قمة جبل ماياصله طق ولحوق .......... من روائع الشاعر : شريف

قصيدة رائعة للشاعر الكبير / شريف بن راكب

ياحمود عن بعض السوالف وقفنا=والا المثل يصغي على كل طاروق
والله ماقول ولو يقال اختلفنا=ما احط بالحربي على الحربي فلوق
مافيه مايوجب سوالف سلفنا=لانهد سور ولا لنا شي مسروق
اللي مضى لكنوزنا ماصرفنا=ولافيه مايوجب عزاوي هل النوق
ما بان رسمٍ لومسميه يفنا=يبقى مثل يطري على كل مخلوق
حنا الرجال اللي عزيزٍ شرفنا=وقفاتنا عدله ونظراتنا فوق
يفهم مدى تقديرنا من عرفنا=ويجهل مدى تاثيرنا ناقص الذوق
عن غيرنا يابعد مركز هدفنا=قمة جبل ماياصله طق ولحوق
عوج السوالف ما تلف بطرفنا=من يوم كنا مالها عندنا سوق
نسكت حيا بعذار ما الله كلفنا=متجاهلينٍ ردت الصاع مطبوق
ما همنا من ذمنا لو وصفنا=بتفه خبر من مصدرٍ غير موثوق
يصحي بنا النايم متى ما انحرفنا=يطير عن عينه كرى النوم ويفوق
لو بالسجلات القديمه كشفنا=نعد بالجاني ثمانين خازوق
نخشى متى ما للبناية نسفنا=نركب خطأ وندان من حرب بحقوق
ويصيبنا حتى العمى لو حذفنا=ويبقى ذرانا قدم الاجناب مفتوق
واليا حصل من لانبي بعد اسفنا=اسرار رحلات الفضاء وسط صندوق

صح لسانه بن راكب
وسلمت يمناك يالغالي
أغراق جميل وممتع
ومطلوب
بل اسميه اغداق وليس اغراق فهذه التسمية ادق
دام اغداقك ابامحمد

عوج السوالف مـا تلـف بطرفنـا = من يوم كنـا ملهـا عندنـا سـوق
نسكت حيـا بعـذار مـا الله كلفنـا = متجاهليـنٍ ردت الصـاع مطبـوق
صح لسان الشاعر
وسلمت يمينك على النقل
ادام الله عزكم يا عزوتي

الله الله الله

جزالة في الشعر وكبر في العقل وسمو في الاخلاق

هذا هو شريف بن راكب حكيم وعاقل ووفي ومعلم في الادب والاخلاق والحميه

صح لسانه صح لسانه

والشكر لك ابا محمد على نقل هذه الملحمه الاخلاقيه الفذه

لاهنت

المشاركة الأصلية كتبت بواسطة خلف الفريد

الله الله الله
جزالة في الشعر وكبر في العقل وسمو في الاخلاق
هذا هو شريف بن راكب حكيم وعاقل ووفي ومعلم في الادب والاخلاق والحميه
صح لسانه صح لسانه
والشكر لك ابا محمد على نقل هذه الملحمه الاخلاقيه الفذه
لاهنت

ما فيه ما يوجب عزاوي هل النوق

من عيون الشعر بلا شك هذه الرائعة

ومن رأس الحكمة كذلك

صح لسان الشاعر مليون

وصح ذوقك ابو محمد وإختيارك

قصيدة رائعة تبّين شمايل و رزانة عقل صاحبها ! يستحق الشكر والثناء على بنات فكره

المنهجية تحمل وصايا العود .

مشكور ابو محمد وصح لسان الشاعر الامع شريف بن راكب



نازف الحرف

ما همنـا مـن ذمنـا لـو وصفنـا = بتفه خبر من مصدرٍ غير موثـوق

يكفي ، ويكفي ، ويكفي هذا البيت عن القصيدة كلها بالنسبة لي

صح لسان الشاعر العلم ، صح لسان الشاعر الحكيم الرزين

الف شكر مليووووووون شكر ولاتكفيك يابو محمد على هذا الإنتقاء الجميل

طرب شعري اسميه هذه القصيده

الله الله الله
جزالة في الشعر وكبر في العقل وسمو في الاخلاق
هذا هو شريف بن راكب حكيم وعاقل ووفي ومعلم في الادب والاخلاق والحميه
صح لسانه صح لسانه
والشكر لك ابا محمد على نقل هذه الملحمه الاخلاقيه الفذه
لاهنت

القسومي صح بدنك وسلمت على مرورك العاطر

الفريد صح بدنك وصدقت فيما قلت

وهذه من الاشياء التي يتميز بها شريف بن راكب

وهو مدرسة وقصائدة لاتستطيع الاختيار منها لجزالة معانيها

دمت بصحة وعافية يبوعبدالعزيز