قصيدة الشاعر شريف الفريدي في حفل (( سفير حرب ))

حطيت بيتٍ ما يوصف فيه بيت = شرَّف قبيلتنا ونال اعجابها

مشاركة الشاعر الكبير
شريف بن محمد بن راكب الفريدي
في حفل سفير حرب الشيخ ممدوح بن جازي الوسوس

.............

طبيت في سوق المعاني واشتريت=وعليّ ما تقفل جميع ابوابها
والله ما اخلّ الحاضرة واقول ليت=ابجتهد كان ان حظي صابها
الأولة طافت عليّه ما دريت=والثانية ترى حسبت حسابها
حيِّيت ياللي زرت لك دولة وجيت=هِمت الطوال ونِلت روس هظابها
سفير حرب اللي دخل حد الكويت=وكل العلوم اللي تشرِّف جابها
حطيت بيتٍ ما يوصف فيه بيت=شرَّف قبيلتنا ونال اعجابها
لولا الكرم ما كان لأهل الجود صيت=تموت بعض الناس ما يدرى بها
ومن لا يسرّك حيّ، لا تبكيه ميت=حتى وفاته لا تعرف اسبابها
كفّيت يا ممدوح بالفعل ووفيت=اسمك شريك النِّعم وانت اولى بها
والمجد ما انت اللي لتأسيسه بنيت=ورثت نارٍ ما رقد شبّابها
ابوك حاش النّعم واللي له ونيت=هيف السمين الى صدف جلّابها
وحولك حرارٍ مثل من وردوا الهِيْت=يا صعب سيرتهم على طلّابها
وشكراً لكم يا عيال راشد كومبليت=قدِّم له الفنجال يا صبّابها
والى زرعت المجد لأثماره جنيت=هذي حقيقة عارفينٍ ما بها
وعند الصراحة حد عرفي ما افتريت=واظنّ اهل مكّة تعرف اشعابها

الشاعر / شريف بن محمد الفريدي 1436 هجري