الجواب بلاسؤال رائعة للشاعر ابن شعيبان

(الـجــواب بــلاســوال)
رائعه من روائع الشعر النبطي
للشاعر المبدع دائما // محمد بن شعيبان الفريدي
وهي تتكلم عن نفسها .

	اطلب المعبود باسمـاه العظيمـه=عالم سـر الليالـي مـع علنهـا يحمانا في ظلاله عـن جحيمـه=ومن قسى سود الليالي ومن فتنها ويهدينـا للـدروب المستقيمـه=قبل روح العبد تطلع من سكنها والهدف من بعد ذكره بالوسيمـه=همني موضوعها ماهـو لحنهـا شفت بعض الناس به عاده ذميمه=كل صاحب عرف مايرتاح منهـا لاحضر مجلس تقول انه زعيمه=بالسوالف يطلق لروحه رسنهـا ويتكلم عن جديـده مـع قديمـه=ويستهيض بجابة ٍ لو ماوزنهـا قبل لاينشد يعبر مـن صميمـه=كن مرضاة العرب عنده ضمنها والجواب بلا سوال بـدون قيمـه=السوالف نشـدة ٍ عنهـا ثمنهـا في تقاليـد الرجاجيـل الفهيمـه=ماتجيب بكلمة ٍ ماسئلـت عنهـا ناقص ٍ مقدارها لو هـي سليمـه=اللبيب يضيق صدره من جهنهـا اعتقد لاجـت بلا نشـده عقيمـه=دام ماجا وقتها بالعقـل صنهـا لو فرضنا وصفها مثل الوليمـه=ما تقدم للرجـال بـلا صحنهـا وقيل راع المعرفه عقله خصيمه=والعرب تمشي على طيب معدنها ما اقصد رجال ٍ لهم شيمه وقيمه=كل طيب مـا يطولنـه شطنهـا لو بداها محنّك افكاره حكيمـه=فاهم وجزل السوالف محتضنهـا ترتوي من عرفه افكار ٍ محيمـه=لا ورّد قصه مع الشاهـد قرنهـا كل كلمه من مثـل هـذا غنيمـه=مايجيب علوم ٍ عريان ٍ بدنهـا للعلوم ٍ الطيبـه عنـده عزيمـه=ومحتفظ بعلوم شيبـان ٍ مكنهـا الرجال اللي مواقفهـا حشيمـه=للقبيلـه تعتبـر عـز لوطنهـا البلا اللي شايف ٍ روحه صتيمه=ولا تولا السالفـه قـام يعجنهـا ظالم ٍ بعض البشر نفسه ظليمـه=ويتمادى بالخطا لاصـار ينهـا ولو على روحه فتح قول ٍ خريمه=مايتدارك للخطايـا لـو مكنهـا به عقول ٍ واعيه ماهي سقيمـه=ناس ما تعرْف السلوم وتمتحنها وقبل لايحرف بهـا راع النميمـه=يمكـن يزود بهـا والا يخبنـهـا المخالف يعتبرهـا لـه قسيمـه=لايقول فـلان بفـلان يخمنهـا

وعليكم السلام


صح السانه صح السانه صح السانه والله ابيات دررر


بيض الله وجهك وتسلم يمناك ولا عدمناك


والجواب بلاسوال بـدون قيمـه

السوالف نشـدة ٍ عنهـا ثمنهـا


أنشهد والله ماشاء الله

يعيطك الف عافيه يامنصور على النقل

وصح لسانه وقصيده جزله من شاعر جزل

البلا اللي شايف ٍ روحه صتيمـه=ولاتولا السالفـه قـام يعجنهـا

منصور الوسوس 0000 مشكور على هذه الرائعه ايها الرائع 000 والى الامام اتحفنا بتحفك

وسلمك الله من الحر والشر يا ولد ابوي راشد

صح لسان ابو فهد
قصيدة رائعة


تشكر اخي الفاضل منصور عاداتك الطيب

صح لسان ابو فهد
قصيدة رائعة


شكر اخي الفاضل منصور عاداتك الطيب ؟؟؟؟؟؟؟؟؟؟؟ارجو الا نتباه البيت رقم 10فيه خطا مطبعي يبدو الرجاجيل

مشكور يبو فهد وقد عدلتها كما قلت وهي وردتني بهذا الشكل


لك اجمل تحية ونحتاج مرورك الكريم دائما فانت استاذ الجميع

قصيدة رااااااااائعة
يعطيك العافيه اخوي منصور على هذا النقل الجميل ويسلم لنا الشاعر المفخره محمد بن شعيبان.


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ فارس الحرف

فارس الحرف اجمل تحية على اطلالتك الغالية

وقيل راع المعرفه عقله خصيمـه
والعرب تمشي على طيب معدنها

ابو محمد جزل ولاأتأتي إلا بالقصيد الجزل عساك بالوجود ياوجه السعد

شاعر مبدع بن شعيبان لا يختلف على ذلك اثنان