لو العذارى

شيء من الذكريات :

	لو العذارى على الاخلاص مبداهن=ماحد ٍ شكى لوعة الهجران ياراضي مافيه لحد ٍ حمايه لكن احماهن=دونه حدود الحمايه حمْر وعراضي غلطان من ينقضي وقته برجواهن=يضيع عمر الفتى كله على الفاضي وانا رهين المحبه والزمن راهن=تعبَت سنينه اتعزّيني عن الماضي دايم يجمّع مجاهيمه وينقاهن=واليا اقبل الليل ورّدهن على حياضي اشكي جروحٍ بقلبي صعبٍ دواهن=عصنْ على كل مختَصّ ٍ بالامراضي ايا ليالٍ مضن لي كيف ابنساهن=اليا تذكّرتهنْ قلب العنا جاضي ازريت لسلا غرامي بهْن واسلاهن=عايشْ على ما تبقّى له من انقاضي

ابو عبدالعزيز

ارفق ارفق ارفق بنا ترى القلب فيه اجروح يا غالي من جر الليالي


غلطان من ينقضي وقته برجواهـن === يضيع عمر الفتى كله على الفاضي
وانا رهين المحبه والزمـن راهـن === تعبَت سنينه اتعزّيني عن الماضـي


رهين مره وحده يا ابو عبدالعزيز
يا اليت لي قدره وافزع لك يا تاج راسي

يا الله كم انت مبدع وكم هي جميلة ما خطت يداك لا اقول ارفق بنا بل المزيد المزيد المزيد

	الظاهر انه له عشرة ايام سواهن =ويقول هذا قصيد ٍ لي من الماضي قلب المولع خضر لو قال ابنساهن =حتى ولو مرّهن مقفي ومتغاضي

قصيدة قوية من قصائد الغرام العذري ،امتاز شاعرنا في الجمع بين .النصح . والبحث عن الدواء

واستحالة النسيان ..!!

الله يعطيك العافية اخوي الغالي خلــــف الفـــريد ..

لاكن سامحني عن هذين البيتين وهما للمداعبه فقط !!

خلف الفريد


لقد اسرجت العنان للحرف وابدع حرفك برائعة ليس لها ند


دام راسك يالغالي

المشاركة الأصلية كتبت بواسطة خلف الفريد

شيء من الذكريات :

استاذي خلف الفريد
قصيدة رائعة بأكملها لا ستثني منها أي بيت
بيض الله وجهك على هذه الدرر الثمينة
وصح السانك

المشاركة الأصلية كتبت بواسطة خلف الفريد

شيء من الذكريات :

كلها أقتبسها عقدلؤلؤ ويش آخذ ويش خلي هل شفتوا أحد يترك حبه فص من العقد


الله يسامحك ياأبوعبدالعزيز وين رجعتنا لصباء آه ثلاثين ونه 00 كنك توايق في قلبي

تصويرك في غاية الجمال والابداع كل يوم نكتشف فيك عبقريه جديده

لله درك غسلت أكبودنا تكفى تراء تكفى........ لاتبخل علينا في جديدك مكتبتك تعج بالمعلقات

بالجديد ه أخوانك يطمعون بالأكثر أنت قادر وحنا نستاهل والله ماعذب من شعرك وكود أنت


تقبل مروري واعجابي والسلام خير الختام

خلف الفريد

رجل عاش بين المنافذ البرية والجوية فكان من منافذ الإبداع

يكتنف قلبه الخضار حتى هذه اللحظة وإلى الأبد

أقرب دليل

وانا رهين المحبه والزمـن راهـن = تعبَت سنينه اتعزّيني عن الماضـي

أحاط بنبضه الشاعر الرائع / غازي الفريدي إحاطة السوار بالمعصم وكشف لنا غموضه

وفي كلتا الحالتين وردنا بدرره الثمان على هداج الغزل المتسمر في قلوب العشاق

دايـم يجمّـع مجاهيمـه وينقاهـن = واليا اقبل الليل ورّدهن على حياضي

صح الله لسانك أبو عبدالعزيز

محبتي وتقديري ياشيخ العشاق

صح لسانك ابوعبد العزيز
لسان رطب بالغزل
وقلب مصبوغ باللون الاخضر
وشاعرية ذات فلسفة خاصة بالغرام
تروي قلوب العطاشا لعذب الكلام
وبديع البدع وجميل النظم
مدرسة شعرية ننهل منها الكثير والمثير
حفظك الله لنا شاعرنا القدير واستاذنا الكبير

ابوبندر

احبتي اهل القلوب الخضراء

لاحظت ان المشاهدين والله هناك!!!!!!!!!!!

لاكن الظاهر مالهم ضلوع يخافون من التعقيب!!ههههههههههههههههه ه

ام انتم ايها المارون الشجعان اقول لكم:

القسومي

قليبك اخيضر لكنك شجاع -وتراي مدري هل انت متزوج ام لا- المهم ان كلماتك عطرت

كلماتي البسيطه واشكرك على المبالغه !!!!!!!!!!!

ابو العز

المزيد قال !! من هالحين هههههههههه

اشكرك من الاعماق ، مرور معطر

غازي شاعر الغزل

ماهذا الذوبان السريع ؟؟؟

والم الله يحفظك ، حنا نتعلم منك في هذا المجال

مرورك شرف لي لاهنت ومن شدة فرحي بهذين البيتين عملت بهما ماترى!!!

دلهام

لاهنت لاهنت وتسلم على مرورك الجميل

ماجد المطيع

وانت الاجمل والاميز والاروع دائماً

شكرا لك لاهنت

ابو عمر

اخوي انت ماتحتاج موايقه!!! لو ماعرفك واشوفك عرفت ان قليبك يجمع الوان الطيف كلها!!!

والظاهر انك تعديت الخضار الى الحمار من فتره طويله والدليل الكتابه هنا هههههههههه

قال الصبا قال!! انت هالحين عميد الهواويه بالمجلس

اخي علي،، كلماتك بحد ذاتها شعر غزلي غير مباشر اسعدتني وآنستني

اشكرك من الاعماق وانا رهن رغبات اخوتي واتشرف

لك حبي

عقيد القصيد

نسيت البحريه ايضا ههههههههههههههه

بين فترة واخرى تبهرنا بجميل ابداعك الغزلي النظيف الا من الجمال والاسلوب الراقي!!

وبمجرد محاولة قديمه ترفعنا فوق النجوم ، نحن تلاميذك في هذا المجال ايها العقيد

والظاهر ان اوراقي مكشوفة لديك ، حتى اماكن العمل ؟؟ ياساتر!

والخضار ياعزيزي اتضح اليوم وبوضوح !! الله يعينكم ههههههههه

لك حبي وتقديري واعجابي

ابو بندر

اليوم مرورك حذر وبوقار كبير واسلوب محترم!!!

هدوء متعقل بالرغم من حركات القلب التي كأنني اراها هههههههه

اشكرك من الاعماق على هذا الثناء والحب والصدق

وما انا الا نصف عاشق ولكن انت ومقبل وغازي!!!!!!!!!!

لك حبي واجلالي