الـــبـــالـــون . . !

	. . الصاحب اللي هش بضلوع هشّه = حرام ما حطه ذخر لي وحزام لا صار ما فعله على القلب رشّه = ولا قوله يورّد مناكيف وحيام مالي وماله شال وإن حط قشه = جعله مهف مقيط وإن طاح ماقام يخاف فمه من المعوشه نمشه = يبي يقود اقزام ويورث اقزام بالون لو جته الاصابع تفشه = لو رزّت بدربه قناديل واعلام ماهم رجال نفوس وعقول وشّه = اساسها ماهو على صلب الاقدام واللي مثل هذا وجوب تحشه = ماله وجود ولا عدد بين الارقام عُودٍ لو إنك يالسنافي تطشه = ماجات له حاجه على مر الايام يعني إحترامْ لوضعكْ بلين مشه = اقصد تجنّب رقعة الوجه والخام لا صار ماقربه على القلب رشه = ولا طيبه يورّد مناكيف وحيام

لاصار ماقربه على القلب رشه # ولاطيبه يورد مناكيف واحيام


صح لسانك يأبو ياسر

وتقبل تحياتي

ناصر ين راكب

صح الله بدنك ومشكور على تواجدك الطيب

أدام الله نبضك الجميل بين احبتك

مع محبتي وتقديري

المشاركة الأصلية كتبت بواسطة مقبل بن نمران

تسلم اخوي الشاعر مقبل بن نمران
قصيده رائعة وقاف عسيييييييييييييييير على غيرك.. مشكلتي معك اني ماأمل من قراءة قصائدك .. ومثل ماوعدك اول .. مره ثانية لي عودة وقراءة متأنيه.
تقبل مروري .. وتقديري
فارس الحرف

الصاحب اللي هش بضلوع هشه = حرام ما حطه ذخر لي وحـزام

بسم الله على قلبك ومن الهش يإبن نمران وعوايدك ماتحط الذخر والحزام لك الا الرجال الطحاطيح


لا صار ما فعله على القلب رشه = ولا قوله يورد مناكيف وحيـام
مالي وماله شال وإن حط قشـه = جعله مهف مقيط وإن طاح ماقام

الله رائعه ، رائعه فعلآ صدقت صدقت اذا صار الرجل كلامه كثيرة بدون افعال مالك فيه

ومهف مقيط ورشاه وهذا دليل على انتقائك للرجال اللي افعالهم تسبق كلامهم وانت منهم يابو ياسر


يخاف فمه من المعوشه نمشـه = يبي يقود أقزام ويورث أقـزام .

قوية ، قوية ويستاهل الشخص الإناني الي مايفكر الابنفسه ويخاف على لقمته ومع ذلك

يبي يثبت نفسه ويتصرف بخلق الله وكأنه يقول قولوا لي ( سمعآ وطاعه وانت الصح وغيرك خطاء)

وانا ، وانا ، وانا وهو للإسف . . . . . . . . . . . .


بالون لو جته الأصابـع تفشـه = لو رزت بدربه قناديل وأعـلام

بيت رائع واكثر من رائع والله العظيم ياكثرهم ذا الإيام يابو ياسر ولكن دق إشارة يمين وخله يتجاوز

ومثل ماقلت ( مهف مقيط ورشاه ) وبيلقى من يطبلون له وانت على هونك بممشاك

يا وِلّد أبوي نفوس وعقول وشه = أساسها ماهو على صلب الأقدام

والله صادق نفوس عفنه وعقول لك عليها ومحاولة اثبات لإنفسهم عن طريق الشماتة بك

واساسهم لوترجع له وتبي تشوف انجازاته كان قلت يبي له كوية على رأسه


واللي مثل هذا وجـوب تحشـه = ماله وجود ولا عدد بين الأرقام


لا يابو ياسر خله ، خله له ناس تحب مثل هالإشكال وانت مثل ماوصيتك وقف على جنب وخله يولي


عودٍ لو إنك يالسنافـي تطشـه = ماجات له حاجه على مر الأيـام

وهذا اللي استفاد هو وهؤلاء ( اعــــــداء الـنـــجــــــــاح ) تدري ليش ؟ لانه راسب بالتعبير ( افهمها )


يعني إحترام لوضعك بلين مشه = أقصد تجنب رقعة الوجه والخام

نصيحة من أخ عزيز لعيال عمه وبيض الله وجهك


لا صار ماقربه على القلب رشه = ولا طيبه يورد مناكيف وحيـام


والله ياذا الوجيه ودك ماتشوفها ابد اذا صار الخير مامن خير والشر عجل به


ابو ياسر صح لسانك قصيدة جزله وهذا انت دائمآ مبدع والله لايحرمنا من ابداعاتك

تقبل مروري البسيط ياعزيزي

بسم الله

ابو ياسر

عود والعود احمدُ

روعه×روعه وابداع في ابداع

كلمات حكيمه ولعلها عن تجربه وما اكثر التجارب من هذا النوع هذه الايام!!!!!!!!!!!!!!!

لكن لعل في التسامح من الكبار امثالك مخرج من ذلك!! (مع علمي ان القصيده مجرد خطرات)

ولعلنا نتذكر قصيدة الشاعر والامير العربي المقنّع الكندي وشكواه من قومه وصبره عليهم!!

قصيدة جميله ومتكامله ولعل (مشرط القصائد) قام بالتشريح ونشر التقرير اعلاه!! وكفى عن الجميع!!

لك حبي واعجابي

اخي وعزيزي / خلف الفريد

اذا ( مشرط التشريح شرّح ) وتعبّث فهذا لايمنع من الطبيب المعالج قيامه بالخياطه لكي
يداوي جرح العابث


دمت ياصاحبي عزيزآ شامخ الرأس

المشاركة الأصلية كتبت بواسطة مقبل بن نمران

عزالله انك اقديت فيه هالبالون يابو ياسر
صح لسانك يالغالي وصح بدنك


واستاذنك بهالبويتين يابو ياسر

لو كل بالونا نحاول نفشه=نترك مشاغلنا ونبلش بالانعام
فم وسيع وكل ماشاف قشه=ماله امانه لو على مال ايتام
ولا نافع نفسه عن اللي يغشه=ولاتابع سنه ولا حافض اسلام
مهما بنا بيت تواليه عشه=والبيت يعمر بالكرم ماهي احلام
تلقى وراه اصل وضيع يوشه=فرقاه عيد ومن بعد عنه مايلام

مقبل بن نمران




ستبقى ويبقى الابداع ملازم لك


قصيدة رائعه وجزلة من رجل جزل



لايسعني القول لك الا:


(( شهادتي فيك مجروحة يا بن نمران ))


ونسأل الله لك التوفيق والسداد



وتقبل جزيل شكري وتقديري لشخصك الكريم

مقبل بن نمران . هلا و مسهلا بشاعر ـ الغزل ــ والمدح ــ والعتب ــ شاعرنا الغالي
ابو ياسر اتيت من الغيبة معاتبٍ وناصحٍ عسى ماحصل شي لايحمد )
لا كن اتحفتنا بشعارك وفي عودتك وشد حيلك ؟؟
تحية طيبة ..