إهداء لأهل المنتدى

اهداء إلى أهل المنتدى وأتمنى ان تحوز على رضاكم

	لاولاد راشد مجلس ٍ ينعنا له= هذا يرحب به والآخر يهــلي ياســامع ٍ طـــاريه لازم تجيله = متنوع ٍ بالجـزل ماحد ٍ يمــلي مابين لغز وسالفه مع قصيده=توثيق تاريخ ٍ مضى مستجلي ودي نشاركم بكل المفيدي= بثماني الاقسام مما حصـلي ليا لفــوه ضيـــوف من كل ديره=كل ٍ تمنـى ليت هـذا محــلي للمشرفين أزكى سلام وتحيه= اعداد ماسبْحن وهلّل مصلي

ناصر بن راكب

صح لسانك يابن راكب وارجوك قبول هذه المشاركه
وهي مجاراة لقصيدتك الجميله

(((راس الطويله)))

	ابدع ابن راكـب بنظـم المثيلـه=وصاغ المشاعر في وضوح وتجلّي ترى مجالسنا هي انسب وسيلـه=للغايـه اللـي مدونـه بالسجلّـي في صدرها يلتـم شمـل القبيلـه=ويلقى بها الزاير سوالف تسلـي ومعطـره بالعـود والزنجبيـلـه=والهيل والمسمار وزهـور فلـي عدّى بها حويـان راس الطويلـه=واعلن من هناك "الطويله محلـي" والمشرفين "كبـار" فيهـم قليلـه=الكـل منهـم بالمشـارك يهلـي ومهمليـن عيالـهـم والحليـلـه=من اجل يبقى خاطـرك مسفهلـي والمعذره ان كان بالقـاف ميلـه=وارجوك كان اخطيت ياخوي قلّـي

,,,,,,,,,,,,,,,,,,,,,, ودمتم سالمين.
.................................................. ........... فارس الحرف

لاولاد راشد مجلس ينعنى له = هذا يرحب به والآخر يهلـي


الله ، الله يإبن راكب مطلع رائع وتصوير لواقع المجلس فعلا هؤلاء هم ربعنا

ياسامع طاريه لازم تجيلـه = متنوع بالجزل ماحد يملـي


والله جينا ولاملينا دامك انت والوجية الطيبة فية ياصاحب الحس المرهف والرفيع

مابين لغز وسالفه مع قصيده = توثيق تاريخ مضى مستجلي


شكلك معجب بقسم تاريخ القبيلة وهذا انت كما عرفتك واتمنى ان تتحفنا بمالديك

من قصص وقصائد


ودي نشاركم بكل المفيـدي = بثماني الاقسام مما حصلـي

ناصر ، ناصر ثماني اقسام ماشاءالله تبارك الله تصدق لو سألتني كم قسم بالمجالس قلت مأدري؟

لكن انت الان ومن خلال قصيدتك عرفت وهذا دليل على حرصك للرقي بمجالس ربعك الى القمم


ليا لفوه ضيوف من كل ديره = كل تمنى ليت هـذا محلـي

وهذا محلهم والله يحييهم وشرف لنا بوجودهم وتشكر على هذه الإشادة


للمشرفين أزكى سلام وتحيه = اعداد ماسبحن وهلل مصلي


ماسوينا شيء ياخوي ناصر وهذا واجبنا تجاه هذه القبيلة التي تستحق اكبر من ذلك

وكلنا هنا اخوة وهدفنا واحد سواء مشرفين واعضاء فعالين هو ان يكون مجالس القبيلة

مجلس مشرف ويعطي صورة حسنة للزوار

اخي ناصر / صح لسانك وهذا احساس رائع يعكس صورة مابداخل قلبك

دمت بود وتقبل مروري البسيط

ناصر بن راكب

صح لسانك وإعتلا شانك منت بسهل يأبن راشد

ويستاهلون ربعك في مجالسهم

وهذا دليل على طيبك ونخوتك بهم

دمت أخاً عزيزاً ومتألقاً دائماً

صح لسانك ناصر ابن راكب

ويستاهلون عيال راشد

ناصر بن راكب

لك وافر التحية والتقدير على هذه الابيات الجميلة

واللتي تعبر فعلا عن مشاعرك تجاه مجالس ربعك

وهنا لايسترغب الوفاء من اهله فانت ابن راكب اولائك

الرجال الاوفياء ودائما الطيّب يشوش للعلوم الطيبه وما

اجمل مجالسنا بوجودك ووجود عيال العود جميعا لنرسم

جميعا لوحة ابداعية تحوي ماسطره الاباء والاجداد من

عيال راشد لتحاكي واقعنا الزاهر ولله الحمد .

كل الشكر والثناء لك على قصيدتك وكما ذكر الاحبة هذا

لايعدوا كونه واجب علينا من مشرفين ومراقيبين واعضاء

ان نتكاتف جميعا لنسموا بمجالسنا .

في الاخير كل الدعاء وووافر المحبة لباني هذا الصرح الاخ


حويان ( ابوفيصل )

على جهوده في ايجاد هذا الملتقى العذب .


وللجميع تقديري

......... صح لسانك يابن راكب وارجوك قبول هذه المشاركه وهي مجاراة للمشاعر وليس لك كشاعر لأنني ليس بشاعر..

---

أبدع أبن راكب بنظم المثيله=وصاغ المشاعر في وضوح وتجلي
ترى مجالسنا هي انسب وسيله=للغايه اللي مدونه بالسجلي
في صدرها يلتم شمل القبيله=ويلقى بها الزائر سوالف تسلي
ومعطره بالعود والزنجبيله=والهيل والمسمار وزهور فلي
عدى بها حويان رأس الطويله=وأعلن من هناك الطويله محلي
والمشرفين "كبار" فيهم قليله=الكل منهم بالمشارك يهلي
ومهملين عيالهم والحليله=من أجل يبقى خاطرك مسفهلي
والمعذره ان كان بالقاف ميله=وارجوك كان اخطيت ياخوي قلي

---

,,,,,,,,,,,,,,,,,,,,,, ودمتم سالمين.
.................................................. ........... فارس الحرف .

صح لسانك وعلا شأنك

ناصر بن راكب



صح لسانك و بيض الله وجهك وماقصرت



ابدعت اخي الكريم في القصيدة الجزلة الذي قدمتها والتي تدل على طيب اصل راعيها


وامتعنا بما تجود به قريحتك الشعرية


تقبل جزيل شكري وامتناني لك

ابن منيديل
بهذالأسلوب وهذا التفصيل الراقي أكبر دليل على ذائقتك الشعرية
الله لايخلينا من تعليقاتك الرائعة
فلك الشكر والتقدير على جهودك التى ترقى بهذا القسم في المنتدى

ابن نمران
صح بدنك
مرورك على مشاركتي بحد ذاته قصيدة
ومهما بذلنا من مجهود لن نوفي أهل هذا المجلس حقوقهم