امدحك يالافي وانا فيك ممدوح :: الشاعر خلف بن عتاق

مشاركة الشاعر والاديب خلف بن محمد بن عتاق الفريد
في حفل لافي بن مرزوق بن جفنان الفريد بمناسبة تخرج ابنه ممدوح

هــلا هــلا بعـيـال سـالــم ومـســروحاهـل الفعـول البيـض فـي كـل سـاحـه

تاريخـهـم لـــو ماشـرحـنـاه مـشــروحتـوارثــوا تـاجــه ولـبـســوا وشــاحــه

حـرب الحرايـب قـمـةٍ مالـهـا سـفـوحومثل البحـر بالطيـب عمـق ومساحـه

كـم اعتقـوا نـفـسٍ بـهـا هــم وجــروحوكــم خلـصـوا ديــنٍ صعـيـبٍ كفـاحـه

وكم طوحوا عقلٍ علـى روسهـم طـوحالـيـا دعــا الـواجــب وهـبــت ريـاحــه

والليلـه الفـرحـه لـهـا الـبـاب مفـتـوحومـن طيبهـا صــدري يـزيـد انشـراحـه

فرحـة اخــوي بـعـودة الابــن مـمـدوحعـــوّد وباليـمـنـى شــهــادة نـجـاحــه

طحطوح ممدوحي ومن راس طحطوحوعسـى حصيـلـه مــع نجـاحـه فـلاحـه

والماقـف الليلـه بـه الـمـدح مسـمـوحوابــا اتـخـيـر مـــن كـلامــي قـراحــه

خذهـا يبـو ماجـد مــن الــروح لـلـروحماعنـدي ازيـن مــن كــلام الصـراحـه

امـدحـك يـالافـي وانــا فـيـك مـمـدوحواحــس فــي مـدحـك محـبـه وراحــه

دايـم علـى جـمـع المناعـيـر مشـفـوحويمنـى الكـرم يـاحـظ منـهـي سـلاحـه

وطبع الكرم في داخل الجوف له فـوحصعـبٍ علـى المفتـون يكـبـح جمـاحـه

وانتـه ورثـت الطيـب مـن عـد وتمـوحعــد الـمـكـارم والـفـخـر والسـمـاحـه

وشكراً يبـو عـادل علـى صـادق البـوحمدحتـنـا مـــن قـلــب كـلــه نـصـاحـه

وانا ادري ان مدحي بشـرواك مجـروحلاكــن غــط الـنــور نـقــص وبـجـاحـه

ياحامل المشعل وغيـرك علـى الضـوحوان يبـسـت الاخــلاق بسمـتـك راحــه

يــوم الاوادم بـيــن راجـــح ومـرجــوحانتـه كسيـت الطيـب عـقـل ورجـاحـه

تـم الكـلام اللـي مــن الــروح لـلـروحسجيـنـي المكـنـون واطـلـق سـراحــه

ملاحظه
ابو عادل هو الشاعر والاعلامي عبدالله هلال الفريدي