أحسن وسيله عز نفسك تجدها ......... من روائع الشاعر / شريف

كان لي شرف زيارة الشاعرين الكبيرين / شريف بن راكب و مبارك بن حديد
وقد طلبت منهم مجموعة من القصائد وتكرموا علي بجموعة جيده سوف اقوم
بامتاعكم بها بإذن الله تعالى وأول الخير قطره ..
هذه احدى روائع الشاعر شريف اترككم معها متمنيا ان تحوز على اعجابكم

ياسامعٍ ماقلت لك معك أمانه=نصيحةٍ شوري عليك اعتمدها
ترى التخضّع من اسلوب الاهانه=احسن وسيلة عز نفسك تجدها
وعيبٍ على اللي مايحدد مكانه=ويشوف نسبت قيمته كم عددها
ولاينجزي راع الوفاء بالخيانه=ونهاية العِشره على من جحدها
ولاكل رجالٍ عليه الميانه=اكبر خطى تعطى الثقة من فقدها
وكم كلمةٍ تفتح على الرجل خانه=تمسَكْ عليه ولايحصّل سددها
وكم واحدٍ خلى خليله ودانه=ضحك عليه وراح من عند يدها
وكم عبد مالٍ مايمد الاعانه=حقه من الدنيا اليا اقفى نكدها
ولاكل شخصٍ جاب غيبه لسانه=خص القلوب اللي تخفي حسدها
هذا وغير اللي تقدم بيانه=امرّ من ما قلت لو قلت وأدها
مزوّد الكلمه عدوا البطانه=اللي يبي جمع الشوش ويعقدها
متعلمٍ مجمل اسلوب اللعانه=للحق يابا والوجيه يعبدها
ابليس ماعمره فرق عن قرانه=والمشكله مايختفي عن وعدها
لو راهن المطرود يكسب رهانه=يجيب علم الشّاذه من بلدها
ما اقول قولٍ مالتزمت بضمانه=ما قدم الحجه واضيع سندها
ماخصّ احد واقول هذي بشانه=تمشي على المقصود واللي قصدها
وكلٍ يتابع بالجرايد اعلانه=ويشوف سعر العمله اللي رصدها
ولاصافت الدنيا ملوك الكنانه=ماباقي الا معجزتهم وحدها
هذا السبب معروف ماهي كهانه=من درّج الخلفه عرف وش ولدها
لافي قسى الدنيا ولا بالليانه=عجزت اميّز بنيها من هددها
احدٍ تغني له من أول زمانه=واحدٍ يقابلها ويخطي سعدها
ولا احدٍ بمجهوده يحدد كيانه=كم مالكٍ لزراعةٍ ماحصدها
وصلوا على المبعوث بآخر ديانه=اعداد ضخات العروق بجسدها

لله درك ياشريف ابياته مثل زماليف النوار ماتدري وش تقطف

ابو محمدالله لايهينك مع العمار ولانشغلت عناء الله يطول

عمرك على الطاعه

شاعرنا ابوعمر لك اجمل تحية على اطلالتك

وعمرك يطول يالغالي نعود لنستمتع بابداعكم

منصور الوسوس

تتحفنا بكل شموخ برائعة من روائع شاعر الشموخ / شريف بن راكب

لا يختلف اثنان على الشاعر العلم شاعر الأصالة

وما نحن إلا تلامذة هذا الفخر

شكري وتقديري على ماتفضلت به

شاعرنا / مقبل بن نمران

مشكور على مرورك وصح بدنك ونتمنى ان نستطيع

ان نستضيف مثل الشاعر / شريف في مجلس الشعر وسيكون لذلك ترتيب

خاص قريباً بإذن الله تعالى .

منصور الوسوس

سلمت يمينك
وصح لسان شاعرنا شريف

بيض الله وجهك

سلمت يمينك يابو محمد وشاكرين لك تعبك وسعيك
خلف المتميز من الشعر عند كبار الشعراء
بيض الله وجهك وماقصرت عزالله..
وصح لسان شاعرنا الكبير /شريف بن راكب

حاولت اختار من بين الابيات شيء اقتبسه واحترت
كلها رائعة وحكمه من لسان رجل حكيم. ولكن كان ولابد واخترت هالبيتين:

ترى التخضّع من اسلوب الاهانـه=احسن وسيلة عز نفسـك تجدهـا
وعيبٍ على اللي مايحـدد مكانـه=ويشوف نسبت قيمته كم عددهـا

ابوبندر

ما عليك زود ومادام رواد مجلسنا مثلك وشرواك سوف نحرص

على الجزل وابن راكب يستاهل شاعر جزل ........

حياك ربي يبو بندر

لاهنت منصور على اختيار هذه الرائعه

وصح لسان شاعرنا الكبير شريف بن راكب

لكما حبي ومودتي

منصور الوسوس
سلمت يمينك على هذا الإختيار بصراحة قصيدة تستحق الوقوف كثيراً والتأني كثيراً عند كل بيت

وصح لسان الشاعر/ شريف بن راكب