فارس بـن عيبـان

يا طول صبري في بلا جـور الأيـام =ويـا قـو عزمـي لقبلـن الشدايـد
وإن قلت قـدام ٍ فـأنـا دوم قـدام =رابي على النالـه وطيـب العوايـد
آرد مواريـد الفخـر ورد بهـيـام =وأرقى مراقي العـز فـي كـل نايـد
ولا جا نهار ٍ فيـه تنشـق الأكمـام =أرسي كما ترسي الجبـال الطوايـد
على خُطى رجل المُـروَّه و الإقـدام=اللي بوقت الشـان يسـوى بدايـد
عود ٍ سقاني الطيب والجود ثم شام=راسي عـن علـوم الدنـا والنقايـد
والبارحه هبت نسانيـس و أنسـام=ريـح ٍ عبقهـا خَصنـي بالقصايـد
فَلَّت هجوسي ثم غَدى أمـر وإلـزام=إني أصوغ أبيـات شعـري فرايـد
وهديتها مهره بـلا سـرج والجـام=وأمسيـت ألبسهـا حريـر وقلايـد
مهره تشابـي مهـرةٍ لا بـو تمـام=حبيب طـي أهـل العلـوم الوكايـد
ميلادها الأول عصر صـدر الاسـلام=وللحين تصهل فـالكتـب والجرايـد
وتقول نَقِّل خافقك ويـن مـا هـام=وارحل ترى العالـم وسيـع البلايـد
لكـن مَـرَدِك صاحبـك لأولـي دام=فيك الهوى ينبـض وتاتيـه عايـد
وأنا الهوى مني برى لحـم وعظـام=وأشقى عيون ٍ ما أهنـت بالوسايـد
من حب ديره مبعـد ٍعنهـا أعـوام=اللـي تسـود قرومهـا كـل سايـد
ديرة ( هل الشلفا ) لمن البـلا حـام=(والله يهنيكـم) بـوقـت المـوايـد
هي شِف روحي والهوى شِف وأقسام=والله بمداتـه علـى النـاس جايـد
غَرس هوى نجران فيني ولا صـام=في يوم قلبي مـن هواهـا وحايـد
فـياللي بها من متعبين الرمك يـام=وهمدان إبن زيـد العريـب التلايـد
قولوا لها فارس قضى الليل ما نـام=شَفق لتراش وطاولـه شـوق قايـد

فارس بـن عيبـان

بسم الله

ابن النفود

سلمت يمينك على نقل هذه الرائعه

وصح لسان الشاعر الجزل ابن عيبان الذي قال فاجاد

تقبل مروري واعجابي

صح لسان الشاعر

قصيدة رائعة يا ابن النفود

لك ازكى تحية ودمت بود