يامعشر الشعار للشعر غايه :: لايختلف شعر النبط عن مباديه : نواف هلال

يامعشر الشعار للشعر غايه=لايختلف شعر النبط عن مباديه
حصلت باهل الشعر حاكم ولايه=يشدني شعر النبط من تواليه
شاعر وله في منهج الشعر رأيه=غازي مغيران الزغيبي نحييه
روابعه فيها الدواء والوقاية=يوم استمع له واتسمى و اسميه
يشعل مصابيح الدجى في سمايه=اليا سمعت الشارده في قوافيه
خلوا ثلاث اربعاكم لرواية=تلقون له ناسن تبيعه وتشريه
شوفوا كبار نفوسكم بالمرايه=الشعر خلوا هيبته عند راعيه
البارحه ماقول يسعد مسايه=هو ليه مايسعد مساي السهر ليه
عقب انتهى برنامجٍ في بدايه=والليل يلحق من فضاء الكون باقيه
وانا اتحاشا هاجسي من أعشايه=وحلف علي بليلتي غير أغنيه
يظهر خوافي خارجه عن مدايه=وانا علي أرضي غروره واداريه
عندي. مدى حريته لي هوايه=يطلق سراح اسرار فكري واسريه
يبين به لهل المعاني نبايه=وأهل النظر والذائقه تفتكر فيه
دينه ودين البهرجه والدعايه=الهاجس اللي يتبع الناس مابيه
و الآدمي مايقنعه غير رأيه=لو كان عند الناس علم ٍ يقديه
والراي دون الشور ماهو كفايه=اليا لقى من يستشيره ويكفيه
ما للمشاعر في خفوقي نهايه=لولا التجاهل والعتب والمشاريه
أن مالقيت لطب جرحي عنايه=والا تلقيت الخلا والتهاتيه

نواف بن هلال بن نومان