طول الجدار وقصره الرجل نوماس =ياعاد للرجل داع دعاها

قصيده للشاعر// مبارك ابن عبيكه الشمري:

يابان ضو الصبح قلطـت محمـاس=علـى وهـج جمـر توقـد سناهـا
وزينت انا الحمسه على الكيف بقياس=كبيتهـا بالنجـر حيـن استـواهـا
نجر ليا حرك تقل ضـرب نحّـاس=دب الليالـي مايبـطـل عـواهـا
ولقمت بدلة مولـع مالـه اجنـاس=من حب صنعا عابـي لـه عباهـا
صبه لمن حولك على الزبر جـلاس=هل السمـوت اللـي بعيـد مداهـا
واثنه لممرور على الخيـل مدبـاس=تقفي عنه صـم الرمـك يانصاهـا
من فوق ماتاخذ على الخيل مرواس=ياحدعت سهـلات الانفـس حذاهـا
يقول مبارك هرجـة مابهـا بـاس=تطرب لها كرام اللحا مـن حلاهـا
طول الجدار وقصرة الرجل نوماس=ياعـاد مـا للرجـل داع دعـاهـا
خلك على بابك تقل عمـل حـراس=ياجـو عليهـن محتريـن عشاهـا
تصير بعيون الرفاقه معـك بـاس=وان كان ماتدعي تره مـن عناهـا
يصيـر قـالات ويصيـر لـولاس=ونوب من الادنيـن ياتـي عناهـا
ياجن مع الخل الشمالي له اضـراس=والكل تشكي رجلهـا مـن حفاهـا
تحيي بهم من قبل تجديـع الالبـاس=تقلط لهم تمـر الحلـي مـن نماهـا
وتذبح لهم كبش يصلّح بالاطعـاس=وتقلطه مـن حيـن غيبـة مساهـا
هذات سلم اجدودنا قبـل مـن راس=واللي بعدنـا كـان ربـي هداهـا

صح لسان الشاعر

وسلمت يمينك يا بن هديب

ادام الله عزك وبيض الله وجهك

شكراً لك على التعليق الرائع



وجهك ابيض يالذيب ولك كل الامتنان والتقدير المتبادل

صح لسان الشاعر

وشكراً لك يابن هديب على هذا النقل

أهلا وسهلا في مرورك في صفحتي يابن راكب. مرورك زادني شرف ياأخي
تقبل تحية عبد المحسن بن هديـب ,,,,,,

أهلا وسهلا في مرورك في صفحتي يابو بندر . مرورك زادني شرف ياأخي
تقبل تحية عبد المحسن بن هديـب ,,,,,,