صوت وصدى مع الشاعر الكبير / زيد بن مبشر الحصني

السلام عليكم ورحمة الله وبركاته
هذه قصيده أسنتدها الى المدرسه الشعريه / زيد بن مبشر الحصني
كي أنهل من منهله وأستفيد من خبراته الطويله بالشعر

يا زيد أبن مبشـر بقـاف ٍ مثيلـي=عنوانـه الطيبـه بـذوق ولباقـه
سلام من بنـت الكريـم الأصيلـي=اللي بعالـي نجـد يرعـى نياقـه
ســلام لا بالله مـاهـو قليـلـي=واحلى من اللي حالي ٍ فـي مذاقـه
يا زيد شفنا منـك شـي ٍ جميلـي=صاير لسان الكـل عنـد الملاقـه
الاولـه مشكـور شكـر ٍ جزيـلـي=والثانيـه لـو كـان عنـدك لياقـه
رد الجواب ان كـان عنـدك دليلـي=وعطني من الأزهـار مقـدار باقـه
ياخوك انا قلبـي صويـب وعليلـي=مثـل إبـدوي ٍ فاقـد العـام ناقـه
ياخوك بعض الناس من عرض جيلي=امـا سلمنـا منـه جنـا نفـاقـه
اليا سكتنـا عنـه جـاب الرذيلـي=وإن كان جادلنـاه صـارت حماقـه
والحمـد لله يـوم بالـي طويـلـي=ورجلي عن الشينـات دايـم معاقـه
أقـدر الطيّـب وأعـده زميـلـي .=واعرف معاييـر الغـلا والصداقـه
اقـدره تقديـر مـالـه مثيـلـي.=وأسابقه بالطيب وأكسـب سباقـه
اما الـردي مالـه مقـام ونزيلـي=الناس كـل النـاس تبغـى فراقـه
اكثر علومـه بيـن قـال ٍ وقيلـي=عنده طمـان الهـرج فـن وحداقـه
ناس ٍ تعشق الطيب وتصهل صهيلي=وناس ٍ تعشق الشر دايـم عشاقـه
والطيب ما يعرف خضيـري قبيلـي=الطيـب بالطيّـب تكـون العلاقـه
والفرق واضح بين طيـب وهزيلـي=مثل السماء والأرض واسع نطاقـه

هذا رد الشاعر الكبير / زيد بن مبشر الحصني الحربي

ماللأصيله غير أخوهـا الأصيلـي=ولا للعِلاقه غيـر أخـوه العِلاقـه
النرجسيه جابـت آخـر موديلـي=وتطرّقت طاروق ما هـو سِراقـه
وأنا من اللي لي ويـش يغديلـي=كل الحقـوق مسجّلـه بالبطاقـه
يامرحبـا ترحيـب نـو ٍ ثقيلـي=للبرق بعروض الخيـال إنشعاقـه
يفرحبه اللـي كـل ذوده هزيلـي=ما عنده اللي مـا يـذوق ٍ ذواقـه
لاوالله أحلى من حـلا السلسبيلـي=على الكبود المرهقه عقـب فاقـه
ما أقول غير من الكثيـر القليلـي=ترحيبة المشفي بشـوق وشفاقـه
يابنت ما نـي للمشاكـل كفيلـي=آخذ جـلال العلـم وأتـرك دقاقـه
لوا هجادي منـك وآطـول ليلـي=أبحث عن الجوده برفـق ورواقـه
أحاول أقنـع كـل مـن يشتكيلـي=اللي من الأجنـاب ومـن الرفاقـه
واللـي يـدوّر حـل للمستحيلـي=ماله سوى حـل ٍ يضيّـق خناقـه
عسى الثّقه من كل جانب حصيلـي=والآدمي لولا الثّقـه وش وثاقـه
عندي ثقه في عملتـي وبعميلـي=ما أحمّله مشروه خـارج نطاقـه
أرد كـان الحـق مالـه بديـلـي=والكذب بظهـار الحقايـق زهاقـه
ولاني برأيي حسب عرفي بخيلـي=ولا أبادل الجاهل كفـوف الحلاقـه
عندي دليل إن الثّقـه مـا يعيلـي=ولابـد للعاقـل بوقـت إنعـزاقـه
وأهل الكلام السيء ما أخلوا سبيلي=قبلك لحقني مـن غثاهـم لحاقـه
لو ضقت ما أشعل بالزناد الفتيلـي=مرونتـي خشنـه ولاهـي رقاقـه
يابنت ما أشفي بالنميمـه غليلـي=أقـول وأقابـل بـدون إدّراقــه
ولا تجامليـن مروّجيـن النقيلـي=وراع النّفاق يطق مع عظم ساقـه
يعني على ما قيل مثـل الرجيلـي=وإن قيل هذا ليه؟ قولـي حقاقـه
يالنرجسيه لـو مصابـك جليلـي=العـود الأزرق جودتـه بإحتراقـه
وتقبّلـي تحيـتـي وإسمحيـلـي=القـاف متعبنـي بكثـر إنطراقـه

	شاعرتنا النرجسيه ياهلا والله وغلا ويالله حيها بنت الاجواد في مجالسنا الشهاده في شعر جزل مثل شعرك لا تزيده ولكن استطيع فقط ان اثبت المرور وتسجيل الاعجاب في هذا العطاء المتميز من حروف شاعرة متميزة وغنية عن التعريف صح لسانك شاعرتنا القديره وصح لسان الشاعرزيد بن مبشر وبانتظار الجديد من عطاءك الفريد ابوبندر

صح لسانك يالمبدعة وانتي فخر لنا جميعا ودمتي مبدعة ..

النرجسيه

بداية ومشاركه جميله

ولي عودة لهذه القصيده ان شاءالله

سلام من بنـت الكريـم الأصيلـي=اللـي بعالـي نجـد يرعـى نياقـه

حللتي اهلا ووطئتي سهلا
أكيد هذا شأن بنات الكرام الأصيلين... اصالة وجزالة ورقي في الالفاظ التي تحمل معاني تعالج وضع مؤلم يشكو منه الكثير وبأسلوب مساجله غاية في الروعة ... حياك الله ايها الشاعره وصح لسانك ولسان الشاعر زيد الحصني.

تقبلي مروري

فارس الحرف

النرجسية

أولاً مرحبا وحللتي أهلاً ووطأتي سهلاً

وصح الله لسانك قصيدة تستمد من ينابيع الروعة لنستلذ بها

قصيدة تشاغب . . تبحث . . تحاور . . وتسمو أيضاً

ليكون الصدى من شاعر قدير ومتمكن زيد بن مبشر فصح الله لسانه

لنتسمر كثيراً من الوقت بين الدرتين ونعيد القراءة بلحن وزاوية أخرى

شكري وتقديري

والطيب ما يعرف خضيـري قبيلـي

الطيـب بالطيّـب تكـون العـلاقـه


الاخت النرجسيه صح السانك قصيده رائعه وهذا الشعر الصحيح


الذي ينبع من تراثنا البدوي الأصيل ننتظر جديدك وياهلا ومرحبا بين أعيال عمك


وصح السان شاعرنا /زيد الحصني شاعرغني عن التعريف


تقبلي مروري