قصتي والقميرية وطلقة الشوزن ....

طبعا القصة واقعية لي وبقلمي ..



بدون مقدمات ..


اتصل ابوفيصل : السلام عليكم ..مساء الخير ابو تركي .. هلا والله وغلا ..

وش رايك انتقهوا الليله سوا بعد العشاء .. امممممممم مدري عندي شغل او لا ..طيب تدري تم ..


تقابلت انا واياه وابووليد .. هلا ابو فيصل .. هلا والله .. كيف الحال طاب الحال .. وشلونكم طيبين ..هلا ابو وليد مساء الخير هلا والله .. وش اخباركم طيبين .. ايوالله الحمدلله ..


انسجمنا بالسوالف وخذك ياعلوم ويا اخبار وحش بهالبشرية .. فلان سوا وفلان قال .. وتقطيع واكل هبر .. واحيانا عراميش .. واحيانا نقلبها بيعه وشريه ومشاريع .. وعماير وعقارات .. ونعيش جونا ... ولبغينا نضيق صدورنا مرينا على الاسهم .. وكل واحد خاسر له حول هالمليون .. <<<



المهم بالنهاية .. قال ابو فيصل يذكرون القميري اليوم .. كلنا قلنا صحيح ؟؟؟ << طبعا مشافيح .. <<<< قصيد .


يالله طلعنا بكرة .. طلعنا ..


ونصلي الفجر .. ونولم العزبه .. ونولم الددسن .. << نظرا لعدم وجود سيارات تقلنا ..

وعلى المقانيص << والله من زين الامور بعد ..


ويالله صباح خير .. وعند هكالاثلة <<< طبعا شجرة كبيرة لغير الناطقين بالعربية ..


وطق يابو تركي ذيك القميرية وإ لا هي تمسح الارض .. المهم .. قلنا ماشاءالله فال مبروك .. ويالله خذك يادوجة .. ودوجة .. ودوجة .. وفي هاللحظة تذكرت كلام ابوي يقول والله ياوليدي حر وقلة واهس ولاهنا شي يسوا ..<< بس فضاوة رحنا..



المهم وتصلانا الشمس .. ونطبخ من الحر .. وندور قميري وإلا حتى عصافير .. وإلا دجاج بري مافيييييييييييييييييييييي ييييييييييييييه ..


وتجي الساعة 2 ظهرا .. والصيد قميرية .. والخوي ابو فيصل وابو وليد .. ونظرا لاحتمالية عدم وجود صيد كنا اخذين واحد حبة دجاج مبرد ..


المهم ونصفط بذاك الشعيب .. اللي تذوب من الحر تحته .. ونننزل ونزل العزبة .. ونركب القهوة والشاهي .. وياهلا والله ,, استريحوا ..


ونطبخ الغدا .. ويوم قضا الغدا ... وانا اقعد امخمخ وشلون اكل القميرية لحالي ..


المهم ويجي ابو فيصل ينكب الغدا قلت له .. خل القميرية بالقدر الكاتم .. وخلنا نضحك على ابو وليد ونقوله اننا اكلناها إلين ينتهي من الغدا .. وبعدين نحطها .. قال ابو فيصل تم ..


المهم قربنا القدر للصحن وقعدنا نتغدا .. ابو وليد وين القميرية ؟؟؟؟!!!!

قلنا هههههههههههه راحت عليك أكلت يوم اكل الثور الابيض ..


المهم سكت .. ويوم تغدينا .. <<<<<< ويجي تنفيذ العملية >>>>>> وافتح القدر والقط القميرية بسرعة البرق الخاطف .. وارتكب حاسة الفرار السابعة لدي .. والوذ بالفرار ..

وخذك ياركض >><< وبما ان ابو فيصل المخطط الوحيد معي .. قام بلحقي .. اما المضحوك عليه الاكبر .. ابو وليد .. فالتقط السلاح وكان من نوع شوزن عيار 50 .. وزهب الطلقة وقام بطردي مع ابو فيصل .. في ذاك الشعيب المغبر .. والممتلئ شوكا .. الحار نهارا .. البارد ليلا .. اللي بصراحة يجيب لك الامساك ..


المهم يوم قربوا من عندي .. وإذا القميرية كد صارت شذر مذر .. وطاحت بيد واحد جاي من المدر لايبقي من اكل الصيد و لايذر .. <<<< ياسلام على التعبير..


قال ابو وليد والله .. الين ماخليت لنا شي .. لرميك ..:::


وإذا الخبل صادق (صادزز)) ويرفع السلاح من فوق جبهتي ودفففففففففف ..

وانا اكل ماتبقى من القميرية غصب من الخوف حتى مع العظام .. وابلع ريقي وراها <<< لقلة ذات اليد .. واكل رز .. وانكب على ركبتي خوفا .. من الطلقة .. واعطيهم ماتبقى من القميرية .. ولم يتبقى منها سواء الجناحين .. فوهبت لكل واحد منهما جناح ..

وماكان ذلك إلا لأتسنا من الرجعة معهم .. خوفا من ذاك الشعيب ..


وبدون ختام .. شكرا ..

بس بطــــل

حتى تحت تهديد السلاح ما ترددت

خسارة والله الجنحان أفتكوهن الرياجيل،،، قهر ،،، صح ؟؟

أمتعتنا بقصة الشفاحة الشيقة

وأفادتنا بان الهروب حاسة سابعة

تقبل تقديري وأعجابي وثنائي على طرحك الجميل الشيق والعذب الغير متكلف

المشاركة الأصلية كتبت بواسطة عبدالله بن غنام

بس بطــــل

حتى تحت تهديد السلاح ما ترددت

خسارة والله الجنحان أفتكوهن الرياجيل،،، قهر ،،، صح ؟؟

أمتعتنا بقصة الشفاحة الشيقة

وأفادتنا بان الهروب حاسة سابعة

تقبل تقديري وأعجابي وثنائي على طرحك الجميل الشيق والعذب الغير متكلف

ايوالله بطل .. بس القهر هالجنحان مدري وشلون راحت عليك ..


وحلو تسميتك بالشفاحة .. والهروب حاسة سابعة لدي لان لدي حاسة سادسة << احتفظ بها ..ههههههه


اشكر مرورك الكريم .. وتعقيبك الجميل ..

انا قلت الله يستر لايكون اخر القصة وطارت القميريه

او وصحيت من الحلم



طرح مميز واسلوب جميل يشدك حتى تتابع القصة بالكامل

ننتظر ابداعك القادم

تقبل مروري وتقديري وتحياتي

هلا بعذب السجايا

شكرا على هالقصه اللي كلها الم
وجوع
وشمس
وتعب
بس يازبن القميري زيناه
ههههههههههههههههههههههههه
لكنه قليل الحين
واحمدو ربكم على هالوحده اللي صدتوها..
هذي شكلها آخذه الجنسيه
اصلا القميري يقولون انه غير طريقه
ماصار يمر من عند السعوديه
القميريات يكلمن بعضهن ويقولون الطريق من عند السعوديه مقطعه
ههههههههههههههههههههههههه هه

المشاركة الأصلية كتبت بواسطة الفريدي

انا قلت الله يستر لايكون اخر القصة وطارت القميريه

او وصحيت من الحلم



طرح مميز واسلوب جميل يشدك حتى تتابع القصة بالكامل

ننتظر ابداعك القادم

تقبل مروري وتقديري وتحياتي

الله يحييك ابو مالك ...



ههههههههههههههههههه


لا لا ماعليك حنا ماعندنا إلا الصدق ..



شكرا لمرورك ..

المشاركة الأصلية كتبت بواسطة بندر نغيمش

هلا بعذب السجايا

شكرا على هالقصه اللي كلها الم
وجوع
وشمس
وتعب
بس يازبن القميري زيناه
ههههههههههههههههههههههههه
لكنه قليل الحين
واحمدو ربكم على هالوحده اللي صدتوها..
هذي شكلها آخذه الجنسيه
اصلا القميري يقولون انه غير طريقه
ماصار يمر من عند السعوديه
القميريات يكلمن بعضهن ويقولون الطريق من عند السعوديه مقطعه
ههههههههههههههههههههههههه هه

والله يقولون واحد باليد ولا عشر بالسماء .. <<< يطمن روحة ..


القميري كل يقول .. سلم سلم .. إذا مروا بالسعودية ..