قال الذي على الكريم اعتماده=اللي عباده له ركوع ٍ وسجّاد
امره بكاف ونون يبلغ مراده=يحيي العظام الهامده وسط الالحاد
ياراكب اللي كل الارقام ساده=اصفار ماسجل بهن ربع عداد
لاشافه المفلس تحطم زياده=لاله رصيد ولايبيعونه اقصاد
سلمت به ماب التردد فياده =الله يفكه من نظر كل حساد
يا زين مع خط الصليب اجتلاده= يتكي مع اللّفه تقل مشي طراد
هذا هوى بالي وهذا مراده=اليا وقفنا لخويانا بميعاد
والكيف فوق النار جهز قناده=ثنتين صفر وثالث الصفر برّاد
تشعر بلذات الفرح والسعاده=كد قالها ريف الخوي بدر عواد
يوم الردي يصبح جضيع الوساده=ماياصل اللي من ورا الباب من غاد
تلقاه بالمجلس يطوّل عناده=يتغانم الفرصات بعروض الاجواد
ليا اعتلا من فوق صهوة جواده=حرر فلسطين ورفع ظلم بغداد
وعزومه اضعف من عزوم الجراده=يشوف روحه مثل عنتر وشداد
الي زرع له زرع يجني حصاده=ومراقي العليا تبي صبر واجهاد
شبعت من حر الزمان وبراده=وذقت العنا اللي جربه كل كداد
ما جربوه اضعيّفين الاراده =اطلع من بلاد ٍ واسافر على بلاد
لا كن يزيد القلب عزم وجلاده=ابيات وجّهن شريّف لحماد
اشهد على صحة كلامه شهاده=ياعبيد معناهن له النفس تنقاد
يبن نهار اللي بك الطيب عاده=انبيك لاتنشد عن الحال نشاد
كثر التزام الصمت بيّح فواده=وعبرت عن هم ٍ كوى الصدر من غاد
وصلو على المبعوث صفوة عباده=محمد الهادي على درب الارشاد
رد: حرر فلسطين ورفع ظلم بغداد 
العرض العادي
