مصافحه شعريه لـ قلوبكم الطاهرة

السلام عليكم ورحمة الله وبركاته

مسأكم الله بالخير

قصيدة كتبتها حيال موقف في أحد المنتديات

انا بنت الرجال اللي يعزون الخوي والضيف =انا بنت الرجال اللي تنومس من حكا فيها
انا بنت الكريم اللي يزبن من من وطاه الحيف = انا من لابتن ماهو موفق من يعاديها
اعرف ان الرجال رجال ماتمشي دروب الزيف = واعرف ان الضعيف ضعيف نفسه دوم مذيها
وبما اني عزيزة نفس ماني حاسبه لضعيف = لعله يفهم التلميح دام اني بعديها
وبكتبها هنا جمله صريحه مابها تزييف = ترى اسلوبي مع ردودي تفسر عكس مابغيها
وانا ردي يجي عادي وطبعي ماعرف تكليف = ولكنه ضعيف النفس بأفكاره يسريها
ولأني أدري ان الناس ما تاتي على ادنى كيف = انا بصبر على هاذي وحذر قبل اداويها
ترى بعض البشر تمشي بكلمة والبعض بالسيف = و كثسر أشخاص رمشة عين تقربها وتوديها

وسلامتكم ..

صح لسانك يابنت الرجال

ونعم الاصل والخلق

قصيده طيبه ورائعه

واتمنى ان نرى الجديد

من قبل شاعرتنا المبرقعه



ابوبندر

المبرقعه

صح لسانك وعلا شأنك

وكل ردودك ومشاركاتك يابنت الرجال هنا تفسر حسب ماتريدين على العز والتقدير

وقلتي بأحد المنتديات السابقة وأعطيتينا صورة عن شموخك وعزتك التي لم نشك بها أصلاً

لذلك نرحب بك وبمواقفك وبشعرك على الخير والمحبة

قصيدة جميلة الهدف والمعنى والقافية

فشكراً لك ودمتِ بخير

صح لسانك قصيدة جميلة ولا أزيد على
أخوي ابو بندر ألا أن هاالمنتدا كسب
شاعرة بدون مجاملات أتمنا لها
التوفيق

المبرقعه

قصيده عاطفيه عبرت عن المقصود بعبارات قويه ومؤثره

ولاشك ان هذا الاسلوب الواقعي والمؤدب هو ما يجعل القصيده ذات مفعول لدى المتلقي

فقد ادت الغرض ووصلت الى المعني دون حده او تعنيف

صح لسانك ايها المتميزه وحياك الله

وبكتبـهـا هـنـا جمـلـه صريـحـه مابـهـا تـزيـيـف
ترى اسلوبي مـع ردودي تفسـر عكـس مابغيهـا
وانـا ردي يجـي عـادي وطبـعـي مـاعـرف تكلـيـف
ولكـنـه ضـعـيـف الـنـفـس بـأفـكـاره يسـريـهـا




الاخت المبرقعه:: يكفي هالبيتين عن ردي


بنتظار جديدك اتحفينا 000تقبلي مروري

المشاركة الأصلية كتبت بواسطة ابوبندر

صح لسانك يابنت الرجال
ونعم الاصل والخلق
قصيده طيبه ورائعه
واتمنى ان نرى الجديد
من قبل شاعرتنا المبرقعه
ابوبندر

أبا بندر

صح إبدنكـ والنعم بحالكـ يالطيب

الرائع تواجدكـ هنا

وبإذن لله تجدون مني ما يسركم

المشاركة الأصلية كتبت بواسطة مقبل بن نمران

المبرقعه
صح لسانك وعلا شأنك
وكل ردودك ومشاركاتك يابنت الرجال هنا تفسر حسب ماتريدين على العز والتقدير
وقلتي بأحد المنتديات السابقة وأعطيتينا صورة عن شموخك وعزتك التي لم نشك بها أصلاً
لذلك نرحب بك وبمواقفك وبشعرك على الخير والمحبة
قصيدة جميلة الهدف والمعنى والقافية
فشكراً لك ودمتِ بخير

إبن نمران مقبل

صح إبدنكـ أسعدني مروركـ من هُنا

وهذا ما أتمناه أن يكن ردي واضح المعنى ..

شاكرة لكـ حضوركـ وردكـ الذي لم يكن عادي

عزيزتي المبرقعه
صح لسانك وعلى شانك
اكبر فخر ان يكون بينا شاعرها مثلك
ماشالله عليكِ
<<<مبسوووطه كثير ان في بنت رح تغزو مجالس الشعر اخيرا
تقبلي مروري واحترامي

المبرقعة

تحية اكبار لأخلاقك السامية ومبادئك النبيلة الطاهرة

هذا القصيدة إنما هي اللجام لضعيف الفكر قبل ضعف الخلق

((( ولكنه ضعيف النفس بأفكاره يسريها )))

كفو يابنت الرجال الأواليد

ما حطمتي أحلامه الوهمية أنتي نزلتيه على أرض الواقع



حقيقة أني أعجبت ابلغ الإعجاب بالقصيدة كمنحى وفكرة ومضمون


وببصمات الأصابع العشر أسجل إعجابي


ولك أزكى وأرقى تحية