|
القلـب يالصاحـب لــه ايــام مـزنـوقماهـو منشطنـي مـن العـام سـوقـي |
والــرزق بـالـدنـا تقـاسـيـم ووفـــوقنــــوب تـكـايـدنـا ونــــوب تــروقــي |
وعنايـة الخالـق عـلـى كــل مخـلـوقمحيـي الهشيـم ويابـسـات العـروقـي |
ياللي هضمت الطير والطيـر مـرزوقالطـيـر رزقــه بالـجـنـاح امخـلـوقـي |
مـن يـوم قــل الصـيـد ماللـولـع ذوقوشعـاد لـو حطيـت طـيـر وسلـوقـي |
راح الولـع مـع دور مشعـان وصفـوقيــوم الحـبـاري بالمـنـادي افـروقــي |
ذاك الـذي يطـرب لـه البـال ويشـوقوالطيـر يـسـوى قيمـتـه ومعشـوقـي |
واليـوم دور الطيـر فاشـل وممـحـوقكـثـروا صقاقـيـره ولامــن وفـوقــي |
وبعـض صقاقيـره يحبـسـه بصـنـدوقضـايـق بمنـقـاره يـعــض السـبـوقـي |
لو هـز راسـه للفضـاء وانتهـض فـوقريـشـه دمــار وبالـربـاط امحـزوقـي |
نسـره لحـم مطبـوخ والوكـر طابـوقوسـيـم يـتـلـه بـالـكـراع امـحـزوقـي |
من عقب مضياحه على راس شاهوقالـيـوم نـاقـص واجـبــه والحـقـوقـي |
يلعـب الجاهـل مــع الـديـك مـرفـوقالطـيـر مـخـدم والـدجـاجـة تـقـوقـي |
من شوفته كني على الوجه مصفـوقصديـت مـن عينـي تـذارف ارمـوقـي |
حكمـه بيـد غيـري ولابرمـت منطـوقهـزيـت راســي والضميرامـحـروقـي |
مـن يـوم جهـال الولـع جالهـم سـوقاللـي يحسـبـون البـواشـق اشـروقـي |
الطيـر لــه نــاس تعـرفـه ومـرمـوقالـلـي ولعـهـم بالـصـقـاره عـمـوقـي |
يسوقهـم حـب الـولـع للـولـع ســوقخــص لـيـا قـامـت تـلـوح الـبـروقـي |
كـان اجنبـوا لمسـوا مداليـج ساحـوقوشمال من غـرب الصحـن للحدوقـي |
بــارض مراتعـهـا تفـهـق بـهـا الـنـوقكـبـار الظـهـور مقـوسـات العنـوقـي |
لاهـل الولـع فيهـا مساهيـج وطــروقوقــت الخـضـار وللـبـذيـره بـهـوقـي |
العـام لــي معـهـم عـلاقـه ومعـلـوقواللـيـوم اوادعـهـم وقـلـبـي يـتـوقـي |
ينحـاه مـع درب الولـع حـب واخفـوقوعلـى الصقـاره والنشـامـا شفـوقـي |
قلبي علـى شـوف القرانيـس مفتـوقالـلــي طلـبـهـن يعطـبـنـه لـحـوقــي |
الـي بـهـن ريـشـة مريـعـي وغـرنـوقومــن القـطـا فيـهـن نـوايـع رنـوقـي |
امسـرولات اكعوبهـن حجـل واسبـوقحـرش الكفـوف مدلجـات الشدوقـي |
وصدورهـن جثـلات والمـتـن مفـهـوقواقحوفهـن مثـل الكهـوف الطبـوقـى |
والريش طلـق ادقـاق والبـوز مذلـوقوالـروس بيـض وبالمواسـى دقـوقـى |
عقد محازمهـن لهـن سلـف واشنـوقفــج المنـاخـر ضافـيـات الشـنـوقـى |
منهـن زعيـم الجـول مـاهـو بمعـتـوقمـن ضربهـن كنـه بـرمـح مخشـوقـى |
دفق الحمر منهن على القـاع مدفـوقمـثـل الخنـاجـر مـزرهـن للـعـروقـي |
انسـى سوالفـهـن ولا جـيـت ابــاروقيـشـر علـيـهـن يالنـشـامـا خـفـوقـي |
لاكن حصلي من ظروف الدهـر عـوقوانـا عليـهـن يــذرف الـدمـع مـوقـي |
حل الولـع يـوم الولـع قطـف زملـوقواليـوم راع الطـيـر صــدره يضـوقـي |
يصبح ويمسي ضايـق الصـدر مخنـوقتضـيـق مــن قــل الـهـداد الخلـوقـي |
|
القلب يالصاحب له أيام مزنوق 
العرض العادي
