إهداء لخلف الفريد بعد اجتياز الألفيه

اخواني الاعزاء لي الشرف ان اكتب بينكم اليوم عن شخص يحبه الجميع وهو اهل لذلك
هاهو ابن فريد اليوم قد اجتاز الالفيه في المشاركات التي يفرح بها كل منسوبي هذا المنتدى
مشاركات مفيده ..... مشاركات جزله ..... مشاركات عذبه
ماذا عسى ان اقول في ابن فريد ,
اسمحولي اخوتي ان اعرض بينكم ابيات متواضعه في حد ذاتها فاقبلوها

	مبروك يا نسل الرجال المناعير =مبروك يا بن افريد والف تحيه حزت العلوم الطيبات المغاتيـر =علم الوفا والطيب عندك مزيه ابن افريد مسخر القاف تسخيـر =ليا جاء نهار ٍ فيه تصغر طميـه خلف بن عتاف تاج المشاهيـر =تخطّي الف مشاركه تاجْ ليه وانا افتخر باللي علومه مسافير =طلق الحجاج وصاحب المقدريه مشاركاته كلها تحمل الخير = والكل من حبك بعث لك هديه سلام يا حر ٍ براسه صعاطير =له عزوة ٍ منها عضوده قويه لي الفخر اني اسوق التباشير = والمنتدى فخره علوم ٍ نديه ونعم ٍ بعيال العود من دون تقصير = والمعذره ياهل الوفاء والحميه

صح لسانك قصيده جزله

وأبو عبد العزيز يستاهل وزياده

الله يعافيك

ودمت ...

الشاعر / صــالــح بن هــلال القـــســـومـي

قصيدة وفي لإخ عزيز وفــــي

قصيدة تعبير عن مابداخل القلب لشخص يضحي بوقته

لإجل رفعة أسم القبيلة على الشبكة العنكبوتيه

من شخص دائمآ وابدآ يحب ان يعبر عن لربعه بإشعارهـ

صح لسانك يالوافي


مبروك يا نسل الرجـال المناعيـر = مبروك يا بن افريد والف التحيـه

(( الف مبرووووك يابو عبدالعزيز وصدقني الف مشاركه قسمتها لقسمين خمسين منها من اجزل القصائد

وخمسين منها حماسية ورد وثناء لربعك على مواضيعهم وتستاهل التحايا من القسومي ))



حزت العلوم الطيبـات المغاتيـر = علم الوفاء والطيب عنـدك مزيـه

(( صدقت يالشاعر عزالله علومه غانمه وطيبه وذكره سابق فعايله ))



ابن افريد مسخر الشـرد تسخيـر = اليا جاء نهار فيه تصغـر طميـه

(( وقفت عند الشطر الاول وقلت لا ، لا ياصالح ابد ابو عبدالعزيز جدآ مسالم لاتظلمه ولكن قريت الشطر الاخير بس يوم قريت الشطر الاخير قلت تلاحم البيت واصبح اسطوره فعلآ صورت لنا وابدعت ياصالح ))



خلف بن عتاف تـاج المشاهيـر = تاج الفخـر ليـه وتـاج الالفيـه



(( كفو والله تاج المشاهير ماهو شهير بفن لابالله شهرة بعلوم طيبه ونادره ولاتصير أناني ياصالح ابوعبدالعزيز تاجنا كلنا مو بس انت * مشاغبه * والنعم بمن هو مثل خلف ))



و أنا افتخر با اللي علومه مسافير = طلق الحجاج وصاحـب المقدريـه

(( هذا يدل على انك طلق حجاج والطيب ماله مدى عندك يابوهلال وشيء تفتخر به يدل على اصالتك وانت تفتخر بخلف اللي كلنا واحد ، واحد ملك قلوبنا وأسرها بطيبه واقواله وافعاله ودعمه اللامحدود للجميع بلا استثناء ابو عبدالعزيز نعتبره مدرسة لنا ))



مشاركاتـه كلهـا تحمـل الخيـر = وكلا علـى قولـه بعثلـك هديـه

(( مشاركاته كلها دعم وتوجيه وحرص للإرتقاء الى العلالي ويستاهل كل علمآ طيب ))



سلام يا حـر براسـه صعاطيـر = ومبروك يا بن افريد والف التحيه


(( صح لسانك والله اللي برأسه صعاطير الخير والود ويستاهل مليون مبروووك ))



لي الفخر اني اسـوق التباشيـر = والمنتـدى يفخـر بعلـوم نديـه


(( والله كلنا نفخر ونفرح انه وصل الالفية بس هو كسب الف مشاركه بمجلس ربعه لكن كسب مليون محبه بقلوب الاخرين ومن ضمنهم انت ياصالح والا كان ماطلعت هالمشاعر الرائعه الي سطرتها ))


وكل الجماعه ونعم من دون تقصير = والمعـذره يـا لابتـي والحميـه


(( والنعم بالجميع والنعم بك ومعذور وحنا نقول لك ماقصرت انك عبرت مافي قلوبنا للشهم والبطل ابو عبدالعزيز وماقصرت يالذيب كفو ، كفو ، كفو ، كفو ))



ابو هلال تقبل مروري وسجل إعجابي بشخصك الوفي

اخوي عبدالله بن علي الطهيمي

مشكور على رد الجميل
وهذا تشجيع لي ان اتواصل معكم على المشاركات الطيبة والجزلة

مرورك وساو فخر وعتزاز لي بشخص مثلك يرد على مشاركات

فالك مني اطيب التحية

ادام الله عزك يا ابيض الوجة

ابن منيديل

سلمت يمينك على هذا التعليق الجميل

ادام الله عزك يا ابو تركي

تعليقك اللي على الشاشه وصل حده = من كف محمد على قصيد الالفيه
يا محمد الخير ارحب بك إلى جده = بذلت مالك ونفسك للعنكبوتيه
وان كان قولي ناقص ٍ عنك رده= والله لصوغ القاف بالحان جنيه
والقول قولك دايم ٍ وانت قده = وتعليقك الطيّب هو احلى مزيه

بيض الله وجهك والمعذرة عن التقصير

لوقلت ما أوفيت في حقك


ادام الله عزك

القسومي معانيك جميلة جدا وبعضها يحتاج وقفه (( صعاطير )) هذي ماني عارف معناها .... ارجو ان تكون واضحه ...

واما الابيات في ابو تركي فتحتاج وزن كثير جدا لانها ركيكه للغاية

وانت شاعر جزل تحتاج الى شي بسيط من الاهتمام حتى تظهر

ابياتك بالمظهر الجيد لك صافي الود ارجو ان يتسع صدرك للنقد

البارق

صدري مفتوح ومتقبل كل النقد منكم يا عزوتي
ان ما قبلت نقدكم من اقبل نقدة يا سنايدي

انا تحت امركم

القسومي

صح الله لسانك قصيدة وفاء لرجل وفاء ويستاهل

وألف مبروك للشاعر القدير / أبو عبدالعزيز

كنت بالإنابة يابو هلال لك ألف شكر

دمت على الخير والمحبه

اخوي الشاعر الكبير : مقبل بن نمران
مرورك على مشاركتي وسام فخر وعتزاز بك
نعم افتخر , نعم افتخر

ادام الله عزك يا ابيض الوجة

اخي صالح القسومي

اشكرك على هذا الشعور الطيب مع اني مشيت مع درب مشوه قبلي رجال

اما انزال القصيده في غيابي مع اخباري الاخ المراقب منصور الوسوس بذلك

وعدم تعديل الملاحظات فهذا لم يكن العشم فيكما ابدا ابدا !!!!!!!!!!!!!!!!!!!!!!!!

كما ان دخولك بوجه الوسوس ما يفكك مني!!!!!!!!! خله يفك نفسه!!!

وش عليكم !!! حمّال الأسيه!!!!!!!

لك حبي