من قصائد ابن جدلان

الجــــهــــالــــة

الجهالـه فــي بـنـي آدم تولـيـه الــد بــورلـــو طـريـقـه غـــادي يحسـبـنـه مـتـجـه

يحسب ان ما مثل شوره مع الاشوار شورمـا يعـرف أن لـه مـزاج وللنـاس أمزجـه

يمـكـن ايـلاقـي مــزاج يبـادلـه الـشـعـوروهـو علـى فلـم الشطـارة وفلـم الدبلجـه

وآخر المشوار لا حصلت مـا فـي الصـدوركـل زور فيـه شـور لـمـن ضــاق هـرجـه

يحسـب أن معـه أفضلـيـه تولـيـه العـبـوران لقا الملح أزعقه وان لقا الحلو أسمجـه

القمـر والشمـس كنهـا تسلـف منـه نــوروالحـبـال تصـيـر تحـتـه خـيـول مسـرجـه

والسما عجزت تصل لـه جناحيـن الطيـورمــا وصـلـه إلا مـحـمـد بلـيـلـه مـعـرجـه

يـا بنـادم يلعـن الله كــل مخـتـال فـخـورمــن تـواضـع تـحـت ربــه يعلـيـه درجــه

لأجل ما تدخل جهنـم علـى شـأن الغـرورللعـرب حــاول تـواضـع وتعطيـهـم وجــه

من لقا عذب المشـارب ومثمـرة الزهـورما قعد يغرف من البحـر ويسـوق أحدجـه

الـطـــــيـــــب

ودّنـا بالطيـب بـس الدهـر جحّـاد طيـبكـل ماتخلـص مـع النـاس كنـك تغشهـا

يـدك لامـدت وفـا لاتحـرى وش تجـيـبكـان جاتـك سالمـه حـب يـدك وخشهـا

كـل ماشبيـت نـار المحّبـه مــع حبـيـبقـام يسحـب فـي مشاهيبـهـا ويرشـهـا

كل ماواجهت لك في الزمن وجه غريبمثل مـا قـال المثـل دام تمشـي مشهـا

وذمـةٍ ماهيـب تنـدان للـحـق المصـيـبجعل قشـاش الحطـب لاسَـرح يقتشهـا

خـارطة الطـريـق

يا ذا الجلال اللي عروشك فوق وأملاكك حـدرومهما تسامت به عروشـه مستحيـل يطولهـا

يــا حــي يــا قـيّـوم يــا ذا الأنـافــة والـكـبـرما نافسك فـي عظمتـك مكـر العبـاد وهولهـا

وما نافسك من عمّر بيوته على سطـح القمـرواللّـي ترسـي فـوق أقاليـم الميـاه سطولـهـا

ما انته بحاجـة مـن عبـد ولا بحاجـة مـن كفـرولا بـحـاجــة ثــابــت الـدنـيــا ولا مـنـقـولـهـا

أنت السميع لمن حمد وانت المزيد لمن شكرواللـي مـا يشكـر نعمـة المنعـم عليـه تزولهـا

يـاذا الجبـروت العظيـم ويـا القـديـر المقـتـدرتفـزع لنـا فـي معضـلات مـا نـريـس حلولـهـا

تلعـب بنـا خـلاّن فرغتـنـا كـمـا لـعـب الـكـوروأن اقبلت صاحـوا لهـا ان دبّـرت صاحـوا لهـا

لا هبّنا الطايف بعض الأحيـان فـي فيـة عصـرشهـب الليـالـي مــن ورانــا يسحـبـن ذيولـهـا

أنت السلام اللي لك الإسلام وأنت المشمخـراللـي عجايـب قدرتـك فـي المعجبيـن ذهولهـا

سلام يا محمد رسول الله راعي الوجـه الأغـروسـلام يــا روح ملائـكـة السـمـا صـلّـوا لـهـا

سـلام يـا ابوبكـر يـا عثمـان يـا عـلـي وعـمـروسـلام يـا سبـع الآفــاق أطلالـهـا واسفولـهـا

سلام يا صـدق النـوى سـلام يـا وسـع الصـدرســلام يــا مفـتـاح بيـبـان الـفـرح وقفـولـهـا

وسلام يا شمس الضحى تشرق على بر وبحـروتشـرق علـى كـل الـديـار جبالـهـا وسهولـهـا

وسـلام يـا غـر السحـاب اللـي تبجـح بالمطـروشـم الجبـال اللـي تبجـح بالسحـاب قذولـهـا

وسلام يـا هـوج الريـاح اللـي عطاهـا مستمـرمهما خـذوا منهـا مـن الحسنـات مـا ردوا لهـا

وليـت الرحـاب اللـي لنـا بوجيهنـاحـق وقــدرما تضمحل مـن الزمـان ولا نشـوف سمولهـا

ويا ليتنا لاما سرحنـا اليـوم الأبيـض مـن فجـرتبطي عبـات الليـل مـا تضفـي عليـه سدولهـا

ولا لـيـا منـهـا ضـفـن سدولـهـا يـطـلـع بـــدريا صل ضياه اللي على الكـوره تطـق طبولهـا

المعتبـر يآخـذ علـى الدنيـا دروس مـن العبـروالـنـاس بكسبـهـا معامـلـهـا بـقــد عقـولـهـا

أحيان تصدف لعبة الشاطـر مـع غلطـة عمـرمـرة.. لكـن لا عّـدت الغلطـة مـا عـاد ينولهـا

حنـا عرفنـا كلنـا مـا طـال مـن شـيء قصـروالأحلام ماتـوا قبلنـا شرهيـن مـا وصلـوا لهـا

حتـى الجمـال اللـي نحملهـا الهقـاوي بالصبـريالله بحمـلـتـهـا تــقــوم وتــــدّرج بحـمـولـهـا

والحـب سيـسـان العـبـادة والعـبـادة بالجـهـرإن مـا قـدرت تقولهـا وجـه الصحـيـح يقولـهـا

يسرون عميان المحبـة تيـه فـي غـدرا الغـدرلـلـي تـحـد سيوفـهـا والـلـي تـعــن خيـولـهـا

ولا تفـكـر فــي غـنـاة ولا تفـكـر فــي فـقــروتشفع لبيضـان الصـدور احضوضهـا وفعولهـا

أهــل التكـلـف بالمعـرفـة والتصـنـع بالبـشـروالله ما هي حول الصحيح ولا الصحيح بحولهـا

اللي يفضـل مـا يقّيـم بـو ميـه مـن بـو عشـرحتى الفضوليـة عـن الفاضـل بطـل مفعولهـا

اللـي تخبـره لحيتـه ذا ..طولـهـا يصـبـح بــزرواللي تخبره بزر يصبح و تصبح لحيته ذا طولها

القنــــــــاص

ياعنـا القنـاص يالصـيـد المّـدسـمياكتاب الشمس وكتاب الطلاسـم

أمسك أعصابي وإذا شفتك تّبسـمكنك تكويني علـى الكبـد بمياسـم

كن بياضك مـن حمـارك لاتقّسـمعارض في وجنتك موكب مراسم

حبكم سيطر علـى قلبـي ورسّـممثل ماسيطر علـى بغـداد قاسـم

فرحة صلاح الدين

لـعـل ربٍٍ جـمـع يـوسـف ويعـقـوبـييـلّـمـنـي مــــع ولـيـفــي واتـهـنـابـه

اللي من اجله ما غير احسّـب اذنوبـيوالقلـب كـنّ الـدبـا الحـنّـان يرعـابـه

احتل طيش المشاعر واخلف اسلوبيوجمـيـع مــا مـرنـي مـنــه اتهـجـابـه

الكلـمـه الطيّـبـه لا قـطـهـا صـوبــيوالا نظرلـي بنـظـرة عـطـف جـذّابـه

فرحـت فرحـة صـلاح الديـن الايوبـيساعة تولّـى علـى المقـدس وصلابـه

المـــمـــاشـــــــي

لاتخالفـت الممـاشـي تخالـفـت الــدروبمــع مـــن يعـنـيـك ويـقــدرك وتـقــدّره

والبشر محدٍ على شـف غيـره بمغَصـوبمــن بغـالـه شـعـب فيسـنـده ويـحّــدره

والأدمي ماهـوب يـدري بسـدات الغيـوبوارد الـمــا مـايـدلّـه يــاكــود مــصّــدره

ولا تجيك الحصبه الا من فراش امحصوبوحبة الجدري تجـي مـن فـراش مجّـدره

اخي وعزيزي / ناصر بن راكب

انتقيت من افضل الشعراء جزالة قصائده واتيت بها الينا لتتحفنا بهذه الروائع

الف شكر لك ولحرصك يالغالي على انتقاء كل ماهو يعجب ذائقة القراء

وحقيقة فية بيتين هي من اجمل بيوت الشعر الآن والتي تلامس لمايعيشه واقعنا


ودّنا بالطيب بس الدهر جحّـاد طيـب = كل ماتخلص مع الناس كنـك تغشهـا
يدك لامدت وفا لاتحـرى وش تجيـب = كان جاتك سالمه حـب يـدك وخشهـا

ابن منيديل

إبداعنا من إبداعكم ياأبوتركي

وشكراً على مرورك العطر

صح لسان الشاعر

تقبل مروري

فهد بن مبارك


شكراً لك على المرورعلى مشاركاتي

ودمت بود

بسم الله

ابن راكب

سلمت يمينك على نقل هذه الروائع من اشعار بن جدلان ذلك الهرم الشعري

والحقيقه اختياراتك موفقه كعادتك في انتقاء الشعر الاصيل

ولاشك ان القصيده احياناً من كثرة تداولها وكتابتها يطالها التحريف والغلط الاملائي والنقص

وهذا طبيعي ولكنه يضيع بعض جمال القصيده

مثلا عندك:

القصيده الاولى

البيت الثالث الشطر الاول (يبتدله الشعور) لامعنى لها

البيت الثامن الشطر الاول لابد من وجود كلمة (كل) قبل مختال فخور حتى يصح المعنى والوزن

اما القصيده الثالثه

ففيها اغلاط كثيره ونقص بآخر بعض القوافي وتكرار بعض الجمل

لذا ارجو من اخواني المشرف والناقل تفادي ذلك والتصحيح وانا بالخدمه

لكما ودي وحبي

أبو عبد العزيز

بيًض الله وجهك على هذه التنبيهات والتي لم أنتبه لها
وهذا أكبر دليل على حرصك الدائم بالرقي بهذا المنتدى

وبالنسبة للملاحظات التي ذكرت في القصيدة الأولىفقد تم تعديلها أما القصيدة الثالثة فقدتم تعديل البيت الأول والسادس عشر وماقبل الأخير وإذا كانت هناك أي أخطاء أخرى فأرجو منك ومن الأخوة التنبيه لذلك


(((أبو عبدالعزيز من أجل هذه الأخطاء أضفت قصيدتين وياربي يكون مافيهن خطا)))))))

ومره أخرى ألف شكر لك ولاتبخل علينا بملاحظاتك

ابن راكب
انتقاء رائع وقيم من قصائد شاعر مبدع مثل بن جدلان

سلمت يمينك اخوي ولا هانت جهودك

ابو عبد العزيز انتقاد بمحله وهذا مطلب لنرتقي بمالدينا من محتوى


دمتم لنا مبدعين