دار اخو نمشه ..... للشاعر المبدع / عوض بن ناصر

قد يكون لنا العذر فعندما يسمع الرجل الحقيقة تقال على لسان أديب
أو متحدث أو شاعر فانه لايتردد في طلب الإعادة هذا ما حصل لهذه القصيدة
عندما سمعتها من الشاعر المبدع / عوض بن ناصر الفريدي لم أتردد أن
اذهب إليه لكي استلمها منه وأسلمها لكم في مجالسنا لنرى إبداع أبو ماجد
في الثناء على من يستحق الثناء شيوخنا الحماد الرجال الذين نفخر بهم جميعا
وما منتدانا هذا إلا لكي نرى مثل هذه المقطوعات الأدبية اللتي تحفظ هنا للأجيال
فشكرا أبا ماجد ولم اتاخر في كتابتها كما وعدتك وأرجو أن تنال إعجابكم
واستحسانكم جميعا ولكم أزكى تحية


((( دار اخو نمشه)))

	سلام يادارٍ لها فكري يتوق=واحبها بخلاص من حب اهلها دارٍ لنا من دور حماية النوق=صار ونزلناها ولاحدٍ نزلها ذي دار اخو نمشه حماها عن البوق=كم طامعٍ من هيبته ماوصلها زيزومنا واولاد راشد كما الطوق=يضرب بها روس العدى ويعزلها ربعٍ عن الهفوات في راس شاهوق=وان عاندت بعض الخشوم تعدلها عدوهم يرجع من الغيض مخنوق=كم غزوةٍ للموت ساقوا جملها في ضف شيخانٍ تعوق العدى عوق=شيوخنا الحماد ما احدٍ جهلها تاريخهم بالطيب حافل وموثوق=عنه الرجال تعلّم اللي سألها اقولها وافخر وانا هامتي فوق=واشوفني كل المواقف بطلها شاعر وثبّت حق واقوم بحقوق=والعيب قايل كلمةٍ ماعقلها قلته وانا مالي على الناس طاروق=واهل الفعول الطيبه ما اخذلها هذا وابا ارحّب وانا كنت مسبوق=كد رحبوا ناسٍ على الطيب ولها يامرحبا ياضيوف والبن مسيوق=عداد ماترخ السحايب هللها غرّ المزون اللي لها رعود وبروق=اللي تخضّر بالدّير وتغسلها ترحيبةٍ من قلب صافي ومنطوق=بسم علي وابناء علي بمحفلها بالليله اللي كلها خير ووفوق=طيب ولقا والله يطيب عملها بضيافة اللي باحسن الخلق مرموق=شيخٍ لنا راية جدوده حملها

سلام يـادارٍ لهـا فكـري يتـوق
واحبها بخلاص مـن حـب اهلهـا

صح السان الشاعر عوض بن ناصرالفريدي

اخي منصو تقبل احترامي وتقديري

حياك ربي يبن رغيان

اقبل ازكى تحية على طلالتك البهيه

دارٍ لنا مـن دور حمايـة النـوق=صـار ونزلناهـا ولاحـدٍ نزلهـا
ذي دار اخو نمشه حماها عن البوق=كم طامعٍ مـن هيبتـه ماوصلهـا
زيزومنا واولاد راشد كما الطـوق=يضرب بها روس العدى ويعزلهـا
ربعٍ عن الهفوات في راس شاهوق=وان عاندة بعض الخشـوم تعدلهـا
عدوهم يرجع من الغيض مخنـوق=كم غزوةٍ للمـوت ساقـوا جملهـا

اخي المبدع/ منصور الوسوس



شكراً لك لما متعتنا به من هذه القصيدة الجزلة بمعانيها ومفرداتها

صح لسان الشاعر / عوض بن ناصر الفريدي

ومشكور اخوي منصور على هذا الموضوع الجميل

ويعطيك الف عافية و بيض الله وجهك

ابن حماد ووجهك ابيض

صح بدنك وسلمت ودمت يالغالي

الله يعطيك العافيه ابو محمد

صح لسان /عوض ابن ناصر
ابوماجد شاعركبير عرف بجزلة شعره

صح بدنك يبن جدعاء


لاهنت على مرورك اخي الكريم

منصور الوسوس

صح الله لسانك ولسان الشاعر أبو ماجد

شاعر مبدع ومتمكن نقل له أديب مبدع ومتمكن

وهذا ماعودنا عليه أبو محمد بذائقته الرائعة

نطارد مشاركاته ولدينا حس مسبق بجزالة مايصل إلينا منه

لك أجزل وأرق عبارات الصدق والمحبه

ذي دار اخو نمشه حماها عن البوق=كم طامعٍ مـن هيبتـه ماوصلهـا
زيزومنا واولاد راشد كما الطـوق=يضرب بها روس العدى ويعزلهـا
ربعٍ عن الهفوات في راس شاهوق=وان عاندت بعض الخشوم تعدلهـا

شموخ وشمم وصدق واعتزاز ورفعة راس

كلها مجتمعة في هذه الرائعه لبو ماجد

يستاهل والله ابو غازي المدح ويستاهلون عيال راشد بيض الوجوه

بيض الله وجه ابو ماجد الشاعر الفذ

ابو محمد

كما قال اخي مقبل نتعب ونحن نطاردك

متعود على البحث عن كل ماهو جميل واصيل

لك اجمل الدعوات واصدقها ولاهنت

إنتقاء جميل لأبيات أجمل,,,,,,,,,

أبيات تذكر بعز الماضي التليد....









يعطيك ألف عافيه..................