%%%(ياجميل الكون)%%%

ليه ماتسأل عن اللي ميتٍ فيك = ياوليف الروح وش صار وجرى
من يرد القلب يومنه يبيك = بس يرجع بذكرياته ورى
كان قلبك نسى قلبي مانسيك = من عذاب الصد طيرت الكرى
ليت للحب قاضي واشتكيك = واستمع للشيخ لامنه قرى
ياجميل الكون عمري في يديك = جرٍحه واحكم على مانته ترى
طاعتي عمياء ولومي مايجيك = والهواوي لا يشوف ولا يرى
وش تبي زودٍ على انك صرت بيك = والمولع في دجى ليلك سرى
وكان صابك شك من حبي اليك = والله ان القلب لعيونك شرى
وكان قصدك بعد والخالق لجيك = لو بدون ازفلت والطلعه كرى

الشاعر/علي محمدالفريدي

. محجوز للمجاراة إنتظرونا

الشاعر / علي الجضعان صح الله لسانك قصيدة جزلة ورائعة

لامست مشاعرنا فكانت المجاراة التالية :

ليه غائب والرجاء فيك وعليك = تحسب إن البعد ماسل وبرى
حالي اللي قبل تكبر تهتويك = يوم لعبك بيننا بيت وثرى
كم ضميت وقلت ما ضن أرتويك = وكم سقيت القلب لين إنه ضرى
يوم يالمجمول لا خفت أحتميك = اليدين أسوار والخافق ذرى
لين زاد العمر وارخصت الشريك = وكل حاسد بالبلد شاف ودرى
كل يوم اشد كفي وأحتريك = بالمكان اللي من الدكه ورى
اتلفت للهبائب وأنتشيك = والولد والشيخ والشائب زرى
وقام شاعر في مضامينه يحيك = وإسترد الحلم للريم وطرى
آه ياعلي الذنوب اللي تليك = قافك اللي غاص بالقلب وفرى
والسموحه مني اصلاً لو تجيك = مامحت ذنبك ولا جرحي برى

مع محبتي وتقديري

ياجميل الكون عمري فـي يديـك*****جرٍحه واحكم على مانتـه تـرى
طاعتي عمياء ولومـي مايجيـك*******والهـواوي لا يشـوف ولا يـرى


علي الجضعان

بيض الله وجهك وصح لسانك يامبدع


تعجبني رومنسيتك الهندسية



مقبل ترانا ننتظر !!!!!!!!!

	ما يجيك الشر علي مايجيك=عسى من يجفيك ما يلقى عرى اصطبر ياخوك ماظنك دريك= هذا لذع الحب مثل الكسبرى يبرّكن البيض عاشقهن بريك=والقليب الغض يغرّنّه غرى بالعيون السود واللباس الشيك=افلسن جيوب واهفن اومرى وهذا ابن نمران بالخط السميك=يشتكي محبوب باعه واشترى اعلن المكنون الله يهديك= من يرد السيل وان تحدرى اللسان حصان والقصه دميك=والشهود كثار والساري سرى

وانا خارج الموضوع

وانت يابو باسل حاجز هه!!! جايز ٍ لك الوضع طيّب !!

وسلامتكم

صح لــســان الشاعر

علي الجضعان

عقيد القصيد مقبل بن نمران

ابو عبدالعزيز

امتعتونا

اعجبتونا بجزالتكم

اتمنى نقلها للمساجلات

رائعه وسطرت بالذهب وتوشحت بوشاح التميز والابداع

لله دركم ايها الكبااااااار

ماهذا؟
مابكم؟

نبش جروحكم شاعرنا علي وكل منكم هاضت مشاعره

هذا هو الشعر الذي يلامس مشاعر الاخرين والدليل

رد ابن نمران وخلف الفريد

الله ، الله اتمنى اني ارى دائمآ هكذا

بصرااااحه قطعتوا قلوبنا وقلوبنا لازالت جريحه من الغائب الذي اشغلنا غيابه

والذي لازالت تذرف الدمعتين ولازالت الملامه قائمه على الغائب


( واللهم يارب ياعزيز ياغفار رد علي ضالتي )


تقبل مروري علي بن جضعان

تقبل مروري مقبل بن نمران

تقبل مروري خلف الفريد

خلف الفريد

وانا خارج الموضوع

مأنت خارج الموضوع ولا الله قاله

أنا أشهد إنه حاصلٍ لك ماحصل للربع والدليل إنك تهيضت

مار أركب الباخرة وخلك معهم أما غناة الذيب وإلا فقره

مع محبتي وتقديري

كل يوم اشـد كفـي وأحتريـك*****بالمكان اللي مـن الدكـه ورى


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ


اللسان حصان والقصه دميـك****والشهود كثار والساري سرى


وين الهيئة ابن منيديل اذكر فيه جمس للهيئة عندنا وين رايح


ياخذ الفريد ومقبل بعد مايوصل ابن جضعان يرجع لهم


اتحفتمونا بروائعكم وبحسب الطلب تم اعادتها للمساجلات


مشكوين جميعا دمتم بخير

منصور الوسوس

كل يوم اشـد كفـي وأحتريـك*****بالمكان اللي مـن الدكـه ورى


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ


اللسان حصان والقصه دميـك****والشهود كثار والساري سرى


وين الهيئة ابن منيديل اذكر فيه جمس للهيئة عندنا وين رايح


ياخذ الفريد ومقبل بعد مايوصل ابن جضعان يرجع لهم

حتى لاتسير الركبان فيما قال الجضعان والفريد وابن نمران

الأول يحكي عن الغياب

والثاني قعد يلمح من بعيد ولا قال شيء يدل على إدانته

والثالث يقصد بقصه قديمه يومهم صغار ورى الدكه يلعبون بالطين ويبنون بيوت

يبيها الرجال فكاهيه وصار بجمس الهيئة



ليش المشاكل يابو محمد تدور جمس الهيئة

و لايهمك يابو محمد هذا المزح اللي نبي ويوسع الصدر

والمجالس لابد أن يكون فيها مايروح عن النفس

مع خالص محبتي وتقديري

بسم الله

علي الجضعان وابو باسل----- ملابيد! لاحس ولا خبر!!!! ياساتر!

ابن منيديل-- القلب خضر والله يرد عليك غايبك هو الحافظ ،، ومرورك عن قصيدة وعندك شي!ههههه

مقبل -- ما احد يلعب بالطين خلف الدكه هداك الله!!

خابر ٍ اللعب بالندى عقب المطر--- حاول مرة اخرى!

منصور----- علشان تولع السفتي وقدام الجمس! شمات! يجيبك الله وقوقل يجيب كل شي! ;)

صباح زاهي وانتم نكهته شممت به ومن خلالكم نسيم الصبا!:confused:

دمتم بخير!