زويد الهويملي في الدكتور المقدم منصور الوسوس

زويد الهويملي في الدكتور المقدم منصور الوسوس

من فوق صفرا تسبق الصوت والريح=تلعب طرب كنها على خف وجناح

مركاضها يتعب بعييد المساريح=واخذت لي معها على الدرب مشواح

ونصيتها رووس الجبال اللحاليح=إلجامها بيدي والشعر مسباح

فكري سما ونجوم ليلي مصابيح=وسال القلم حبره على الطرس وانساح

مثل السحاب اللي يدك الصحاصيح=قبل يبين الصبح والشوف ينباح

يامحزمي شلها فدوك المشافيح=واصدح بها في ليلتن كلها افراح

يامرحبا باسم الرجال الزحازيح=والعود الأزرق من لضى الجمر فواح

وأهلا هلا عد السحاب المروايح=ويامرحبا وأهلا عدد بارقن لاح

لضيوفنا سقنا الدلال المفاويح=تجلى عماس الراس والبال يرتاح

والطيب والترحيب قبل المفاطيح=سلمن من الاجداد راحو ولاراح

في محفل الوسوس تطيب التماديح=حلو النبا منصور كساب الامداح

راعي هلا واقلط على هبة الريح=قلد متون المرجله تاج ووشاح

دكتور ومقدم بعـيد المشاويح=والمجد يبغي جهد وعزوم وإكفاح


من يطلب العليا دروبه تساميح=والعلم مثل النور للرجل وإسلاح

وعيال راشد كلبوهم طحاطيح=الكل منهم للمواجيب نطاح

اهل القناء والخيل والفطر الفيح=من خلقت الدنيا لهم صيت صداح

من حرب يوم ان الموارد مشاحييح=يوم انها في شلف وسيوف ورماح

نارد على عذب العدود النقاريح=وخوينا دونه نفادي بالارواح

تاريخنا واضح مايحتاج توضيح=تاريخنا بمزون الامجاد لوّاح


#زويد_الهويملي