـه نوعهـا طرديـه = بين (مقدار النجاح) وبين (حسْد الحاسد)
الحسَد جلّط عروق الساحـه الشعبيّـه = كيف تستقبل عروق الشعر دم ٍ فاسد؟؟

% % % % % % % % % %

حنـا خلقنـا الله نعبّـر عـن النـاس =واللـي تكـنّ نفوسـنـا مانقـولـه
مدري هو ان العيب في شرح الاحساس =والا النفوس مـن الحقيقـه خجولـه

% % % % % % % % % %


تدرين عاد؟ المسأله صارت عناد = وانا عنيد وجايز ٍ لـي عنـادك

% % % % % % % % % %

اذا علـى قولتـك فعـلاً تقدّرنـي =مابي دموعك تبّل اطراف منديلـك
لو عشت وضعي بتفهمني وتعذرني =حرام اعشّمك وانا شخص ماني لك

% % % % % % % % % %


اردتُ ان اعشق َ حبيباً ( مُخلص ) فبُليتُ بحبيب ٍ له ( مخ/ لص ) سرقَ قلبي ولم يعُد

% % % % % % % % % %

الذكي يفرض على الناس احترامه =والغبي عمره يـروح ولاتسنّـع
قيمة الرجّال تُعرف من كلامـه =والرجل عن زايد الهرج يتمنّـع

% % % % % % % % % %

حبيبتـي ماهيـب طمّاعـه =حليله ادنـى شـي يقنعهـا
باليوم تترك لي ربع ساعـه = وباقيه ملزوم اجلسه معهـا
عنيـده ولاتعـرف الطاعـه = ولاقصّـر ابوهـا مدلّعـهـا
يشّر على اللي تطلب اصباعه = اليا اشّرت تبغـاه باصبعهـا
وتركض به الخدّام منصاعه = ماجا على الراتـب يقنّعهـا
ابوه قبلـه خـرّب اطباعـه =مرهي له فلـوسٍ مضيّعهـا
يعني ماجاب المال بذراعـه = ولاتحـاويـش ٍ يجمّعـهـا
وفّر لها الترفيـه بانواعـه = الله بعيشتـهـا يمتّـعـهـا
لكنهـا ماتعـرف الطاعـه = تمشي وتبغى الناس تتبعهـا

0
0
0
0
0
0
0
0

للاسف


:
:
:

بعض زملانا سمْعوا ان الشاعر =(يحق لـه مالايحـق لغيـره)
وسوّوا علوم ٍ لاسمعها العاقل =ماعاد يبغى للقصايـد سيـره

0
0
0
0
0
0
0
0
0


كان بالبدايه مجرد سؤال ثم اصبحت ابيات وكان لها رد




اقول:

ليش اغلب اهل الهوى دايم يذمّونه؟ =هذا شكى من لقاه وذا من فراقـه
والمشكلـه يشتكـون ولايخلوّنـه = (صدْق القطو مايوالف غير خنّاقه)
يامشتكيـن الهـوى ماتستحقونـه = خلّوه للـي تحمّـل رغـم ماذاقـه
اللي لو من المحبه تطلـع عيونـه =ماقال للناس نـار الحـب حرّاقـه

وجاوبني ماهر النمر يقول:

درب الهوى سالكينه نـاس مجنونـه =يدعيهـم الشـوق لامـن لاح براقـه
وبعض العرب يا ولد يمشي على هونه =وبعض العرب يا ولد يركض على ساقه
وراع الهوا ما يراعي غيـر مضنونـه =لازاد خلـه بشوقـه بيـح اشـواقـه
واذا حصل لـه فـراق وزادت طعونـه =يروح يشكـي لنـاس مالهـا طاقـه

0
0
0
0
0
0
0
0
0

طال صبر المولع مالقاله سبيـل =ينتظر نور شمسه لكن الليل طال
قال يابن الحلال الصبر شي ٍ جميل =لكن الصبر ملّ وكلّ يابن الحـلال

0
0
0
0
0
0
0
0
0

يابوي لو قالوا لـي اختـار مخلـوق =تعطيه مـن باقـي سنينـك عطيتـك
كلش سوى الله ثم رضاك انت ملحوق =لوعشت عشر اعمار فيهـن فديتـك

0
0
0
0
0
0
0
0

قبل تسافر .. كنت اردّد واعلّمك: = مافيه داعي..تشتري لي هدايـا

واليوم جيت وجبتها الله يسلّمك

((شكراً))

:
:
:
:
:
:




وهذا اللي بقا في يدايا

جايب معك شخص ٍ جديد ٍ يقاسمك =اكذوبة العشـق وكـلام الحكايـا
وانا احسبني كنت عشقك ومُلهمك = الله يلعـن جـد بيـض النـوايـا

0
0
0
0
0
0
0

العاقل ماتبلـش بـه=ممكن يفهم بالتلميـح
امـا لاجـاك النشبـه=لاتلميـح ولاتصريـح
ينبت لك مثل العشبـه=ويقعد في كبدك ويطيح

0
0
0
0
0
0

لاتشعريـن انـك حزينـه ولاشــيّ =مهمـا حكـوا بالقصـه وكبـرّوهـا
الله يطـول عمـرك السالفـه هـيّ =(( لايمكن احني راسي لـبنت ابوها ))
حبيبتـي تقبلنـي بـكـل ّ مـافـي ّ =ماهو تطاوعهـم اليـا وجّهوهـا !!

0
0
0
0
0

توّي صغيّر ميـر كثـر التجـارب=بدّت لي اللي ماتبدّيـه الاصحـاب
وان الرجل ماهو بلحيـه وشـارب=ولاهو بزوله.. لو مايدخل مع الباب
بين الرجل والشبه مابـه تقـارب=مير العتب على العوارض والاشناب
تجمعهم بسود اللحـا والشـوارب=وتفرقهم بفعل المراجـل والالبـاب

0
0
0
0
0

يابنت انـا ماأحـب (الازدواجيـه)=(ديموقراطي) بطبعي بس.. (متهوّر)
لو ينوي بيوم شخص يغازلك نيّـه=مدري وش اقول لك ..ماني بمتصوّر
بروح واطعن حشاه بحـدّ شبريـه=وان ماقتلته يعيش سنيـن متعـوّر
رفض الخشير بصفات الرجل ماريّه=لو كان فاهـم ومتفتّـح ومتطّـور
يعني انتي لو جات بنت تشاركك فيّه =بالله ماتزعليـن ودمّـك يفـوّر؟؟؟

0
0
0
0
0
0

الذهب مايغيّره الدهـر والسنيـن =والحديد يتبلّل ثم يصيبه.. (صـدا)
(قاعدة فيزياء) امثّل بها حاجتيـن = صاحب الطيب..واللي صاحبك للردا

0
0
0
0
0
0
0

يالبّا قلبك

لاتقولين :

(لبّيه)


(لبّيه) ماتدرين وش فعلها بي !!!
.
.
.
/





تلعب بقلبي بين الادراك والتيه = وتجدّد اشواقي لوقت ٍ مضابي



0
0
0
0
0
0
0
0

ماني( نمر) ولاانتي بـ(وضحى) = بلـقـى بـدالـك لاتوفيّـتـي

0
0
0
0
0

طفشتوا من الشعر؟؟؟


طيب ابشروا باللي تبون

0
0
0
0
0
0
0
0

لو مايتابعني من الناس غير(((( انتي)))) = شـعـبـيّـتـي (99) بـالـمـيّــه

برضو شعر


0
0
0
0
0
0

مبدع مبدع بن بتلا ماشاء الله صح لسانه

وانت ابا تركي مبدع في متابعة الابداع وعشق الجمال

لاهنتما لاهنتما

الذكي يفرض على الناس احترامه
والغبي عمره يـروح ولاتسنّـع
قيمة الرجّال تُعرف مـن كلامـه
والرجل عن زايد الهرج يتمنّـع

يزداد إعجابي بسلطان بن بتلا كلما قرأت له

كما يزداد إعجابي بروعة ذائقتك أبو تركي

ابوتركي
مقتطفات رائعة
تبين مدى ذوقك الراقي
سلمت وسلم سلطان

سلمت يمناك ابا تركي
وصح لسان الشاعر سلطان ابن بتلا

سلطان بن بتلا

ليس كالعادة يكون اسم صاحب الموضوع في البداية

لأن هناك شيء ما لاتستطيع الفكاك منه إلا بوضعه بالمقدمة ...!

ولأن صاحب تلك السطور الشاعر ... الإنسان يعشق المقدمة .

قلت له بكل فخر به صــــــح لــسـأنــــك

ولا ننسى أبو تركي حامل المسك كل الشكر والتقدير

	ليش اغلب اهل الهوى دايم يذمّونه؟=هذا شكى من لقاه وذا مـن فراقـه والمشكلـه يشتكـون ولايخلوّنـه=(صدْق القطو مايوالف غير خنّاقه) يامشتكيـن الهـوى ماتستحقونـه=خلّوه للـي تحمّـل رغـم ماذاقـه اللي لو من المحبه تطلـع عيونـه=ماقال للناس نـار الحـب حرّاقـه صدق القطو مايوالف غير خناقه يابنت انـا ماأحـب (الازدواجيـه)=(ديموقراطي) بطبعي بس.. (متهوّر) لو ينوي بيوم شخص يغازلـك نيّـه=مدري وش اقول لك ..ماني بمتصوّر بروح واطعن حشـاه بحـدّ شبريـه=وان ماقتلته يعيش سنيـن متعـوّر رفض الخشير بصفات الرجل ماريّه=لو كـان فاهـم ومتفتّـح ومتطّـور يعني انتي لو جات بنت تشاركك فيّه=بالله ماتزعليـن ودمّـك يفـوّر؟؟؟ لاتعليق لأن الإبداع والتميز لايحتاج لتعليق سلطان شاعر مبهر يبهرك كلما قرأت له . له المقدره على جعلك أسير المفرده المبسطه والمزدوجه برؤية ديموقراطية متهوره. ابن منيديل شكرا لك ولنقلك الجميل

احسنت الاختيار ابا تركي من الاعماق لك اجمل تحية

مقتطفات كلمة نسمع عنها وتكتب كثيراً ولكن هنا وبدون مجاملة

كتبت بفن لأن الكاتب ابن منيديل اختيار ......... شاعر ...... وذائقة شعرية

فريدة قد لانستطيع وصفها ..

صح لسن الشاعر الرائع ابن بتلاء

سجل اعجابي اللامتناهي بحيويتك وحسن اختيارك ودمت بخير