ســـــرامـــيـــــــد

رائعه من روائع السلطان / سلطان بن بندر بن بتلاءالشاعر المبدع ومهندس الكلمة
اترككم مع القصيدة :

يحـق لـك تفتخـر ياسـيّـد الغـيـد = مـدام لـك شاعـر ٍ ماهـوب عـادي
وقت الفرح شعره اصـوات الزغاريـد= ووقت الحـزن كنـه ثيـاب الحـدادي
يصـوّر اللـي يشـوف بكـل تجريـد = ويهيـم فـي كـل قفـر وكــل وادي
لـي بنـدق ٍ ماتكّـذب حـزة الصـيـد = ولي خاطر ٍ لانـوى المقنـاص صـادي
سهل اعجب وسهل شخص بشعري يشيد = لكن مـن الصعـب كرهـي وانتقـادي
ماهو كبر والكبـر عـن راسـي بعيـد = بعـد الشياطيـن لانــادى المـنـادي
مكانة ٍ واصبحـت لـي كيـف مااريـد = شي ٍ حصـل عقـب ربـي باجتهـادي
مااقـول انـا الرقـم الاوّل بالقواصيـد = اعـوذ بالله مــن ذنــب التـمـادي
بـواردي ٍ ومـن حـولـي بـواريـد = لكنـي افـخـر بمايكـسـب زنــادي
البارحـه كـانـت الليـلـه سرامـيـد = قضيتهـا كنـي بسـجـن انـفـرادي
اسرح مع هجوسـي جمـوع ومفاريـد = وشوقـي للاحـبـاب شــي ٍ لاارادي
وشلون ابنسـى هـذاك الوجـه واهيـد = وانـا رجـل فاقـد ٍ غايـة مــرادي
(صبـح الجهـام) اللـي بليّـا تغاريـد = وليـلٍ بـلا شوفتـه (ليـل الهجـادي)
ياحسن الاوصاف ياللي شوفتـك عيـد = بالله ماشفـت وش سـوّا البـعـادي؟؟
ابعدت واصبحت ماانـت بقبضـة الايـد = واضحيـت ببـلاد وانـا فـي بـلادي
عمومـا ً اذكّــرك واعـيـد وازيــد = والله لتبطـي وقـدرك فــي فــوادي

صح لسان الشاعر سلطان مليون


ولا هان إحساسه الراقي


قمة في الابداع

ومشكور ابو تركي

مااقـول انـا الرقـم الاوّل بالقواصيـد
اعـوذ بالله مــن ذنــب التـمـادي
بـواردي ٍ ومـن حـولـي بـواريـد
لكنـي افـخـر بمايكـسـب زنــادي

أبو تركي

صح لسان الشاعر ولسانك

وسلم الله بنانك وجنانك

تقبل مروري مع محبتي

صح لسان الشاعر سلطان البتلاء

وسلمت يمينك على هذا النقل

بيض الله وجهك

ابن منيديل

سلمت يمينك على هذا النقل
وصح الله لسان الشاعر وفاله المليون ان شاء الله