(( خجل الرجل ليلة العرس )) وانصحكم لاتدحلون

احبتي اعضاء وزوار مجالس الفرده
كل عام وانتم بخير وعيدكم مبارك:
اعرف انكم متشوقين لقصائد الغزل لكن لابد من فصيدة اجتماعية مؤلمة
ولابعد المر الا العسل
اليكم الشاعر / سعود القت

سرنا مثل من سار فالدنيا على غيـر انتظـام=نوبٍ ناكلها في لحانـا نـوب نجبرهـا جبـر
ليا نجح مشروع قلنا يـا سـلام ويـا سـلام=وليا رسب مشروعنـا قلنـا قهـر والله قهـر
بالليل عند العايلـه والصبـح نسـرح للـدوام=والمنضبط منا ما يرجـع ليـن يـذن للعصـر
ما بين ثابت واستعد وعود خلف وسير أمـام=وديور على نفسك وصك بقلتك فاقـرب جـدر
يروح عمرك وان طرا فالبال تخطب لك مـدام=روح استدن ددسن وعيش العمر في عيشة فقر
وفي ليل عرسك قلت ابطنطخ مع اضبي العدام=ومع دخلتك وليا هموم الديـن قدمـك تنتظـر
وبديت بالتفكير وسنونك تعـض ابهـا البهـام=قالت علامك قلت ابد خجلان وارخيـت النظـر
واخذت لك خمس اسنوات تهيم والعالـم نيـام=هذا يطوّف قصد والثاني ما يقبـل لـك عـذر
وغديت مع مكينة الصراف دايـم فـي خصـام=لين كتبت لا عاد اشوف وجاهك حسابك صفـر
لخلصت بدوامك يوشحك المدير اكبـر وسـام=ولو كان يفهم كان يصفط لك ولو قيمـة جفـر
إتقسم الراتب ما بيـن اجـار بيتـك والطعـام=وان ما لقيت اجار يصلـح روح دوّر فالهجـر
وهذاك يوم انه مغير انتـه ومـردوع الوشـام=وشلون حالـك فالمعيشـة لـو خلفتـو بـزر
ثلثين شعب المملكة يعيـش فـي هـذا الكـلام=والثلث الاخر عاش في خيرات ثلثيـن الفقـر
نارد على عد المراجل مثل مـا تـرد الحيـام=ولا يذبح الرجال غير بقصـر حبلـه لا قصـر
رحنا نطقطق مير كثر الطق مـا فـك اللحـام=واللي نبي منه السنـع عـوّد يفلـي فالنقـر
لا شافنا يقول يا عمري يـا قلبـي يـا حـرام=وهـو لا عمـره ولا قلبـه لعـلـه للكـسـر
وكلن يرى نفسه على الثاني وقـل الاحتـرام=ولا تعرف اللي شايفٍ نفسه من اللي محتقـر
اللي معه ناقه يرى نفسـه علـى راع الحمـام=وراع الحمامه شايفٍ نفسه علـى راع البقـر
وراع البقر زاري على راع البويضا والمسـام=والطيّب اللي لا ملا بطنه مـن النعمـه شكـر
مـا نفكـر الا فالدراهـم والحريـم وفالمنـام=قل التواصل بيننـا وانشهـد انـا فـي خطـر
لا جا الرويتب نسفهل وطار منـا فـي شمـام=ولا ودك نسولف معك خصوص في تال الشهر
ليـا دعينـا فـي عزومـه نصنـا فالاستـلام=من خوف لا نصدف لنا طرقي وحنا في عسـر

<<<<<< عورت قلبه القصيده
صح ثم صح لسان الشاعر
وسلمت يابن منيديل على الاختيار الموفق
والله يعين الموظفون تحت الارض اقصد في الارض

ابن منيديل بيض الله وجهك على نقل هذه القصيدة وصح لسان الشاعر ....دمت بود

صح لسان راعيها

يعطيك العافيه على النقل

وكلن يرى نفسه على الثاني وقـل الاحتـرام
ولا تعرف اللي شايفٍ نفسه من اللي محتقـر
اللي معه ناقه يرى نفسه علـى راع الحمـام
وراع الحمامه شايفٍ نفسه علـى راع البقـر
وراع البقر زاري على راع البويضا والمسـام
والطيّب اللي لا ملا بطنه مـن النعمـه شكـر
ـــــــــــــــــــــــــ ــ
هههههههههههههه صح لسان الشاعر وصدق كلن يشوف نفسه
ولا عرفنا اللي يستاهل يشوف نفسه
الله يرحمنا برحمته تقبل مروري ومشكور على المشاركه شكرا

ابن ميديل

صح احساسك على هذا الاختيار الرائع

قصيدة رائعة وتصوير بليغ لحال الطبقة الكادحة من الموضفين

مشكور على النقل وصح لسان الشاعر

ليـا دعينـا فـي عزومـه نصنـا فالاستـلام
من خوف لا نصدف لنا طرقي وحنا في عسـر

قصيده تحاكي واقع معاش وللأسف


صح اختيارك يابن منيديل وصح لسان الشاعر

وانصحكم لا(تدحلون)

دحلتنا لين قلنا بس ههههههههههههههههههههههههه ههههههههههههههههههههه

نعم هذا والله واقع الحال الله يرحمنا !!!!!!!!!

كلن على هالرويتب ويقولون ليه ماتسوي ليه ماتشري ليه ليه !!!!!!!!!!!!!!!!!!

ابو تركي

اختيار رائع مضحك مبكي سلمت يمينك وصح لسان الشاعر

لاهنت