مرثية الشاعر حربي بجاد بن عطيه الفريدي بالمرحوم معلا بن عنيزان الفريدي

مـــــرثـــــيـــــة الـــــشـــــاعـــــر الــــكــــبــــيــــر

حــربـــي بـــــن بــجـــاد بـــــن عـطــيــه الــفــريــدي

بالمرحوم بإذن الله معلا بن عنيزان بن دويحان الفريدي .

ما ألوم عيني كل ما دمعهـا غـاشعلـى فـراق اللـي رحيلـه وحشـهـا

غاب الرفيق وهيّض غيابـه الجـاشللحزن فـي صـدري جـروحٍ نبشهـا

ياراس لاتجزع من الوقت لو نـاشمتنك وجنبـك فـي كفوفـه خمشهـا

المـوت حـق ولاحـدٍ منـه منـحـاشسـهـم المنـايـا كـــم روحٍ نهـشـهـا

الله يبيح اللي على المرجله عـاشسليم من حقـد القلـوب وغششهـا

معلا وريث المجد والرأس شـواشرجــلٍ دروبــه بالمـكـارم فرشـهـا

ياما ذبـح للضيـف قعـدان وأكبـاشماهـو مـثـل نــاسٍ تـشـح بدبشـهـا

والله لتبطي عيوننا لشوفه عطاشونجاري الفرقـا علـى غيـر مشهـىٰ

ياشيب عيني يوم غطـوه بالشـاشالــروح سلّمـهـا وشـالــوا نعـشـهـا

هذي النهايه والكفن قطعة قمـاشنسكن قبـورٍ مظلمـه مـن وحشهـا

ما بالقبر غير الثرا لحلاف وفـراشوأعمالـك بدنـيـاك لا مــت عشـهـا

نِقْبل على الدنيـا مـع كـل مغبـاشونرحل كمـا طيـورٍ تخلـيِّ عششهـا

يعل قبـره مـا سقـا ديـم ورشـاشوسالت ديارٍ ممحلـه مـن عطشهـا

يـاالله بالجنـه جـزا كــل مـاحـاشوالنفس فـي رحمتـك هـون بلشهـا

حـــربــــي بـــجــــاد بـــــــن عــطــيـــه الــفــريـــدي