رهن الرجال,,, للشاعر/ عبدالعزيز بن سعيد بن عبلان

رهن الرجال

إن كنت صادق للصداقة براهين= ماهي سوالف ساريه دون برهان
ناسٍ عليَه بالخطـا دوم شرهيــن = ولاني عليهم ياشريفين شرهان
تكره لهم سمعه وبالشكل كرهين = ومن كان يكرهنا لهم زود كرهان
مقصين بمدح الناس وبالهرج مرهين = تراهنو للسب زادو للارهان
رهن الرجال يدوم لك خير ترهين = في حزة الشدة لنا عز وارهان

الشاعر/ عبد العزيز بن سعيد بن عبلان الفريدي


وله طلب من الأخوة الشعراء أن يضاف بيت أو بيتين إلى هذه الأبيات

اخي الكريم / ناصر بن راكب

لاهنت على نقل القصيدة من الشاعر / عبدالعزيز بن سعيد

وصح لسانه ووصله سلامي وقله صح لسانك وعلا شأنك يإبن عبلان

وننتظر من شعرائنا طلب الشاعر وهي زيادة بيتين على القصيدة

ولي عودة حين تكتمل


دمت وفيآ يإبن راكب

بسم الله

خذها يابن عبلان

	وراك يالشاعر تخفّى ورا هين=حدّيتنا على اصعب القاف عرهان ليا بغينا نصخر القاف راهين=ولا نفرّق بين راهن ورهّان

والشكر لك اخي ابن راكب

ذبحنا ابن عبلان ما لقينا الا هالكليمتين

خلف الفريد

صح لسانك

لاهنت لاهنت لاهنت يأبو عبدالعزيز ومشكور على تفاعلك مع الأبيات وتلبيت طلب ابن عمك وماهي غريبه عليك يالفــــــــــريد
:::::::::: وبيتين منك تسوى عندي قصيدة :::::::::::
وأبشر بمن يوصل البيتين للشاعر عبد العزيز