قصيدة رثاء من الشاعر مبارك بن حديد بالمغفور له ان شاء الله فقيد الجميع
سعود بن محمد بن حديد الفريدي
(( يالله تبيح سعود وتحلل سعود ))
فقدنا في ليلة الاربعاء الموافق 20 / 2 / 1437 هـ
ببالغ الحزن والاسى وبقلوبٍ مؤمنه بقضاء الله وقدره
فقدناء رجلٍ مكانه في القلوب كبير وفقدانه خطب جلل
وفراقه كسرٍ سيبقى في قلوب محبيه وقتٍ طويل
ولا نقول الا مايرضي الله (إنا لله وإنا إليه راجعون) اسكنه الله فسيح جناته
وتغمده بواسع رحمته
|
|
ليـلـة ربــوع ويومـهـا كلـهـا ســـودليلـة حــزن ليـلـة فجيـعـه شـديـده |
قبل العشاء معيه على الخط ماجودوبالعاشـره جانـا العـزاء بـه وكيـده |
يالله تبـيـح سـعـود وتحـلـل سـعـودانــا اشـهـد انـــا فـاقـديـنٍ ولـيــده |
فجيعـةٍ حـلـت بـنـاء حــزن ولـهـودبأحـزانـهـا نـبـقـاء سـنـيـنٍ مـديــده |
فقيـدنـا مـاهـو مـثـل كــل مفـقـودفـقـيـدةٍ ياكـبـرهـا مــــن فـقـيــده |
فـرقٍ بهـا زلــزال بـركـان ورعــودهـزة جمـيـع اركــان كــل البـديـده |
خطبٍ جلل حطم بنا متون وعضـودياكـبـر فـقـدان العضـيـد لعـضـيـده |
عـضـدٍ بميقـافـه لـنـا كـنـه الـطـودعنـيـد قـاســي للـوجـيـه العـنـيـده |
ماهو من اللي ماقفـه دامهـا سهـوديصيـد خصمـه قبـل خصمـه يصيـده |
امنزهـن عـن كــل ماقـيـل منـقـودوالكـامـل الله والـقـصـور بعـبـيـده |
بالعرف والحكمه له امجـاد وشهـودبـه حكمـة العـارف ورؤيـاء سديـده |
وبين القرابه واهـل الطيـب معـدودوبه خمـس ميـزاتٍ جمعهـن فريـده |
عقل وثقل وإدراك وسلوب وسـدودومدات يمنـى سعـود ماهـي زهيـده |
بالطيب له قومه بهـا يعشـق الـزوديعشـق بهـا فعـل الجمـيـل ويـزيـده |
ويالله ياجابـر عــزى كــل مضـهـودتـجـبـر عـزانــا بالـعـزيـز الفـقـيـده |
وياخيـر مـن يطلـب وياخيـر معبـودبعـفـوك ومقـدرتـك تثـقـل رصـيـده |
ويالله تبيـح سـعـود وتحـلـل سـعـودآمـيــن يـاقــادر عـلــى مـاتـريــده |
وختامـهـا اعـــداد مـاهـبـت الـنــودعلـى الشفيـع ازكـى صـلاة بعقيـده |
|
الشاعر الكبير
مبارك بن ناصر بن حديد الفريدي 
يالله تبيح سعود وتحلل سعود :: الشاعر مبارك بن ناصر بن حديد 
العرض العادي
