قصيدة الشاعر مقبل النمران في حفل الشيخ غازي بن جمعان

اقام الشيخ غازي بن جمعان بن حماد
حفل تكريم للشيخ سلطان بن شلاح بن حماد بمناسبة تعيينه رئيسا لمركز ضيده
وكانت للشاعر مقبل بن علي النمران هذه المشاركة

لك حق وعلومك جزيلات وسمان=شيخ كريم ومنزلك بالصداره

تستاهل البيضاء فخر يابن جمعان=وحنا علی شوفك نسوق البشاره

حلحيل لك منزل وموقف وديوان=بالجود شامخ ماتهاب الخساره

ملفی الرجال اللي لهم بالعرب شان=عز الله انك تستحق الزياره

وملفی الحياری والفقاری والاعيان=وملفی الوجاهه والسعد والشطاره

دعوتك تشريف ومحبه وعرفان =أبشر يابو مناور رهين الاشاره

فيك القوافي تعتلي فخر واذعان=لأنك كسبت الطيبه عن جداره

فعلك ويكفي به دلائل وبرهان =واسمك ويكفي به شعار ومناره

قمة جبل في وسط حائل وعنوان=ولحرب ياغازي سفير وسفاره

أجاء وسلمی وهامتك يابن سودان=متساويه قمة شموخ ونعاره

رفعت سعر الحشو بالسوق والضان=من كثر ماتذبح بطيب وغزاره

ولو انت في عصر ابن حثلين راكان=من بعد طولة غيبته وانتظاره

ماقال ذبي من طميه لبرزان=تنحري غازي علی جال ناره

من غير قاصر في صديقه ولاهان=أنته امير بقامته واعتباره

ولأنك ليا صكت من الضيم مزبان=ترفع جناب المعتزي وانكساره

ولانك يابن حماد وافي وهتان=ترفع لك البيضاء علی رأس قاره

تفعل وفاء تفعل نقاء تفعل احسان=تحتار في وصفك جزيل العباره

والشعر بك رابح اوافي وكسبان=يشوش بك تاره وتزهاه تاره

يافخرنا اللي له مكانه وحسبان=وياذخرنا اللي كانزينه تجاره

واليوم من طيبك وفاء تعلن اعلان=فرحة غلا باللي صدر له قراره

قلت البناخي عند ظني كحيلان=مجدن تسلسل مأختلف عن مساره

وأقمت حفلن مكتمل بالسماء بان=مضرب مثل فخامته وانتشاره

تستاهل التكريم ياشيخ سلطان =وتزهی جناب المشيخه والاماره

يامرحبا من قلب واحساس ولسان=حضوركم عيد ابداية نهاره

قلته نيابه بالشعر جود وإتقان =عن ابو مناور برغبته واختياره