مشاركة الشاعر محمد ابن شعيبان في حفل رئيس مركز طلال

مشاركه لشاعر الكبير محمد حمد الفريدي
في حفل تكريم رئيس مركز طلال .... جري المطيري

ياعالمٍ بالبينات وعالمٍ بالخافيات=ياواحدٍمتصرفٍ بأرواحنا وابدانها
اسألك التوفيق يامحصي جميع الكائنات=واعوذ بأسمك من هوا نفسي ومن شيطانها
اقول بعد اني فتحت ابواب جزل المفردات=امثال من شان النشاما ماتغالا اثمانها
سلام يامطير المعرفه والكرم والواجبات=سلام يارجال الوفاء اللي بالوفاء عنوانها
وسلام ياروس الرجال اهل العلوم الوافيات=روسٍ على طول اليالي شرها وامانها
سلام تسليماً عدد وبل المزون المرزمات=يشمل مطير ويشمل الحضار من ضيفانها
مطير حمران النواظر بالسنين الماضيات=بسيوفهم يثنون دون احدودهم واوطانها
ومطير حمران النواظر بالسنين الحاضرات=امجادهم في كل ديره قدم عينك عانها
بأفعالهم وامجادهم يرقون روس النايفات=قبيلةٍ دايم تطول الطايلات ايمانها
وسلام لك ياجري تقدير وفا علمٍ ثبات=على المعزه والبيوت مثبته سيسانها
حيثك قبول رجال وفعولك بدون مجاملات=تفخر بها المطران وتشرع لها بيبانها
واخوانك الوافين مثلك بالسلوم وبالصفات=كفوٍ لجزلات البيوت بحورها و اوزانها
حضرت يبو سعود اقدم لك سلام وتهنيات=اللابة اللي بالجزاله راجحٍ ميزانها
انقل مشاعر حرب ربعي كاسبين الطايلات=قبيلةٍ كل المكارم يكسبون رهانها
تشهد لنا بأمجادنا كل القبايل والجهات=الاربعه تشهد بطيب نفوسنا وإيمانها
الطيب في كل البشر بذره مثل بذر النبات=ينمو مع العربان حسب سلومها و اديانها
واخير من كل العلوم الباقيات الصالحات=هاذي حقيقه ماحداً يقدر يهز اركانها

.
الشاعر
محمد حمد ابن شعيبان الفريدي