يقول الشاعر مبارك بن حديد امد الله في عمره زرت خصيبه في احد الايام و
عجبت من تطورها العمراني الجديد ولكن ذلك العمران لم ينسيني ماضيها
ومبانيها القديمة التي ازدانت بها ولم انسى كذلك خيرة من الرجال فأعادتني
الذاكرة لذلك الزمان المجيد وأولائك الرجال الابطال وقد شدني واثارني
ماشاهدت من باقي الأطلال والاثار والمباني القديمة وقد اسعفتني الذاكرة
بهذه الابيات راجيا عدم المؤاخذه على عدم ذكر كل من يستحق الذكر في
هذه البلدة ماضيا وحاضرا واليكم الابيات :
|
يــوم مـريـت وتـذكـرت بـالـديـرهرجعـتـنـي ذكـريـاتـي المـاضـيـهـا |
يوم جيت اخصيبـه شفـت تعميـرهوشفـت تـال اطلالهـا ويـن بانيـهـا |
ويـــن شـيــخٍ للقبـيـلـة ولـلـديـرهويـن مسـس مجدهـا ويـن راعيهـا |
ويــن ابوحـديـد لاعـــدوا الـخـيـرهكــل مـيـزات الرياجـيـل حـاويـهـا |
ويـن هـداج الكـرم طيـب السيـرهبه صفات ٍ معجـزه مقـدر احصيهـا |
ما امهلت له لكن اعيش في خيرهسمعتـه هـي عزنـا وافتـخـر فيـهـا |
وين ابوصالح راع الطيب والجيـرهبالـكـرم لــه معـجـزاتٍ يسـويـهـا |
شبتـه فـي مقـدم البيـت كالنيـرهيـوم خطـوا الـلاش نــاره يخفّيـهـا |
ويــن ابوعـيـاد مـونـس مسايـيـرهريف اهل هجنٍ عنـا البعـد محفيهـا |
لالفـوا لــه ليـلـةٍ عـنـده اقصـيـرهللنشامـى كنّـس الحـيـل يشريـهـا |
وين ابو سالـم راع الديـن والغيـرهلـــه يـمـيـنٍ بالـمـكـارم محنـيـهـا |
ويـن ابوعلـي مـكـرم خطاطـيـرهدلـتـه دايــم عـلـى الـنـار جاذيـهـا |
ويـن علـي اللـي حكـيـمٍ بتفكـيـرهحـاجـة المحـتـاج لاجــاه يقضـيـهـا |
يـوم مـر الشمـري واقـفٍ حـيـرهشــال بيـتـه والمـواشـي يسقيـهـا |
وين من سامركتاب الله وتفسيرهالطميشـا سيـرة الطيـب ماشيـهـا |
وين زيد وعيد وفرحـان مـع غيـرهويـن ربـعٍ يرفـع الــراس طاريـهـا |
المبـانـي غِـيّـرت والنـخـل صـيـرهمـا بقـى الا بعـض رســمٍ لثاريـهـا |
والـزمـان ودورة ايـامــه مـثـيـرهكـم تـغـدا وكــم تعـشـى بلياليـهـا |
ماتطـيـرنـا ولا تـاجــب الـطـيــرهودبـرة الله كـل مخـلـوق راضيـهـا |
قانـعـيـن بحـكـمـة الله وتـدبـيــرهوكـل نـفـسٍ يومـهـا عـنـد واليـهـا |
والسموحـه كـان بالقيـل تقصيـرهالكمـال لخالـق الخـلـق محصيـهـا |
|
اما بالنسبة لقصة الشمري فان كان في مكان مهلكة ومقطعه يقال له
( اللبة ) شمال الغوطه ولما قرب الماء ينتهي قال لاهله سوف اذهب اعس
لكم اقرب مارد للماء وتأخر على اهله وحلاله واثناء ذلك مر
( علي بن سليم بن دبيان ) على سيارته فلما شاهد العرب جاهم واذا هم
هلكى من العطش هم وحلالهم فقام بسقياهم وشددهم لاقرب عد للماء
وانقذهم الله به من العطش وقد قال الشمري قصيده منها الابيات التالية :
|
والله ما انسى جمايل حرباللـي لحقـوا بيـت عومانـي |
ابـن سليـم انثنـى بـالـدربعلي على الطيب شفقانـي |
|
الهوامش مرتبة
- شيخ شمل الفردة الشيخ / ذعار بن حماد رحمه الله
- ناصر بن حديد والد الشاعر رحمه الله
- هلال بن ضبيان رحمه الله جد الشاعر لأمه .
- كنعان بن غديفان رحمه الله .
- عبدالمحسن بن سالم بن دبيان رحمه الله وهو جد العضو البارز في مجالس حرب والفردة ( ابن راشد ) لأبيه .
- نغيمش بن فراج الهبيره رحمه الله .
- علي بن سليم بن دبيان رحمه الله . وهو عم العضو البارز في مجالس حرب والفردة ( ابن راشد )
- سبق شرح قصة الشمري .
- عبدالهادي بن عبدالله الطميشاء رحمه الله .
- زيد بن ناصر بن مزرم رحمه الله .
- عيد بن محسن من الزبن رحمه الله .
- فرحان القداح من المواسى رحمه الله .
ودمتم بخير وعافيه