@ % (( الـنــجلاء )) % @

عيديه
للشاعر / فـالح الـشـــلوي :

نسمة صبـاح العيـد داعـب غترتـي نسناسهـا=على الهواء الطلـق ناقصنـي جناحيـن وأطيـر
برفـرف بريشـي وعينـي ماتشـوف نعاسـهـا=على الخبر والطايف وحايـل ونجـران وعسيـر
وامرهـا فـي نجـد مسكنهـا ومسقـط راسهـا=((لحظة بعايدها)) سكوووت من الصغير اليا الكبير
لا يابعد كل من وطت رجلـه بـالأرض وداسهـا=كل عام وأنتِ بخير يالنجلاء وانـا مثلـك بخيـر
بالله يامـن ,,,تزهـي بلولـوهـا ,, وآلماسـهـا=لا تتركيني ,, والزمن قاسي وانا وضعي خطيـر
تلعبـي هبـوب الريـاح ارباعهـا واخماسـهـا=والوقت مايرحـم علـى الدنيـا غنـي ولا فقيـر
ياللـي خفوقـي حبهـا وخالـط هـواه انفاسهـا=لا تنظري لي نظـرة الخـوان معـدوم الضميـر
أنا مـن ظهـور الرجـال اللـي قـويٍ باسهـا=قومٍ تحشمها العرب من حشمة السيـف الشطيـر
من ساعه الفرقا على اذنـي ,, تـدق اجراسهـا=لليـوم هـذا .,, لا بعـد والله لليـوم الآخـيـر
وأنا اتجرع كـل يـوم مـن الحسايـف كاسهـا=ماكن لي في الوقت خـل ولا خـوي ولا عشيـر
لـو البشـر معروفهـا باصنافهـا ,, واجناسهـا=كان السعاده "كلها" بتصيـر فـي بشـت الأميـر
ولا كان صرتي المويـه اللـي كذبـت غطاسهـا=ولا صارت الدنيا على عيني عبـوس ٍ قمطريـر
أنـا أحسـد الأرض وشلـون أتحمـل ناسـهـا= وانـا متونـي للحمـول تشيـل ماشـال البعيـر

هلا وغلا بالغايب الحاضر
جاي بعد الاجازه نشيط ماشاء الله عليك
شكرا على العيديه..
ووجودك هو عيديتنا..
وتقبل مروري
فارس الحرف

صح لسان الشاعر
وعاد عيدك يابوتركي
اختيار جدا رائع كعادتك حفظك الله ورعاك
دايم كساب السمينه وجلابها

هلا ابو تركي

قدمت لنا احلى عيديه من اختيار احلى ذواق للشعر

كما قدمت لنا هذا التوقيع الجميل الذي تزينه هاتين الصورتين الحلوتين(الولد طالع لبوه)

ما شاء الله تبارك الله لكن حنا وش نحط هداك الله هههههههههههههههه جواكر كلها!!!

لاهنت لاهنت