$$$$ عيال راشد والقبايل لنا شهود $$$$

أبيات موجهه للاخ /معلاء العنيزان الفريدي والقصيده تعبر عن نفسها
__________________________________________________ _

سلام يارمز الوفاء منبع الجود = ياللي علي أهديت أجمل هديه
يمنىً لبذل الطيب تعطي بلا حدود = أبوك علمك الوفاء والحميه
عز الله انك ماسك ٍ كلمة العود = ياحي والله يا بن عمي وصيه
ونفسك مزكيها عن النقص بالزود = ياسعد والله مانت دايم خويه
وأعطيتنا بالمنتدى كل مجهود = وفي كل ماتعطيه عندك شويه
من طيب ذاتك دايم الدوم موجود = رغم المشاغل والظروف القويه
ولا انقص بحق رجالْ بالمنتدى فهود = مني لهم أزكى سلام وتحيه
عيال راشد والقبايل لنا شهود = ومن اعتزى بالعود نسي المنيه
كم اسهروا بالليل والعالم رقود = من شأن مايلقى عليهم خطيه
ملعون رجل ٍ يخفي الحق ياسعود = والله على ماأقول يشهد عليه
أما أنت يامعلا فانا أقول وأزود = راعي هلا والكبش والشاذليه
والطيب ورث ٍ عقّبه جد لجدود = باق ٍ لنا أيلين تمحى البريه
وصلاه ربي عد ما حجّوا وفود = على نبي ٍ للخلايق سويه

	[hide] وعليكم السلام ورحمة الله وبركاته §¤°~®~°¤§صح لسانك يابو عمر§¤°~®~°¤§ بـــــارك الله فيك وبيض الله وجهك وهذا فيض من غيض طيبك وشهامتك وحموتك اللي تسر الخاطر وحسن ظنك بخوك. مهما بلغ بنا الكرم فقد غمرتنا من مشاعرك النبيله بما يفوقه اضعافا مضاعفه وكل كلمات الثناء والشكر تتضائل امام فيض كرمك على اخيك وجميل مشاعرك تجاهه ولا انا ماسويت شيء يستاهل كل هالدرر الثمينه من شاعر قدير يشار له بالبنان شروى ابو عمر ماقمنا به ماهو الا اداء واجب اجد نفسي دائما مقصرا مهما بلغ مافعلنا سواء انا ام بقية الاخوه من اعضاء وادارة فهذا الحق والواجب علينا تجاه قبيلتنا وربعنا وبكم وبامثالكم من عيال العود تعمر المجالس بطيب افعالكم وجزيل قولكم وحسن ظهوركم بين القبائل على فضاء النت . وانتم خير من يمثل ابناء القبيلة اكرر الشكر على كريم قولك وثناءك الذي غمرتني به واقبل هالابيات المتواضعة [/hide]

	سر ياقلم واكتب ولاتذخر الزود=رد السلام لشاعر النرجسيه يامرحبا ترحيبة ما لها حدود=ياللي سلامه وصل المزاحميه تسري من العارض الى منبع الجود=وتاصل لبن جضعان راعي الحميه ابو عمر يامسندي ياضنى العود=انشهد انك راعي الاوليه كامل وفى مايلحقك اي منقود=راعى الكرم والطيب والشاذليه سلم على نفسك وسلم على سعود=وبلغ سلامي لنشامى العزيه معلا

[/color][/font][/size]

صح لسانك

صح لسانك وعساك بالوجود وتجود

صح لسانك

ابو عمر



يستاهل ابوبندر



ياليتني شاعر وأجاريك

ولا كاتب وأدون كتاب بما في داخلي من مشاعر

مشاعرك واصله يابو باسل من غير ماتكون شاعر
والقلوب شواهد والله عليها خير شاهد
هذا من طيب اصلك وكريم معدنك اللي انقى من الالماس..

واقبل الميسور يابو باسل واعذر من القصور وحقك اجزل منهن يالغالي
ولا هن بمقامك عندنا يعلم الله بس هذا فيض الخاطر بساعتها

والله انك غالياً والرب شاهد=والقلوب شهود مافيها قضيه
نفرح بشوفتك يانسل الاماجد=,من عرفك بزود حظه واهنيه
حي ابو باسل بسفر ولا متواجد=سعد من هو مشعل دايم خويه

الاخ علي الجضعان صح السانك قصيدة طيبة في راعي الطيب ولا يضيع الطيب بين الرجال
يستاهل ابو بندر شاعرنا القدير ..,
تحية طيبة ابو عمر

علي الجضعان

صح لسانك قصيدة جزله من شاعر مبدع

ويستاهل راعي الطيب أبو بندر

ابو عمر

صح الله لسانك وعلا شأنك

يستاهل أبو بندر والرجال ابدع ورد يعني مالي مجال أرد بالنيابه عنه

شكري وتقديري

ابو عمر

هذا دليل صفاء الأخوة عسى الله يديمها بيننا

ولايمدح الرجال الا اطيبهم وأبو بندر يستاهل

صح لسانك مليون ومليون نعم بابو بندر

ولايهونون باقي الشباب كل من له جهود في هذه المجالس ولا شك أنك على رأسهم يأبو عمر

تقبل تقديري أبو عمر لك على مشاعر الأخوة السامية منك تجاه أبناء عمك