ياعواد / خالد الدعجاني

لا ازال أسجل إعجابي المتواضع لهذا الشاعر العلم



يا عواد

صب أشقر الفنجال وأسمع يا عواد = لو ما أنت داري وش يقول المنادي
دارك من أقصى الهند لا شك وش عاد = منكم كسبنا أرقامنا والهنادي
وأرطانتك عندي ولو حاست الضاد = تسوى قصيد مدوزنين الدوادي
وأرتح وهز الراس من عهد ابن عاد = منا وفاء الرفقه بليا ملادي
تلزم بنا الكلمة ويلزم بنا الزاد = ونجير عن ثار القريب البعادي
وأعز ما نملك تواريخ الأجداد = وأجل ما نبدي صدوق المبادي
وأوتاد لو زالت عن الأرض الأوتاد = والجدي فالطولات وأن كان هادي
بأيماننا سبابة المجد ترتاد = بين التشهد للولي والزنادي
وأنته جليس تسوق دله وبراد =والجزل لا ضايع ولا هو بغادي
والبارح البارح على صفق الأنواد = في ثلثها الآخر حلول البرادي
ضاقت علي الأرض مع وسع الأوهاد = ومغرّبّ لو كان هذي بلادي
في خاطري عبرة وفالصدر رعاد = والعين فيها مثل قدح الزنادي
وأقعد وأوقف وأمشي شوي وأنقاد = مع هاجسى يقفى عنادي عنادي
النفس صلفى وأصمك الراس معتاد = نطح السنين العوج فأول وحادي
واصبر ولو الصبر سلال الأكباد = والجرح صدري عن شموته ضمادي
وأن صار حظك وأنت صادر ووراد = يابو ولي عيدت قبل العيادي
والحاجة اللي بين عايد وعياد = مالي بها ياللي مشيت متحادي
لو شلت ضلع طويق شدة ومعواد = أخف من منة خطاة الربادي
ما ضاق باب الله على وجه الأجواد = الا ولا حطيت الاسود رمادي
للرجل مع وافين الأشبار ميعاد = والهند تذخر لإحتكام العوادي
واللي قراء المصحف وثنى بالأوراد = ما هاننا عبدالمجيد وعبادي
وأن صد وجهي يوم عن شي معتاد = ميعاده الوقفة ويوم التنادي
جاك الكلام الجزل وأسمع وتنشاد =نوادرٍ ماهي بحادي وبادي
منقودة تنقد على كل نقاد = والذ من خزن الصفى للغوادي
شرد بيوت الشعر طاعت لمن ساد = وعن غيري أذير من ظبيّ الحمادي
وأنا أدري أن العلم ما عنه نشاد = عندك ولا تعلم بما في فؤادي
وتهز راسك طرّب سرداد مرداد = وأنا أحتدم من ضيقتي بإنفرادي
لا شك ما لومك وما أخطتك الأنكاد = وأن مرك المضمون وأخطيت عادي
لا نته بلا مفصح ولا نجدي آباد =والسالفة ماهي بهرجة روادي
وأنا بعد شعري مضامينه أضداد = وآخر مراد أنك تميز مرادي

خالد بن محمد الدعجاني

الله يعطيك العافيه

ابيات رائعه كروعت ابو عزام

ابن جدعاء

الأكثر روعة مرورك

لا أخلا ولا أعدم

ابو عزام

اعجابك في محله والدعجاني شاعر متمكن ومبدع

يعطيك الف عافيه على الاختيار والنقل

تقبل مروري ومودتي

صح لسان

الشاعر
خالد بن محمد الدعجاني



وبيض الله وجهك ابوعزام


على النقل المميز

بيض الله وجهك يابو عزام

ابيات روعة سلمت يمينك

ادام الله عزك

ابو عبدالعزيز

ابو باسل

القسومي


يستحق الشاعر منكم هذا الثناء وأنا لا ازال وسأظل أسجل إعجابي به


وإعجابي وتقديري وثنائي لكم على المرور الذي ينم عن الذوق الرفيع للشعر العذب الجميل

قصيده رائعه جدا وقمه في الابداع


الف شكر ابوعزام لاحرمناك

وكل عام وانت بخير

رائعة ابو عزام

تقبل مروري لتسجيل الإعجاب

تشكر ابو عزام على هذا النقل المتميز .. وقصيدة تستحق الاعجاب
صح لسان الشاعر.. وسلمت انامل الناقل.
تقبل مروري

فارس الحرف