ديرة هل التوحيد

كما وعدتكم احبتي هذه القصيده التي القيتها في حفل الاخ / محمدبن ناصر بن سعديه الفريدي الذي اقامه في قصر القواره للأحتفالات بمناسبة فوزه بعضوية المجلس البلدي في القواره:

	ياحمـود ليـه الـدرب طـوّل مـسـارهانته تسـوق الجمـس والا بـك يسـوق خابـرك انـا ياحمـود قلـب وشطـارهايضـا ولا انـتـه بالمهـمـات مطـفـوق شـدّ الجميحـي ليـن يـقـدح شــرارهلين الخطوط البيض تصبح بلا فـروق شـــدّه نـبــي دارٍ بقـلـبـي قــــرارهحبٍ قديم وحافظـه وسـط صنـدوق عـلاقــةٍ بـيـنــي وبــيــن الــقــوارهمثل العلاقه بيـن عاشـق ومعشـوق ديـرة هـل التوحيـد واهـل الصطـارهاحبـهـا والشـاهـد المسـتـوي فـــوق احـبـهـا واحــــب شــمّــة اغــبــارهونخيلهـا اللـي كلـهـا ظــل وعــذوق وسـهـولـهـا وجـبـالـهــا والــزبـــارهوفياضهـا اللـي تدهلـه شمّـخ الـنـوق اللـي الـيـا شمـيـت ريـحـة حـسـارهاليا اختلط في وسطهـا كـل زملـوق يـزول عـن كبـدي ركــود الحـضـارهويعود لي حبٍ مـن القلـب مسـروق ويـا حمـود لا منـك لمحـت المـنـارهارفق عليه وخـل مشيـك بـه رفـوق قـدمـك مطبـيـن ٍونـقـطـة خـفــارهسلّم على الحارس وبسلوب مرموق ولا يرتـفـع عـنـدك انبـيـر الـحــرارهالعسكري مثلك من الطيـن مخلـوق ثـم ودّعـه ياحمـود باحـسـن عـبـارهوخلّك بوجهك ثم تياسـر يـم السـوق ولا جــاك دوّارٍ كـبـر ضـلـع صـــارهخذ الجنوب اسبق ولا تصير مسبـوق وانحـر بـنـا قـصـرٍ ضيـوفـه عـمـارهعسـاك تعمـر دوم ياقصـر مــرزوق قبل امس فيه سعـود ركـز اشعـارهفي ليلـةٍ كمّـل بهـا الطـاق مطبـوق ومن شـان ابـو تركـي ثنينـا الزيـارهيقودنـا سلـك الحريـر ومـعـه شــوق حــرٍّ بـغـا العلـيـا واخـذهــا جـــدارهبالجـد والاخـلاص والـعـزم والــذوق شامـت لبـو تركـي ونسيـت وقــارهوتخيّـرت بيـن النشـامـا لـهـا شــوق عـنـده صـفـاتٍ حطـتـه بـالـصـدارهديـن ورجولـه مـع تواضـع ومنطـوق واسمع يابـو تركـي نصيحـه واشـارهاللي عطاك الصوت اصبح له حقـوق انــت طلـبـت وحمّـلـوك الـسـفـارهدايــم تحملـهـم وخـلـك عـلــى روق خذهـا سياسـه وابـذل الجـهـد تــارهوتـاره توقّـع كـل مـطـرود ملـحـوق وصلوا على اللـي يـوم ربـي اختـارهارسى دعايم دين واحكم لها الطـوق نـبـيـنــا نـــــور الــبـــلاد ونــهـــارهعـدّ النجـوم وعــد مـالاحـت بــروق

خلف بن عتاق

ابو عبد العزيز

صح لسانك وعلا شانك

قصيده جزله كجزالة قائلها

وتقبل اعجابي ،،

ابو عبدالعزيز

صح لسانك

قصيده جزله من شاعر جزل 1بيض الله وجهك 2مافيك حيله3وفالك التوفيق.
تقبل تحياتي

ابو محمد كان بودي احجز حجز فاخر واروق على هذه القصيدو وارد عليها واشيد بها

حرف ، حرف لكن سبقوني الاخوة وانت شاعر علم وجزل من اعلام هذه القبيلة الغالية

ووقفاتك مع ربعك ماهي بغريبة عليك ابد

وعلمك غانم قبل والان

مااقول الا قصيدة اسعدتني ورددتها كثير وهيجنتها بعد




ياحمود ليه الـدرب طـوّل مسـاره = انته تسوق الجمس والا بك يسـوق

ابو محمد هذا كله شوق للقاء بإحبتك يإصيل


خابرك انا ياحمود قلـب وشطـاره = ايضا ولا انته بالمهمـات مطفـوق


وانا خابر ان كل اصحابك يرفعون الراس والدليل هذا البيت الجميل



شدّ الجميحي ليـن يقـدح شـراره = لين الخطوط البيض تصبح بلا فروق

تصدق يابو محمد لو اني وكيل الجميح كان سنويآ اقول تعال واختار احدث موديل وتستاهل


شـدّه نبـي دارٍ بقلبـي قــراره = حبٍ قديم وحافظه وسـط صنـدوق


الله ظهر المعدن الاصيل ومحبتك لديار عزوتك


علاقـةٍ بينـي وبـيـن الـقـواره = مثل العلاقه بين عاشـق ومعشـوق

توصيف رائع ودليل على العشق الجنوني لهذه المنطقة التي نحن اليها دائمآ


ديرة هل التوحيد واهـل الصطـاره = احبها والشاهـد المستـوي فـوق

يستاهلون وكفو ربعي وعزوتي

احبهـا واحـب شـمّـة اغـبـاره = ونخيلها اللي كلهـا ظـل وعـذوق

وسهولهـا وجبالـهـا والـزبـاره = وفياضها اللي تدهله شمّـخ النـوق
اللي اليـا شميـت ريحـة حسـاره = اليا اختلط في وسطها كـل زملـوق
يزول عن كبدي ركـود الحضـاره = ويعود لي حبٍ من القلب مسـروق


ابو محمد هذا حب جنوني واقوى من التسونامي


ويا حمود لا منك لمحـت المنـاره = ارفق عليه وخل مشيك بـه رفـوق

دائمآ وصفك ابداع ودقيق


قدمـك مطبيـن ٍونقطـة خـفـاره = سلّم على الحارس وبسلوب مرموق

الله ، الله ذوق ذوق ابو محمد

ولا يرتفع عنـدك انبيـر الحـراره = العسكري مثلك من الطين مخلـوق

الله تواضع وهذه هي عادتك


ثم ودّعه ياحمـود باحسـن عبـاره = وخلّك بوجهك ثم تياسر يم السـوق

وانا من اليوم وانا اقووووووووول ذوووق ذوووق


ولا جاك دوّارٍ كبـر ضلـع صـاره = خذ الجنوب اسبق ولا تصير مسبوق

توصيف وتصدق مااذكر اني جيت القوارة ابد لكن مع هذه القصيدة دليتها خلاص


واسمع يابو تركي نصيحه واشـاره = اللي عطاك الصوت اصبح له حقوق
انـت طلبـت وحمّلـوك السفـاره = دايـم تحملهـم وخلـك علـى روق
خذها سياسه وابـذل الجهـد تـاره ة = وتاره توقّع كـل مطـرود ملحـوق

رأيك دائم سديد وحكيم وكلنا نأخذ برأيك

ونصيحة لابن عمك من قلب صافي وصادق

ابو محمد اعذرني على هذا الرد السريع والذي على عجالة

لكن مااقول الا صح لسانك يالشاعر المبدع والجزل

شد الجميحي لين يقدح شرارة ****** لين الخطوط البيض تصبح بلافروق

صح لسانك وكفيت ووفيت
وبيض الله وجهك يالذيب
تحيات : القسومي .

صح لسان ابو عبدالعزيز

دئماً لك حضور مشرف في كل حفلات ((عيال راشد))

الله يعطيك الصحه والعافيه

بسم الله

مبارك بن هديب
مشعل الجضعان
غازي الفريدي

مروركم شرفني واكرمني لارى هذه الكلمات القريبه الى النفس رفع الله شأنكم

تقبلوا حبي وقبلاتي

بسم الله

اخي الحبيب القريب ابو تركي:confused:

دائما تعجزنا في الرد على مرورك لانك اكبر من الرد وردك اكبر من المشاركه يعلم الله!!!

مرورك سحابة ممطرة اروت الحرث والنسل والقلوب

تعليقك اراني ماكنت اجهله والقصيدة لي

لذا اليك مني:

الف قبله
تعهد بعدم المرور قبلك لاني لا اجيد مهنة غيري
اعجاب بهذه الموهبه التي منحكها الله ،ماشاء الله
اما مشاركاتي لربعي حضورا وشعرا فهذا واجب لا اشكر عليه وقليل من كثير احرص عليه

تقبل حبي وتحياتي

بسم الله

اخوي الكريمين

القسومي
ابن جدعاء

شكرا لكما من الاعماق على هذا الثناء الجميل من معدن اصيل

مروركما ابهجني وافرحني

دمتما بخير وعافيه