ابومحمد مراقب مجالس بيت القصيد
ذو اهتمامات شعرية لاتخفى على احد وذواق شعر باحساس اكثر من شاعر وناقد من طراز رفيع لكن ماكان يخفى علينا هو انه لديه محاولات في النظم لم يكن يظهرها لاحد في العلن بل قد تكون تخفى على الكثيرين من المقربين اليه.وقد خصني في احداها وعلى حسب اعتقادي هيا اول قصائده التي ترى النور وتنشر وكان لي الفخر ان تكون موجهة الى شخصي البسيط مما كان له الاثر الكبير في نفسي يعلم الله.
وربما كنت سببا في ظهور شاعرا خفيت شاعريته على الكثيرين وهذا مدعاة فخر واعتزاز بنسبة لي،وقد ابيت الى ان اضعها بين ايديكم لتطلعوا عليها ومن ثم تكونوا عونا لي عليه ليبدي لنا المزيد منها.
وقد قمت بمحاولة بسيطه في الرد عليها علها تنال رضاكم واستحسانكم واعتذر من التقصير في حقابومحمد ومااختصني به دون الغير وان كنت لا امتاز عن باقي ربعي في شيءولكنه احسان الظن باخيه لا اكثر.
اليكم القصيدتان
هات القلم واكتب وحذرا تملل=لين أبيض القرطاس يملا دواها
ثم ظرفه واختم جوابه عن الفل=وأرسل به اللي حافظ لمحتواها
ونصه لبوبندر وخصه عن الكل=من غير حقرانا لمن هو قراها
قل طالت الايام والجيش عزل=والنفس يامشكاي ماكثر خطاها
حاولت يامعلا وفشل المحاول=وكثرة علي وضاق حتى فضاها
بين الظروف ومشكله مالها حل=راحت سنين العمر تزحف وراها
انشدك عن عذرا كريمه تجمل=لاشافت العشاق جاها بلاها
مكانها عالي رفيعاً مظلل=و الوانها لونين حسب عملاها
يالله تجعل ظل عرشك لنا ظل=في لحظة كلاً ذنوبه يراها
واختم جوابي باطيب الطيب والفل=وعبير مسكا غاليا مشتراها
منصور الوسوس
-----------------------------
جاني جواب به كلام مفصل=من صاحب طلق اليمين بعطاها
اسلم وسلم يارسول مجمل=جاب الرسالة بظرفها ومحتواها
يابومحمد شوق من تبري العل=تبري العليل بشوفها من حلاها
ام العيون الناعسات الذوابل=اللي عن المسيار تقصر خطاها
حالي دلع مع ظرف مع طول مع دل=غِرواً من الخفرات هافي حشاها
في وصفها تحتار وتخاف لاتزل=الجادل اللي له تشوم بهواها
عقيد قـوم بقومته ظافي الظل=مالومها لو كان غاية مناها
نبع الكرم ماحسب لدقها وجل=اليا عطى يعدل الوف بعطاها
وافي خصال الطيب كامل مكمل=وكم من حلاحيل بطيبه سباها
واليا دخل في المعضله ماتطول=يحلها لوكان صعب حجاها
سمح المحيا كلمته تقنع الكل=وترضى بها شيوخ كليف رضاها
يومه نصاني بأول البدع ياعل=غيث السما يالي حزوماً وطاها
عشراً رصينه مابهن ما يبدل=توزن بميزان الذهب من صفاها
نشدت عن عذراً بها الناس تبحل=وتطالع العالم على مشتهاها
ياهقوتي قصدك على اللي تبدّل=وفي قلبها نون بداخل غشاها
ذبح البشر في شرعها أمر محلّل=ياما تغير في النفوس وهواها
وصلو على الهادي الشفيع المبجل=اعداد من حج الفريضه وقضاها
شرفا لنا انا واخي منصور ان نحصل منك على هذه الشهاده والوسام القدير الذي نزهو به على صدورنا بهذه الكلمات التي خصيتنا بها كاول من لفت نظره هذا الموضوع .
وابومحمد مكسب للقبيلة بكريم افعاله ووافر خصالة قبل ان يكون شاعرا او ناقد او حتى متذوق لشعر، فهو علما من أعلام الجماعة رجل علم ودين وادب وصاحب مروءة ونخوة وكرم تتحدث به الركبان .
اما وقد ظهر منه الشعر وبان فلن نحتمل ان يخفيه عنا بعد الان وننتظر منه الجديد بقادم الايام.
ابو عمر
كلك حلا وبركة ومروك شرف مابعده شرف ويسر الخاطر.
وعجبت انك على قربك من ابو محمد ماقدرت تدري عن نظمه وتطلع لنا من قصائده.
الله لايهينك الحين عليك فيه هذا هو عندك ونبي جديده قبل رمضان . عليك فيه.
وبنسبة لشهادتك انت اللي عندك من قدر معروف يابو عمر ولا الله لايحرمنا عذب مرورك يالغالي.اخوك ابوبندر
مرحبا شاعرنا ابو بندر قصيدتك الجميلة سفينة في بحر شاعرها ..اتيتنا بالجزل من الاخ ابو محمد العزيز على قلوبنا تحية لبو محمد اما القصيدتين ملهمات المعنا سوالٍ ثم جواب استمتعنا بهن الله يعطيك الف عافيه ....
لاكن اقول لعزيزي منصور بعد هذه القصيدة الرائعه التي كلٍ تمنا انها موجهه له
اطلق عنان الحصان .... والله امانةٍ انها قصيدة ممتعة جدا }
الله الله ابومحمد حقيقة مفاجأة مع اني كنت اتوقع ذلك لأني اعرف ان والده له قصائد جميلة وكذلك شقيقه الأخ / فيحان وجدت له قصائدة في مجلس خوالي الوساوسة ..
اجل اكيد شاعر لكن الدليل على انه شاعر انه يرى ان امكانياته لاتؤهله لكن نقدر نقول لك يابومحمد
مابك حيلة
كل ماوجهناك مع درب اذا ما انت مع الأوائل تكون بالصفوف الأوائل
كفو كفو كفو ياولد العم
ابوبندر ابياتك مطرزة من ذهب ورائعة كروعتك وانا استمتع بأبياتك
كم نحن فخورين بربعنا وياحلو المساجلة بين أبناء العم كل واحد يسند على الآخر ...
لكن بعد اقول يابوبندر مابك حيلة بعد وقلبك خضر لكن ابشر ماني معلم احد
رد: طلق اليمين 
العرض العادي
