الشاعر/صحن بن قويعان المطيري

السلام عليكم ورحمة الله وبركاته





هذه القصيده قالها الشاعر/صحن بن قويعان بن عواد الجبلي المطيري وذلك بعدما جائته جارته تشتكي له وتطلب منه ان يساعدها بأطلاق سراح ولدها وذلك بعدما القوا القبض عليه في تهمه وهو بريء منها فقال هذه القصيده يطلب فيها من امير الحفر سابقاً (حسين بن عادي )ان يساعده في اطلاق سراح جاره

يابو علي نكبـات الأيـام مـره = تصير مع طول الدهر والشهـوري
جتني عجوزٍ جيـب ثوبـه تقـره = عليه من ميـلات بقعـا دبـوري
الشرطي أقفـا فـي ولـدها يجـره = وجتني تصيح ودمع عينها يفـوري
الله بلاهـا وابتلتـنـي بـشـره = وعاداتنـا بدخيلنـا مانـبـوري
ابا ابدي المجهـود باللـي يسـره = وأنا بلا فزعتك تـدري بأمـوري
مالـي مـن المقـدور مثقـال ذره = أما هـداك الله بحملـي تثـوري
العلم يصدر منـك وأنتـه مقـره = وان ماقضيت الشان منته معذوري
يوم اني احرج موقفـك واتشـره = بلاي هرجة قاصريـن الشبـوري
أخاف مـن قولـة رفيـق وغـره = ناسٍ على عوج السوالف تـدوري
والله لو أذكر فيـه علـمٍ يضـره = لا قول خل الحوت بقصى البحوري
جعله مهف امقيط من راس حـره = يوم انطلق برشاه هوي الطيـوري

وبعد القصيده أخرج حسين بن عادي السجين واطلق سراحه ورجع شاعرنا وجاره الى هجرة الحيراء وهم يهوبلون بغمارة الجمس

بسم الله

الاخ محمد سعود

قصيدة جميله فيها من معان النخوه والفزعه الشيء الكثير

وذائقتك دليل على طبيعتك

شكرا لك على جمال الاختيار

وصح لسان الشاعر وبيض الله وجهه

محمد بن سعود بيض الله وجهك على نقل هذه القصيدة وصح لسان الشاعر صحن بن قويعان المطيري

مشعل الفريدي


خلف الفريد


الجميله ردودكم وبيض الله وجه الجميع