صالح عبيد العلوي ,مدح وثناء,في الدكتور منصور الوسوس

قصيدة الشاعر / صالح عبيد العلوي ,في المقدم دكتور منصور الوسوس

كان الاداره قاعدت مثل منصور =يلزم عليها ايجاد واحد مثيله
ماقلتها لانّه مقدّم ودكتور=والاّ لانّه ينتمي للقبيله
العلم والرتبه لهن للرجل دور=لكن ماهن غايه . مجرد وسيله
حبلٍ من القمّه على الارض مجرور=يرقى به الممرور راس الطويله
والاّ الردي لو حصل العلم مثبور=يموت ماحاش بحياته جميله
وكم واحدٍ بالمجتمع صار له دور=لو ماتعلّم للوفا ينعني له
مني عدد ماينبلج للضحى نور=واعداد ماترعد وتبرق مخيله
سلام مسلم صادق احساس واشعور=والشكر والعرفان مني جزيله
للي على قضي المواجيب مسرور=المرجله بعروق دمه فصيله
ليا جيت له في نب لبى على الفور=ماقال هذي حاجةٍ مستحيله
ولا اقول مابه غير منصور ممرور=ياكثر من يسعى لكسب النفيله
ومدح الرجل مايعني لغيره قصور=ومن خالجه شكّه يراجع حصيله

الشاعر / صالح عبيد العلوي ..
( حريب الياس )