ياجاهلٍ في وصف الانذال ما افلحت .. شريف الراكب

الشاعر الكبير شريف الفريدي يحاكي الواقع في كثير من قصائده اقرأ

له هذه الابيات وتجد انها تتكلم عما يدور في حياتنا العامه فهو يتكلم بواقعيه

وهذه ميزة الشعراء الكبار عندما يكتبون الشعر من واقع تجربة واحاسيس

موجوده في المجتمع

اليكم هذه القصيده اللتي اعجبت ناقلها

ارجو ان تحوز على اعجابكم .......

	عذري ترى يا صاحبي يوم سرّحت=ضربت لي هاجوس مدري ضربني ما والله ادري عنك لوما تنحنحت=قبلك بعد واحد بمتني سحبني انحت بيوتٍ من صميم الحجر نحت=تجديد فكرة واحد ٍ كد غلبني عرفت مقدار الرياجيل وارتحت=عبر الزمان وجور وقتٍ غصبني لقيت من ياقف معي والهدف بحت=وعرفت من ينوي على هدم ما ابني اللي اليا مني برايه تسلحت=وصف لي الدرب المصد ّ وعقبني حتى ولو اني معه دايم انصحت=امّا انكر المعروف والا نكبني صديقي الحاضر عدوي اليا رحت=بالدين لو له عروة ٍ ما شذبني ياجاهل ٍ في وصف الانذال ما افلحت=ان ما كويت ابهام يدك اطّلبني احذر هل النمات واكّالة السحت=ما اقول عنهم خالق الكون زبني صادفتهم مده قليلة وشلّحت=من مر لو يلقى عباتي سلبني ولا ازعل على ضحكة عدوي اليا طحت=ازعل على الصاحب ليا ما قضبني لاصار له قدره وقدمه تلولحت=خابت ظنوني فيه وازداد غبني يشوفني ويقول لي ليه ماصحت=مثل الغريق تقول له ماندبني ما اقول كملت المعاني ووضحت=لوطالب الطيب بحق ٍ ركبني اخذت روس اقلام موجز ولمحت=وابديت حاجة واحد ٍ مانصبني

شريّف بن راكب

****************مال للمجالس الإ اهلها ****************************


بيض الله وجهك على ما خطت يمينك

لاصـار لـه قـدره وقدمـه تلولحـت
===========خابـت ضنونـي فيـه وازداد غبنـي
يشوفني ويقـول لـي ليـه ماصحـت
===========مثـل الغريـق تقـول لـه ماندبـنـي

شاعر قدير
ونفتخر فيه
صح لسانه وبدنه

والشكر لك يابو محمد على حسن الاختيار

مبدع ورائع

منصور الوسوس

من روائع الشعر النبطي لدى الشاعر العلم / شريف بن راكب

صح الله لسانه ولسانك

دوم يابو محمد تتحفنا بالرائع والجديد

حتى تعودنا على متابعة الاسم المتمكن والمبدع والنبض الدائم / منصور الوسوس

شاكرين ومقدرين لك جهودك ووقتك الثمين في مجالس ربعك

مع صادق محبتي وتقديري

لقيت من ياقف معي والهدف بحت=وعرفت من ينوي على هدم ما ابني

بيض الله وجهك يالوسوس على هذا النقل الرائع من ذلك النبع الصافي شريف بن راكب ... تكفى زدنا دور وحرث.
تقبل مروري ويعطيك العافية.

	القسومي ووجهك ابيض يالغالي اشكر مرورك الكريم ونحن بانتظار ابداعك وجديدك لاهنت يالذيب

	ابو بندر لاعدمناك تشرفنا بوجودك

	مقبل بن نمران ماعليك زود يا عقيد القصيد قمة الروائع تجي منك ياتاج راسي لك وافر المحبة على اطلالتك البهية

	فارس الحرف طلباتك اوامر وانتظر الجديد اشكر لك اهتمامك

اخوي منصور :بيض الله وجهك على النقل الرائع من روائع

شريف وابو محمدغني عن التعريف


وتقبل مروري واحترامي

حياك ربي ياشاعرنا الفذ ابو عمر


صدقت فيما قلت عن شريف فعلا شاعر نادر

ازكى تحية لك على مرورك

بسم الله

ابو محمد

وكما عودتنا ها انت تقدم لنا رائعة جديده من روائع المبدع الشاعر الحكيم شريّف

وابو محمد الشاعر دائما شعره جزل وقوي ويغلب عليه الحذر ومحاربة من لايلتزمون

بالاخلاق والجاحدين والمقلدين والمتطفلين

ولكنه مع ذلك انسان - كما اعرفه شخصياً - رقيق متسامح فلا يعكس شعره طبيعة صفاته الشخصيه

لهذا ارجو من اخي منصور ان يتحفنا من الكنوز الاخرى لدى الشاعر

غزل ، مدح ، وصف ،مقناص ، وغيره

لانريد ان تلازم هذا العلم احاسيس الالم والشكوى والحذر والعتاب والعقاب

هناك في شعره ما يجذب القلوب والعواطف والاحاسيس المرهفه والنفوس المرهقه

نحن بحاجة الى الصفاء والاقلاع مع الفراشات الجميله التي تجوب البساتين المزهره

اعرف انك تفهمني وتفهم كلماتي كما يعجبك ذلك ولعلي وافقت رغبة الجميع

وشكرا لكم

خلف الفريد


الجود من الموجود والرجال يبي اللي يروح له مره ثانية


عنده كنز من الابداع خلك جاهز هاليومين نغزيه ونجيب فود لمجالسنا