اهداء من الشاعر المعروف شريف الفريدي الى الشاعر جهز السليمي

اهـــداء
الشاعر الكبير شريف بن محمد ابن راكب الفريدي
يوجه قصيده للشاعر الكبير جهز السعير السليمي
ويوصي الشاعر الكبير محمد حمد ابن شعيبان الفريدي
بإيصالها له

يامحمد شفت بك عبر اكتشافي=المواصل بالوفاء لك صار عاده
أشهد أن قلبك من التعقيد صافي=لو يعرف الغش ماقلت الشهاده
اتصور كل رجالن شفافي=مايعرف من الحياه الا السعاده
شف لي اللي يوم ناثق فيه يافي=يوصل المكتوب ويجيب الإفاده
يأصل اللي باعترافك واعترافي=نعموا له قدمنا العالم زياده
شاعر(ن) واعي ونقاد وثقافي=شيخ عرف ومن محبين العباده
والله أني ماخبر له مايضافي=كود كلمة طال عمرك بالقياده
ياجهز والله يمين أنك سنافي=أوصلوا لي منك تعبير الإشاده
ليا حصل من مثلك التشجيع كافي=أعتبرني واصل(ن) حد الرياده
ولا عليه من شيوخ المال خافي=مالهم من مالهم غير القراده
مادخل بيبانهم كود السوافي=كل واحد نظرته نظره جراده
كن بين بيوتهم مركز مطافي=لو تشب النار خلوها رمادة
ليا بغيت أضفي عن العالم لحافي=حظر الشيطان قدام الوساده
وقدم أسم اللي نعرفه بالعوافي=وجاب لي سيفه وأنا مابي شراده
ليت وقتي صافي مثل النصافي=كل مامد النظر قدمه حماده
وأسمحوا لي بأختصاري للقوافي=اتوقع ماهنا مثل الركاده