من قائل هذه القصيده

السلام عليكم الاخوه الاعزاء اتوجه لكم بسؤال عن احدى القصائد التي ارددها دائما ولكن لا اعرف

من هو قائل هذه القصيده لكن المعلومه الي وصلت اليها هي انها لاحد الفرده وارجو من يعرف

قائلها المساعده بتعريفه
القصيده

	انا الذي وان شفت بالوقت غيره=اكنها من خوف يدري حسودها اكنها لو هي كما النار بالحشا=نار ٍ تلظى في فوادي وقودها اخاف من هراج يبدي سريرتي=يشيلها الهراج ثم ٍ يزودها من مهنته نقل السوالف وجيبها=حصني يتصنع من نوادر اسودها يزعل رفيقك وانت تاسف علي الذي=ابديت له لكن تبحل بزودها من يدخل السرقان مكنون بيته=هيهات تبقى خزنته في وجودها

مثل ماقلت هذي القصيده قالها احد الفرده
واتمنى من الذي يعرف قائلها انه يساعدنا ودمتم ودام منتدانا

الرائع

صح السان الشاعر والله ابيات قويه وجميله


مالك لوى ماعرف الشاعر لاكن انشالله ابحث عنه


الفريدي تسلم على هالقصيده

يا ..الفريدي

ياليتنا نتعرف على اسمك يالغالي هذا اولاً

واما بالنسبه للابيات فهي للوالد رحمة الله عليه/ غنام بن حسين بن متلع الفريدي
ومشكور على نقل القصيده

المشاركة الأصلية كتبت بواسطة بـــقـــايــا أنـــســـان

صح السان الشاعر والله ابيات قويه وجميله


مالك لوى ماعرف الشاعر لاكن انشالله ابحث عنه


الفريدي تسلم على هالقصيده وياليت تكرم الفرده عن بوش

مشكور أخوي على المرور

المشاركة الأصلية كتبت بواسطة ابو ريـــــــم

يا ..الفريدي

ياليتنا نتعرف على اسمك يالغالي هذا اولاً

واما بالنسبه للابيات فهي للوالد رحمة الله عليه/ غنام بن حسين بن متلع الفريدي
ومشكور على نقل القصيده

رحم الله والدك رحمة واسعه واسكنه فسيح جناته وشكرا لك يا ابن العم علي التعقيب

انا الذي لا شفت بالوقت غيره=اكنها من خوف يدري حسودها
اكنها لو هي كما النار باالحشا=نار تلضي في فؤادي وقودها
اخاف من هراج يبدي سريرتي=يشيلها الهراج ثمً يزودها
من مهنته نقل السوالف وجيبها=حصني يتصنع من نوادر اسودها
يزعل رفيقك وانت تاسف علي الذي=ابديت له لكن تبحل بزودها
ومن يدخل السرقان مكنون بيته=هيهات تبقي خزنته في وجودها

نعم هي لغنام بن حسين بن متلع رحمه الله

ولك كل الشكر والتقدير على النقل وعلى حسن النقل ولك تحياتي

شكرا لك يا عبدالله علي اكمال القصيده ماقصرت

بسم الله
رائعة من روائع ابا يوسف رحمه الله
ترفع لقوتها وحكمتها وليطلع عليها ابناء العم

هذي والله الأبيات الجزله

الله يغفر له ويرحمه ومن خلف مامات ونعم الرجل ونعم الأبناء

لا هنت أبو عبدالعزيز ولا هان ابو عبدالله

وتقبلا شكري وتقديري