ياجب نجيب إليا دعا راعي الطيب=وشلون لاصبح داعي الحفل جاري

بمناسبة زواج ابناء عبيد بن راكب الفريدي

ياجب نجيب إليا دعا راعي الطيبوشلون لاصبح داعي الحفل جاري

صـارت مواجيبـه عليهـا مواجيـبولا نـي بسايـق لرجـال اعـتـذاري

لاشك مالي عن هل الجود تجنيـبنعم النبـاء لآصـار للطيـب طـاري

عبيد ابن راكب يسـوق التراحيـبللي هنا واللـي مـن البعـد سـاري

عودن ورد للجود عذب المشاريبوالطيب سوقه من جزايله شاري

كثر المراجل لو جمع له مكاسيبمانافسـه بالـمـال بنـكـن تـجـاري

زف الحرار اللي بروس المراقيبوعينه تخفـي مـن فرحهـا عبـاري

وقلبه يناجي لجلهـم عالـم الغيـبلا طول الله عـن ولـدك انتظـاري

هـذا شعـور العـود لبنـه بـلا ريـبالله يعـيـن الـلـي لــوده يـجــاري

ويالله نسآ لـك ماتخيّـب مطاليـباللي على كسب النواميس ضاري

ولا الردي ياجعلهـا شمسـه تغيـبوتـذري علـى دار المهـبـاء ذواري

رتبتـهـا ياسـامـع الـقـاف ترتـيـبمضمونـه التقديـر وأيضـا وقــاري

في سامع الناقد اذا قولي مصيبعن مكـثر السجات مانـي بـزاري

عن واقع الحاضر اذا فكره ايغيـبمن واقع الماضـي ترالـه طـواري

الشاعر / عبدالعزيز بن سعيد ابن عبلان الفريدي