قصيدة عن الصداقة

سر يا قلم مادامك اليوم مرهون=في كف شاعر واشرح انته خياله
اكتب سؤال ٍ بالذهن دوم مكنون=ضاقت مشاعر خاطري من خلاله
هل الصداقه شي بالطيب مقرون=و إلا صداقة شخص تقرن بماله
اتعبني التفكير مره ومليون=وارجع على - جايز يكون استحاله!!
اقول مقرونة مع الطيب وتكون=وارجع و اقول المال جاب الشكاله
اشوف بعض الناس من غير يدرون=من شان مال الشخص صاروا عياله
من اجل ماله صار بالعين مزيون=في نظرة اللي للمصالح عنا له
والطيب صار اليوم لاشك مركون=دام المصالح فوق كل احتماله
سر يا قلم واكتب سؤالي لهالكون =اكتب سؤال الشاعر اللي طرا له
لعل من يقرا من الناس ياتون=معهم إجابه وافيه بالدلاله
ويرتاح تفكيري و انا اصير ممنون =للي عطا الشاعر جواب لسؤاله

ليس هناك إجابة للشعر إلا بالشعر

سر ياقلم للي من الوقت مشحون = رجلٍ على صوته وجاد بسؤاله
عليه من وسم التعابير مضمون = قافٍ يشده بالوفاء والجزاله
ينشد ويطلب من هل المد والعون = عن حاضر الدنياء علامه وماله
يقول ليه الشهم ضائع ومدفون = ولا صوت يسمع له عناد وجهاله
من جملة رجال تعدوا ويشكون = وكلٍ تيقن بالصحيح ومجاله
ماب الزمن للناس مبدأ وقانون = لكل جيل يصير وقتٍ وحاله
والوقت جاير والمشاكيل يوحون = هذا زمان العولمه شان فاله
لا تقول كيف وليه مايصير وشلون = الأمر فوق المستطاع ومناله
خلك عنه مبعد وشايح ومصيون = وأصبر على جور الدهر بإحتماله
وترا الصديق اللي على الطيب مايهون = عند الكريم اللي تشده خصاله
ودنياك ماتخلى بها رؤس ومتون = رجالٍ بهم للطيب ساس وشكاله
وإلا الردي لو ماله أموال قارون = عن الوفاء والطيب تقصر حباله
واللي وراه من الأوادم يطيرون = مثله على أوصافه سراد وحثاله
وماقل دل بسلم ناسٍ يعرفون = ردي على قاف الرفيق بعجاله

وسلامتكم

القسومي صح لسانك وتساؤل في مكانه لاهنت

مقبل بن نمران اجابة شافيه صح لسانك ودمت لنا مبدعا

مقبل النمران

ماذا عسى ان اقول لك يامبدع

رد وافي من صاحب اوفاء

وفيت وكفيت



من مقبل النمران جتني إجابة = عن الصديق اللي عرف بالصداقة
مشكور يامقبل على ها الأكتابة= اجابتك وفت ولك ورد باقة



مشكور على الرد يا بن نمران

وجواب آ خر وشعراً ايضا:

	سر ياقلم واكتب جوابك على هون=سطّر اجزال الشعر واترك هزاله يامرحبا ومن التراحيب مليون=بالشاعر اللي مطلبه ما صفا له يسأل سوالٍ يسأله كل مغبون=ودّه يعدل والزمان ارتكى له ياصالح الدنيا بها ميل وشطون=ومن اللي يعدل ميلها من هباله لا صار كفك يابن هلال مدهون=انت الرفيق اللي يغطّى خماله ومن شان مالك كلهم وجه وعيون=وتلقى لهم حول المضيف اجتواله وان قل مالك قالوا فلان مجنون=ماهو تكان اللي يضيّع حلاله واليا ادبروا لعلهم ما يردّون=حطوا بك الشينات خبث ونذاله اقوى البنا يبنى على ساس وركون=والا ضعيف الساس عجل ٍ هياله ولا انتقص ناس ٍ على الصدق يصفون=يعدّهم خطو الرجل من عياله تعرف بهم صدق النوايا ويوفون=وليا حداك الوقت طيْب ورجاله واهل الوفاء لاتحط من دونهم دون=المال يفنى والصداقه رساله هذا جواب اللي امجّرب ومطعون=جرّب من الطعنات فوق احتماله وصلاة ربي عد منهم يلبّون=للواحد المعبود جلّ جلاله وعد النجوم اللي تعلت على الكون=على نبي الخلق والصحب وآله

اخوك ابو عبد العزيز

خلف الفريد
بارك الله فيك

جواب كافي ورائع من اخ عزيز

ما قصرت يابو عبدالعزيز

دايم قصايدك جزلة

المعذرة؟؟؟؟؟؟؟؟؟؟؟؟؟؟؟؟؟؟ ؟؟

القسومي

لاهنت قصيده جميله ومعبره تعبير صادق عن الصداقه


مقبل بن نمران اجابه شافيه وصح لسانك


خلف الفريد اجابه شافيه وصح لسانك

كلاكما امتعنا بالاجابه الشافيه الكافيه

ابو ريم

مرورك وسام فخر وعتزاز

مشكور على رد الجميل

القـــســـــــــومـــــــ ي / صـــالـــح بــن هـــلال

صح لسانك يالجزل

قصيدة واضح محتواها وماتريده

ولكنك نبشت جروح دائمآ نعالجها بمراهم وجود احبتي هنا

ولكنك تصر الا ان تسمع اراء الآخرين لكي يخففوا عنك هموم المجتمع الذي اصبح

يمشون على المثل ( عندك ريــال تــسوى ريــال )

اشكرك على ان جعلتنا نستمتع بقصائد ابو ياسر

وكذلك الشاعر الكبير / خلف الفريد

الذي اجابو اجابة شافيه من خلال قصائدهم وهذي هي رسالتهم

ادوا الرسالة كاملة ولاقصروا


جميعآ

تقبلوا اعجابي بكم وبقصائدكم التي دائمأ تسطرونها بالذهب

صالح السانكـ القسومي

جزله من جزل

ولاهانو شعار عيال راشد صح فكرهم