منسا معاريفه مدامي على القاع

ياللي بغيباتي ليا غبت أسدي
وراك ماقابلت ياقاصر الباع
تاخذ وتعطي وان نشدتك تردي
ماهو كذا لعل ينزعك نزّاع
انا ليا مني بديت بمردي
اكيل باالمليون ماكيل باالصاع
مااحدٍ بمانعني لااشرّف واعدي
وليه مع اهل العرف مدخل ومطلاع
وليّه مع الشعار سيفٍ يقدي
ويحسب حسابي مع طويلين الابواع
واشتاق في طرق المثل لا اجردي
ليا دفعني في معانيه دفّاع
واشوم عن قول الهلايم واصدي
عقارة المقفين غادين الاسناع
وارفع مقامي مااتنومس ببدي
اخاف ينقدني شريفين الاطباع
ويبيح سدي لاتعديت حدي
واصب من وادي جهنم ليا ماع
ليا تكلم ناقص العرف ضدي
اعطيه مابين السراجيف مرقاع
مرقاع مع طول الزمن يستجدي
يطمع بشوف العافيه عقب الاطماع
في غيبة الاجواد كلبٍ يهدي
شراي في سوق النمايم وبياع
يجيب من شكله وتاره يودي
مصدر نفاق وللهزيلات مذياع
مايلبسلي ثوب مهو بقدي
اخسو خسيتم ياالهلابيس الاكواع
اطمع بصحبة نادرن به مسدي
اللي ينشميني بذكره ليا شاع
قرمن طويل ذراع طيبه يبدي
مثل الحيا تذهب له البدو نجاّع
اللي مثل سالم يحط ويمدي
حرن مخاليبه عطيبه ليا صاع
لااحتجتله رفع حجاجه وندي
منسا معاريفه مدامي على القاع
ياسالم دغيمان طيبك معدّي
وهبه من المعبود ماهو تصناع
واللاش ماينفعك في قرب جدي
شيله مثل مايشلع الضرس مشلاع

الشاعر (حمود محمد الفريدي)

صح لشان الشاعر العلم
وسلمت ابو صالح على الاضافه لاهنت