ودعتك الله..... للشاعر عوض ناصر الفريدي

النصيحة في الغالب لا تأتي إلا من شخص ناصح ويحب لك الخير
واصدق نصيحة نعرفها جميعا هي نصيحة الوالد وخصوصا إذا كانت
لولده فهنا تكتمل في جميع جوانبها
وهنا شاعرنا القدير ابوماجد / عوض بن ناصر الفريدي
وجه هذه النصيحة لولده الملازم أول / ماجد أثناء دخوله
لميدان الشرف في الجيش العربي السعودي في
كلية الملك عبدالعزيز الحربية واللتي تخرج منها برتبة
ملازم قبل أكثر من أربع سنوات .
يقول شاعرنا :-

	ودعتك الله يا اللي نص قلبي معه=الله يفكك من الاشرار واهل الحسد يامن نهار الوداع ازريت لاودعه=ودعتك الواحد الفرد الاحد الصمد لاكن بوصيك في علمٍ مهم اسمعه=وصاة والد يريد المنفعه للولد الراس عن كل هزلات العلوم ارفعه=وعلى الولي الكريم المستعان اعتمد والرزق عند الولي ماحدٍ قدر يقطعه=ابذل لسمعتك ياماجد جميع الجهد اصمل ولاتختلف وتهزك الزعزعه=ترى العزوم القوية من عزوم السعد لاكثرت ارياك خذ من كل راي اشجعه=وايامنا طبعها بين الفرح والنكد والضيق مادام من بعده تصير السعه=لابد من فرحةٍ تاتي بوقت الوعد ارفع حجاجك وشوف المرتفع واطلعه=لعل عينٍ تطمن شوفها للرمد قدامك الباب مفتوحٍ على مصرعه=والعلم مثل البناء والجهل مثل الهدد العلم نورٍ يدلك ولعه ولعه=قيل اطلب العلم من حد المهد للحد انهل من العلم علم المعرفه واجمعه=من جد ياجد ومن يزرع زروعه حصد تخدم وطنك وتفكه من هل المطمعه=وانته رجل والرجل في واجبه به مسد خدمة وطنك ومليكك كلها منفعه=في خدمة الدين نمشي تحت اوامر فهد حنا نحب الوضوح ونكره الاقنعه=نلتف حول القيادة مثل روح وجسد املوكنا فخرنا عز الوطن وسنعه=أن قلت سلطان وان قلنا ولي العهد وبعد الثلاثة تحية حب للاربعه=نعم القيادة وقادتها ونعم السند آل السعود الفهود المعتدي تردعه=عز البلد والذرا والخير لاهل البلد

صح الله السانك يابو ماجد على هذه النصيحة التي اوصيت فيها ابنك ماجد
/ وناء عتبرها نصيحه وافيا لكل من اراد طريق الرجوله والشجاعه ،،،
وسلمت يامنصور على اطلاعنا عليها لكي نستفيد ..

انهل من العلم علم المعرفه وجمعـه
من جد ياجد ومن يزرع زروعه حصد
تخدم وطنك وتفكه من هل المطمعـه
وانته رجل والرجل في واجبه به مسد

صح لسان ابوماجد
ولاعدمناك يالغالي ابومحمد على جديدك
اللي تزين به المجالس من قصيد ربعنا

منصور الوسوس صح لسان القائل وسلمت أنامل الناقل ,,,دمت بود

اصمل ولاتختلف وتهـزك الزعزعـه=ترى العزوم القوية من عزوم السعـد
لاكثرة ارياك خذ من كل راي اشجعـه=وايامنا طبعها بيـن الفـرح والنكـد


صح لسانك ابو ماجد
نصحت وكفيت وهذه النصيحه لكل شبابنا والله يخلي لك ماجد واخوانه

وانت ابامحمد
لك السبق بنقل كل ماهو جيد ومفيد لاهنت ياعزوتي

ودعتك الله يا اللي نص قلبـي معـه
الله يفكك من الاشرار واهـل الحسـد
يامن نهار الـوداع ازريـت لاودعـه
ودعتك الواحد الفرد الاحـد الصمـد
لاكن بوصيك في علمٍ مهـم اسمعـه
وصاة والـد يريـد المنفعـه للولـد
الراس عن كل هزلات العلوم ارفعـه
وعلى الولي الكريم المستعان اعتمـد
والرزق عند الولي ماحدٍ قدر يقطعـه
ابذل لسمعتك ياماجد جميـع الجهـد
اصمل ولاتختلف وتهـزك الزعزعـه
ترى العزوم القوية من عزوم السعـد
لاكثرة ارياك خذ من كل راي اشجعـه
وايامنا طبعها بيـن الفـرح والنكـد
والضيق مادام من بعده تصير السعه
لابد من فرحةٍ تاتـي بوقـت الوعـد
ارفع حجاجك وشوف المرتفع واطلعه
لعل عيـنٍ تطمـن شوفهـا للرمـد
قدامك الباب مفتوحٍ علـى مصرعـه
والعلم مثل البناء والجهل مثل الهـدد
العلـم نـورٍ يدلـك ولعـه ولـعـه
قيل اطلب العلم من حد المهـد للحـد
انهل من العلم علم المعرفه وجمعـه
من جد ياجد ومن يزرع زروعه حصد
تخدم وطنك وتفكه من هل المطمعـه
وانته رجل والرجل في واجبه به مسد
خدمة وطنك ومليكـك كلهـا منفعـه
في خدمة الدين نمشي تحت اوامر فهد
حنا نحب الوضوح ونكـره الاقنعـه
نلتف حول القيادة مثل روح وجسـد
املوكنا فخرنا عـز الوطـن وسنعـه
أن قلت سلطان وان قلنا ولي العهـد
وبعد الثلاثـة تحيـة حـب للاربعـه
نعم القيـادة وقادتهـا ونعـم السنـد
آل السعود الفهود المعتـدي تردعـه
عز البلد والذراء والخير لاهل البلـد


ويش اسوي بغيت انسخ منهاء بيت أوبيتين لقيتني انسخها كلها من جمالها

ابوماجد غني عن التعريف ايذا ابي ضيف شئ هو شئ واحد فقط بيض الله

وجه مشرفناء منصور تقل يويق في قلوبنا يذا جاب شي من الشعر انتقاء الدرر

ايذا دل على شئ فهوا شئ واحد ان ذوقه رفيع الوسوس واحساس ه راقي


تقبل مروري وتحياتي ,,ومع ذلك أحس اني مافيته حقه

غازي الفريدي

ابو بندر

مشعل الفريدي

خلف الفريد

علي الجضعان


صحت ابدانكم جميعا ومن غلاكم جمعنا بردٍ واحد

فأنتم نجوم اضاءة سماء مجالس الشعر خاصة وبقية

مجالسنا عامة

اشكركم جميعا على مروركم وثنائكم

والشاعر / عوض ناصر هو صاحب الابداع


واما نحن فمجرد ناقلين لإبداعه الذي يسموا بتواجدكم وتعليقكم

فلكم مني اجمل تحية

منصور الوسوس

صح لسان الشاعر عوض بن ناصر

وسلمت يمينك على النقل

والروعة دائماً تجد مساحة كبيرة لديك تمتعنا وتحثنا على إنتظارك دوماً

شكري وتقديري ومحبتي

اخي الكريم / مقبل بن نمران

جميعنا ينظر الاخر عندما اجد ردك في مواضيع الشعر تكون

هذه البصمة علامة جودته لما يتم اختياره

اشكر لك اظافتك ونيابة عن الشاعر صح بدنك ودمت بخير

اصمل ولاتختلف وتهـزك الزعزعـه=ترى العزوم القوية من عزوم السعـد
لاكثرت ارياك خذ من كل راي اشجعه=وايامنا طبعها بيـن الفـرح والنكـد

صح لسان ابو ماجد
وصيه فيها من الحكم الشي الكثير من رجل حكيم

سلمت يمينك ابو محمد