ان جات من طيب شقاها على الطيب " "لو انها اعوج مـن رقبـة الذلولـي

	هذي القصيدة للشاعر الكيبر لافي حمود الغيداني الحربي , وكلهاحكم رائعه واهمها انه يوجه رساله ان الشخص يجب ان يتحمل كل مايأتيه خاصه من جماعته الأقربيت والله المستعان ... والله على الابيات الثلاث الحلوة لانها الخلاصة ان جات من طيب شقاها على الطيب " "لو انها اعوج مـن رقبـة الذلولـي وان جات من مسكين منطق واساليب " "حطيتهـا بيـن الثـرى والنعـولـي لاحركـت شعـره ولاطلعـت شيـب " "ولاضيقت صـدري ولاطـق جولـي بداية القصيدة يامكثرين الهرج لااسمـع ولااجيـب =تريحوا من فضلكـم واسمحـوا لـي تريحـوا لاتلحـقـون المشاهـيـب =على الردى مانـي شفـوق عجولـي بالعقل والصبر ادب النفـس تاديـب =والا لهـا مـده تصـول وتجـولـي خلج ترازم فـي سيـاج المحاديـب= مافيهـن اللـي بالعقـال معقـولـي اشد وطية زور مـن شمـخ النيـب= اليا ضاع مفعو ل الحيـل والحلولـي انـا لاقلـت ارتـب القـول ترتيـب=حتى يجـي كـي علـى فـك قولـي اليا ارسلت لافكار القريحـه مناديـب=ترايعن مـن عقـب ماهـن جفولـي لكن مالـي مـن وراهـا مكاسيـب =لو كان عشاق القشـر صفقـوا لـي مامستفيـد الا العـدو والاجانـيـب =ولانـي مطيـع مقرقعيـن الطبولـي خليتهـا تعطـي فجـوج مجاديـب =جربا تجـود فـي رسنهـا مهبـــولـي والله لااجنـب دام لـي درب تجنيـب =من شرهة حشام الرفاقـه خجولـي لـو انهـا بيـن النحـر والتلابيـب =من الحيا وجهـي مهـوب مغسولـي طبـع لنـا نشـب عليـه ونشيـب =وطبيـعـةٍ لعـلـهـا مـاتــــزولـي على الجماعه للجماعـه مواجيـب =الا جهلـوا قـدر الرفيـق الهتولـي ماني على ربعي قريـب محاضيـب =ادنـاة مايخلينـي اسـرج خيـولـي ان جات من طيب شقاها على الطيب =لو انها اعوج مـن رقبـة الذلولـي وان جات من مسكين منطق واساليب =حطيتهـا بيـن الثـرى والنعـولـي لاحركـت شعـره ولاطلعـت شيـب =ولاضيقت صـدري ولاطـق جولـي وان كان في صبري على ميلهم عيب=العيب تفتيـش الصـرر والحثولـي لاقمت تذكر فـي رفيقـك عذاريـب =وتبيـن عيوبـه لذولـي وذولــي صبرك على ربعك عـلاج وتطابيـب =يقصـر حبـال السالفـه لاتطـولـي حتى مايلقا فـي طرفهـا مقاضيـب =كـراه خيـر وللمشاكـل ميـولـي واليا بليـت بتايـه شـره وصعيـب =يقول انا العـراف وانـت الجهولـي قـل الله الله ياحصـان الاطالـيـب =يالفاهـم العالـم عطيـب الفعولـي هذا الكلام اللي مافي صحتـه ريـب =لانيـب لاحولـك ولانتـاب حـولـي حصان وبن حصان طيـب مجاذيـب =وبالمعرفـه رجـل محلـي ودولـي خله يروح يخطي الـدرب ويصيـب =يقول مابالنـاس عرضـي وطولـي والفرق ماهو باللحـى والاشانيـب =الفرق بين النـاس فـرق العقولـي كم واحد تحسن بـه الظـن ويخيـب =السـن يضحـك والفـواد معلولـي واللي غدت به كلمة مالهـا غيـب =ماهو من اطيب ربعي اللي غود لـي يالله عساها صيحة فـي قفـا ذيـب =وقلـع النيـا بينـي وبينـه يحولـي الرجل مايغصب على الطيب تغصيـب =اليا صار ماهو دل ضمـن الدلولـي ومن عادة اللي طيبه يحضر ويغيـب =لاطالـت الرفقـة زهـوق ملـولـي واليا بلنـك غبـر الايـام بصحيـب =في مستوى طيبـه صعـود ونزولـي اعرف ترى الدنيا دروس وتجاريـب =والكامـل الله والنـقـا للرسـولـي لاتصير مشـذاب يقـص العراقيـب =خلـه وراع الاولــه وش يقـولـي اخذت حكمه مـن كـلام اللواعيـب =للطيـب نـاس وللعـذارى فحولـي

الفريدي بيض الله وجهك ابن عمي على نقل هذه القصيدة الرائعة للشاعر المبدع / لافي الغيداني ..دمت بود

لاتصير مشـذاب يقـص العراقيـب=خلـه وراع الاولــه وش يقـولـي
اخذت حكمه مـن كـلام اللواعيـب =للطيـب نـاس وللعـذارى فحولـي

قصيده رائعه ومليئه بالحكم


صح لسانك ولسان القائل

الفريدي

تنتقي المميز والجزل والابداع بالشعر وتأتي به

هذي هي عادتك مميز ومبدع بكل شيء

دمت ذخرآ لنا

وصح لسان الشاعر / لافي الغيداني


تقبل مروري وجزيل الشكر

الله يسلمكم جميعاً وتشرفت صفحتي بمروركم الطيب

ونزل بالاسواق شريط اسمه وصف للشاعر / لافي حمود هذه القصيدة فيه وفيه قصائد اخرى من ضمنهن قصيدته في النخبه وغيرها يباع في التسجيلات الاسلاميه

يالطهيمي رد معروفك شحني ==والله الي حطلك عندي جماله


صح لسان لافي الغيداني وبيض الله وجهك يالفريدي

الله يعطيك العافيه

الفريدي دئماً...رائع بختيارك....

بسم الله

الفريدي

مبدع دائما ابا مالك

انتقاء رائع وذائقة متميزه وهذه عادتك اخي

الشعر حكمه وفيه من البيان مايشد القلوب قبل الابصار

شكرا على الاختيار

وصح لسان شاعر حرب المبدع / لافي حمود الغيداني

هلابكم جميعاً وتشرفت صفحتي بمروركم الجميله

اولاد راشد تقف عباراتي عن الوفاء بحقكم وكلماتكم تحتل مرتبة عاليه في قلبي المفتوح لكم

الله يجعلكم بالوجود ياويجه السعد والخير

ابوعبدالله هذا البيت تاج اتشرف بلبسه

أبا عبد الله ..

كما عودتنا دائما رقي و سمو ذائقتك الشعرية

وأعلم أن لديك الكثير .. الكثير

فلا تبخل علينا به

من درر مكنون و سبائك من الذهب

دمت لي بألف خير ،،