حرار طويق

هذه القصيده شاركت بها في مجلة (التنميه في المملكه العربيه السعوديه-عطاء ونماء واستقرار)
الصادره هذا الشهر عن لجنة التنمية الاجتماعية في بلدة كبد بالقصيم
(((الملك الباني الموحّد)))

	متى في غير ابو تركي تباها=قواف الشعر جزلات ٍ نقاوي مليك ٍ سيرته سيرة بطوله=وتاريخه يعجّز كل راوي مليك ٍ فيصلي ٍ شاد حكمه=على الدين الحنيفي السماوي وجعل نهجه على سنة نبيه=وتوحيده على اسلوب الطحاوي بنى مجده على امجاد ٍ قديمه=ورثها عن بعيدين الهقاوي هل العوجا سلاطين الجزيره=حرار طويق صلفين العزاوي بداها بالرياض بحد سيفه=وعون الله رفيق ٍ له مخاوي ثم اعلنها فتوحات ومغازي=بغير العزم وش جدوى المناوي وبسم الدين والتوحيد نادى=ومشاها مشية القرم الرهاوي ولبّى دعوته خيرة رجاله=هل التوحيد ورّاد المهاوي جمع شمل البلاد وعز شعبه=عقب كانت شتات ٍ ما يساوي وعلى التوحيد وحّدها وصارت=ملاذ الكل بالوقت القساوي ويوم ارسى دعايمها وقامت=تفرّغ للبناء الحر النداوي وتركها دولة ٍ حجم ومكانه=وعمّ الخير والعيشه حلاوي ومن بعده ملوك ٍ يشبهونه=على دربه مشوا نفس الخطاوي مفاخرهم عناوين ٍ كبيره=على وجه الدهر مثل الصطاوي ثمان عقود والدار امحميه=على رغم العدا من كل عاوي وبعد الله ثم الخير فيهم= تجاوزنا معاً كل البلاوي رعوا حق الوطن وايضا المواطن=شعار ٍ بيّن ٍ رغم الدعاوي وشعار التنميه هم رافعينه=مع الدعم الحقيقي السخاوي من اجل المجتمع قامت صروحٍ=بدار الحضر او دار الشواوي رعاها خادم البيتين دايم=حبيب الشعب بالوقت السناوي عسى ربي يعينه في مسيره=دعاء المخلص العبد الرجاوي

خلف بن عتاق

صح لسانك يابو عبد العزيز

شاعرنا الكبير
مشاركه ثمينه وقيمه والشهاده فيك مجروحه

وكل الشكر على اطلاعنا على هذه الدره الثمينه يالغالي

تسلم يمينك يابو عبدالعزيز

وطنيه رائعه وصح لسانك

صح السانك يابو عبدالعزيز

على هاذي القصيده الجميله ومن جميل الى أجمل بأذن الله

ابو بندر

اشكرك على هذه الكلمات الجميله
والقصائد الوطنيه هي تعبير عن مكنون الحب والولاء لهذا الكيان الشامخ وولاة امره
حفظهم الله وادام علينا نعمة الاسلام والسلام
ولك مودتي

دلهام
وانت سلم قلبك وبدنك
شعور متبادل حباً لهذا الوطن العزيز

تقبل حبي ومودتي

محمد الغازي

وانت يأخي طلتك وهذه الكلمات الصادقه هي الجمال والكمال
شكرا لك من الاعماق
لك حبي

خلف الفريد

(((( أبو عبد العزيز )))))

صح الله لسانك وتسلم يمينك وكما عهدناك دائما مشرَف للقبيلة في المناسبات وفي هذه المشاركة جسدت حبك للوطن ولأبناء عمك


وتقبل تحياتي

((((((((((( الشاعر الوطني )))))))))))
شاعرنا الكبير خلف الفريد تحية طيبة سلمت على نظم هذه الابيات الجميلة التي
عهدناها منك دائما ..
تقبل مروري اخي العزيز على قصيدتك الاكثر من رائعة

أبــو عبد العزيز

دائماً الأبداع حليفك ,.

صــح السانك على هذه القصيدة الغالية على قلوبنا ,, ,, ,,

تقبل مروري