القاضي

القاضي

	يامن تلوم العذارى استوب=وقف ترى العرف له قاضي من خلقة الكون هالعـذروب=طبع الهوى دوم عضّــاضي أهل الهوى جاذب ومجذوب=وراع الهوى دوم هيّـــاضي احـدا سقنّه مــن المشـروب=مــن نبــع صافي وفيّــاضي واحدا كسب في هواه ذنوب=واحدا مدرعم على الفـاضي واحدا لقى بالهوى المطلوب=واحدا يتوجد على المـاضي وحكم القدر ماعنه مجنــوب=نسعى لهن مشي وركـاضي ياللّي لكم بالهوى منــــدوب=خلك مـع التـرف متغـاضي ولا تزعّل الجادل الرعبـوب=حلو اللمى عذب الالفـاضي لا جـات يمّـك تجـرالثـــوب=عن باقي الخـلق معتـاضي اما تجـي يمّهـن بأسلـــوب =ولا شكنك على القاضي

معلا
23/8/1428هـ

الله عليك يا ابو بندر

فزعة ما بعدها فزعة


أهل الهوى جاذب ومجذوب = وراع الهوى دوم هيّاضـي
احدا سقنّه من المشـروب = من نبع صافـي وفيّاضـي
واحدا كسب في هواه ذنوب = واحدا مدرعم على الفاضي
واحدا لقى بالهوى المطلوب = واحدا يتوجد على الماضي

كلام صحيح وصايرن محامي

واحد مدرعم على الفاضي ( حلوة هذه )


تراي ابقضي بينكم انت وابو عبدالعزيز

الله يديم عزك يا ابيض الوجه

القسومي
يعطيك العافية اخوي وشاكر لمرورك العطر
وانا وبو عبد العزيز مايبي لنا قاضي
مجرد اختلاف وجهات نظر لا اكثر
ولازم واحد يشد والثاني يرخي
ولا كان اخيذه كلنا في صف واحد ضد الخفرات
وسلامتك

ابو بندر


لايسعني القول الا:


صح الله لسانك



دمت بود

صح بدنك ودمت بود
مشكور على حلو المرور

من قاضي القضاه

	يا قاضي ٍ للقضاء منصوب=ياسيّدي قاضي ٍ قاضي بمياه سدّك رقى المنسوب=يغرق بساتين وفياضي هالسرع خطّك غدا مضروب=اثرك تحرّى على حاضي بالحيل قريّب يادوبك دوب=عوض وصوّت لعوّاضي حياك يالقاضي المحبوب=خلطتها حلو واحماضي آي كانت استوب ويآر قروب=تشابكت كل الالفاظي

هذا انت تغني على المسحوب = فعلٍ مضارع وفعل ماضي
لكن اشوفك تطالع صوب= خلف وخلف لنا قاضي

اخي وعزيزي الشاعر ابو بندر اشكرك كل الشكر على هذه القصيدة المفعمة بالمعاني المتناسقة والاسلوب الرائع ( الغزلية المحايدة ولاكن واضحة المعنى ..
تحية طيبة

	شعرائنا الافاضل خلف الفريد وغازي الفريدي هلا هلا و100 هلاوهلا اجل ماهو معجبكم حكم القاضي وتحزبتم حياكم الله وياهلا ياعيال راشد على النقا اف يو هاف قروب اي هاف قروب=علي ومقبل مع القاضي اللّي تجنى على الرعبوب=نبــي ندنّيه للقاضي حكم صدر ماعليه عتوب=ما ينقضـه كـل نقاضي ترضخ لحكم القدر وتوب=والسيل لازال ماغاضي نكتب بخط العرب مكتوب=و نداعب حروف الالفاضي ايام جوكي بلا عذروب=بت يو نايس من الماضي وان كان غازي لكم مندوب=يجيه حقه ويغتاضي نبي نتساجل على المسحوب=من دون خوض بالاعراضي اليا ظهرت شمسنا يذوب =ثلج لكم بين الاغراضي واللي زعل يشرب السنتوب=ويعطي زقاره لعواضي القاضي

المبدع

ابو بندر

قصيدة جميلة تطرقت لغرض واحد

الآ وهو القضاء

ومن الشعر اصبحت قاضيا يابا بندر

اخوي خلف

مازلت تتأجج شعرا ونقول صبرٍ وصبرا حتى مابعد الفطرا

ومن قاضي القضاه ايضاً :

	ياغازي القاضي المرعوب=قام يتلمّض تلمّاضي ألحمت يالسالب المسلوب=لا يغرّك البرق لا ناضي اللي يتقضّب غدا مقضوب=يركض وعظامه بها شاضي ليا قلت قولك ترى محسوب=اسرع بالاحكام لا تعاضي وانا المعتّق سمن يعروب= تنزل على دار مقياضي وترى قروبي ذهبْ مصبوب=ياوردنا عدّكم غاضي يالله برزق ٍ يجي مجلوب=مابين نظرات واغماضي يابوش قدمك الباشا قلوب=محرّر القدس بالماضي